होळीनिमित्त जयपूरला आलेल्या परदेशी तरुणीवर अत्याचार, पळून जाण्याच्या प्रयत्नात होता आरोपी

Jaipur Crime : परदेशी महिलेसोबत घडलेल्या अत्याचारप्रकरणी सिंधीकॅम्प पोलिसांनी तातडीने कारवाई करत घटनास्थळ गाठून पीडितेचे जबाब घेत आरोपी तरुणाला ताब्यात घेतले.

Rape

Jaipur Crime : होळीच्या मुहूर्तावर जयपूरला भेट देण्यासाठी पर्यटक व्हिसावर आलेल्या परदेशी तरुणीवर बलात्कार झाल्याची घटना समोर आली आहे. ही घटना जयपूर शहरातील सिंधीकॅम्प पोलीस स्टेशन परिसरातील आहे. येथे आयुर्वेदिक मसाज करणाऱ्या तरुणाने नेदरलँडच्या एका तरुणीसोबत मसाज करण्याच्या बहाण्याने अत्याचार केल्याचं उघड झालंय. पीडितेने कुटुंबीयांना आणि भाड्याने राहत असलेल्या घरमालकाला या घटनेची माहिती दिली आणि पोलीस ठाण्यात जाऊन गुन्हा दाखल केला.

या परदेशी महिलेसोबत घडलेल्या या प्रकारावर तातडीने कारवाई करत सिंधीकॅम्प पोलीस स्टेशनने घटनास्थळ गाठून पीडितेचे जबाब घेत आरोपी तरुणाला ताब्यात घेतले. सिंधीकॅम्पचे एसएचओ गुंजन सोनी यांनी सांगितले की, पीडित महिला नेदरलँडची रहिवासी आहे, ती होळीच्या निमित्ताने आपल्या कुटुंबीयांसह जयपूरला भेट देण्यासाठी आली होती. यावेळी ती सिंधीकॅम्प परिसरातील पीजीमध्ये राहात होती.

जिथे पीडितेने पीजी मालकाच्या माध्यमातून एका तरुणाला मसाजसाठी बोलावले. तरुणीने विरोध केल्यावर आरोपी तरुणाने अत्याचार केला आणि कोणाला सांगू नकोस असे सांगितले. पीडितेने तिच्यासोबत हा प्रकार घडल्यानंतर पोलीस स्टेशन गाठले. पोलिसांनी तांत्रिक बाबींवरून आरोपी तरुणाचा माग काढला आणि त्याला ताब्यात घेतले.

पीडितेच्या जबाबाच्या आधारे आरोपी तरुण तिरुअनंतपुरम येथील बिजू मुरलीधर याला अटक करण्यात आली. प्राथमिक चौकशीत आरोपी तरुणाने आयुर्वेदाचा कोर्स करून आपले क्लिनिक शहरात उघडले होते, मात्र कोरोनामुळे ते क्लिनिक बंद झाले आणि खातीपुरा येथे राहून त्याने ऑनकॉल आयुर्वेदिक मसाज करण्यास सुरुवात केली. सध्या पोलीस आरोपीच्या गुन्ह्याचा तपास करत आहेत.

महत्त्वाच्या इतर बातम्या:

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha