तासगावातील हॉस्पिटलमधून एक दिवसाच्या बाळाचं अपहरण; नर्स असल्याचं भासवून महिलेचं कृत्य
Sangali Tasgaon News : सांगलीच्या तासगावमध्ये नर्स असल्याचं भासवून एका महिलेने अवघ्या एका दिवसाच्या बाळाचं अपहरण केलं आहे.
Sangali Tasgaon News : सांगलीतील (Sangali) तासगावमधील एका हॉस्पिटलमधून अवघ्या एका दिवसाच्या बाळाचं अपहरण करण्यात आलं आहे. या धक्कादायक घटनेनं संपूर्ण रुग्णालयात भितीचं वातावरण पसरलं आहे. एका महिलेनं बाळाचं अपहरण केल्याची माहिती मिळत आहे. रुग्णालयाच्या सीसीटीव्ही फुटेजमधून ही बाब समोर आली. तासगाव मधील सरस्वती आनंद हॉस्पिटलमध्ये आज (रविवारी) सकाळी 8 वाजण्याच्या सुमारास ही घटना घडली.
बाळाचं अपहरण करणारी महिला हॉस्पिटलमध्ये दोन ते तीन दिवसांपासून आपण नर्स असल्याचं भासवून कामाला लागली होती, तिनंच बाळाचं अपहरण केल्याची माहिती पोलिसांनी दिली आहे. धक्कादायक बाब म्हणजे, एक दिवसाच्या बाळाला महिलेनं आपल्या हातातील बॅगमध्ये टाकून पलायन केल्याचं सीसीटीव्हीमध्ये दिसत आहे.
सांगलीच्या तासगावमध्ये नर्स असल्याचं भासवून एका महिलेने डॉ. अंजली पाटील यांच्या सरस्वती आनंद हॉस्पिटलमध्ये कामाला सुरुवात केली. त्यानंतर तिनं विश्वास संपादन करत संधी साधली आणि अवघ्या एका दिवसाच्या बाळाचं अपहरण केलं. बाळ सापडत नसल्यानं शोधाशोध झाली आणि त्यानंतर हा धक्कादायक प्रकार उघडकीस आला आहे. आज सकाळी 8 वाजण्याच्या दरम्यान हा प्रकार घडला. ही घटना सीसीटीव्ही कॅमेरात कैद झाली आहे. याप्रकरणी सबंधित महिलेचा पोलीस शोध घेत आहेत.
तासगाव येथील सिध्देश्वर चौकातील डॉ. अंजली पाटील यांच्या दवाखान्यात एका महिलेची प्रसूत झाली. आज सकाळी आठ वाजण्याच्या सुमारास एक महिला नर्स असल्याचं भासवून सबंधितांच्या वार्डमध्ये गेली. तिथून एक दिवसाच्या बाळाला घेऊन तिनं आपल्या काखेतील बॅगमध्ये टाकलं. या बाळाला घेऊन महिलेनं क्षणार्धात पलायन केलं. या घटनेनं हॉस्पिटलसह संपूर्ण शहरात खळबळ उडाली आहे. ही घटना सीसीटीव्ही कॅमेरात कैद झाली आहे. सबंधित महिलेचा पोलीस शोध घेत आहेत.
महत्त्वाच्या इतर बातम्या :
महत्त्वाच्या बातम्या
