Ranjit Kasle: धनंजय मुंडेंनी वाल्मिक कराडचा एन्काऊंटर करण्याचा प्रयत्न केला होता; रणजीत कासलेंचा खळबळजनक दावा
Ranjit Kasle: नव्याने प्रसारित केलेल्या एका व्हिडीओमध्ये रणजीत कासले यांनी हा खळबळजनक दावा केला आहे.
Ranjit Kasle: राज्यात गेल्या काही दिवसांपासून बीड (Beed News) जिल्हा मोठ्या प्रमाणावर चर्चेत आहे. बीडमध्ये घडलेल्या गुन्हेगारीच्या घटनांमुळे राजकीय वातावरण देखील मोठ्या प्रमाणावर तापल्याचं पहायला मिळालं. याचदरम्यान बीडचे निलंबित पोलीस अधिकारी रणजीत कासले (Ranjit Kasle) यांनी केलेल्या दाव्यानं खळबळ उडाली आहे.
वाल्मिक कराडचा (Walmik Karad) एन्काऊंटर करण्याचा प्रयत्न धनंजय मुंडे यांनी केला होता. वाल्मिक कराड त्यांचे अंडी पिल्ली बाहेर काढणार होते. त्यामुळे ते खुनाचा आरोप सहरोपी झाले असते, असा दावा वादग्रस्त निलंबित पोलीस उपनिरीक्षक रणजित कासले यांनी केला आहे. नव्याने प्रसारित केलेल्या एका व्हिडीओमध्ये रणजीत कासले यांनी हा खळबळजनक दावा केला आहे.
अनेक पुरावे दाबल्याने धनंजय मुंडे सहआरोपी होणार नाही- रणजीत कासले
धनंजय मुंडे यांना मुख्यमंत्री व गृहमंत्री देवेंद्र फडणवीस यांचा पाठिंबा असल्याने आणि संतोष देशमुख प्रकरणात अनेक पुरावे दाबल्याने धनंजय मुंडे सहआरोपी होणार नाही, असा दावाही रणजीत कासले यांनी केला आहे. तसेच महाराष्ट्र पोलिसांनी मला पकडून दाखवावे, असं आव्हान देखील रणजीत कासले यांनी दिले आहे. आपला कोणत्याही समाजाला दुखावण्याचा हेतू नाही बोलायचं ओघात काही आक्षेपार्ह विधान झाले मी माफी मागतो, असंही स्पष्टीकरणही रणजीत कासले यांनी अॅट्रोसिटी गुन्हा संदर्भात दिले.
मला वाल्मिक कराडच्या एन्काऊंटरची ऑफर होती- रणजीत कासले
मला वाल्मिक कराडच्या एन्काऊंटरची ऑफर होती, असा खळबळजनक दावा देखील रणजीत कासले यांनी केला आहे. वाल्मिक कराडच्या एन्काऊंटरसाठी पाच कोटी, दहा कोटी आणि 50 कोटींची ऑफर दिल्याचं रणजीत कासले म्हणाले. रणजीत कासले हे बीडच्या सायबर विभागात पोलीस निरीक्षक होते. मागील काही दिवसांपूर्वी त्यांना निलंबित करण्यात आलं. त्यानंतर त्यांनी अनेक दावे त्यांच्या सोशल माध्यमातून केले आहेत. मी सायबर विभागात होतो. त्यांना माहिती होतं, हा माणूस करु शकतो. याच्यामध्ये दम आहे. मी माझा मोठेपणा सांगत नाही, नाहीतर सोडलेले कुत्रे माझ्या अंगावर भुंकतील, असंही रणजीत कासले म्हणाले. आता वाल्मिक कराड याच्या एन्काऊंटरबद्दल केलेल्या दाव्यामुळे खळबळ उडाली आहे. सोशल माध्यमांवर देखील रणजीत कासले यांचा हा व्हिडीओ चांगलाच व्हायरल होतोय.
धनंजय मुंडेंकडून कराडच्या एन्काऊंटरचा प्रयत्न, VIDEO:
संबंधित बातमी:
Before You Go
Pune Hospital Bomb Case:यूट्यूब पाहून बनवला बॉम्ब;हॉस्पिटलला लुटण्याचा होता प्लॅन,पोलिसांचा मोठा खुलासा!
महत्त्वाच्या बातम्या
