Mumbai Crime: मुंबईत शस्त्रक्रियेवेळी भुलीच्या इंजेक्शनमुळे घात झाला, पोलीस कॉन्स्टेबल गौरी पाटील ऑपरेशन थिएटरमधून परतल्याच नाहीत
Mumbai Crime: मुंबईच्या अंधेरी पश्चिम परिसरातील लोखंडवाला परिसरात ही धक्कादायक घटना घडली. मुंबई पोलीस दलात कार्यरत असलेल्या महिला कॉन्स्टेबल गौरी सुभाष पाटील यांचा दुर्दैवी मृत्यू झाला आहे.
Mumbai Crime News : मुंबई : एका धक्कादायक घटनेनं मुंबई शहर हादरलं आहे. मुंबईतील अंधेरी पश्चिम परिसरातून एक घटना समोर आली आहे. या घटनेनं सर्वांच्या पायाखालची जमिन हादरली आहे. मुंबई पोलीस दलात कार्यरत महिला कॉन्स्टेबल एका ऑपरेशनसाठी रुग्णालयात दाखल झाल्या होत्या. ऑपरेशनसाठी त्यांना भुलीचं इंजेक्शन देण्यात आलं, मात्र त्यानंतर त्यांचा मृत्यू झाल्याची धक्कादायक घटना घडली आहे.
मुंबईच्या अंधेरी पश्चिम परिसरातील लोखंडवाला परिसरात ही धक्कादायक घटना घडली. मुंबई पोलीस दलात कार्यरत असलेल्या महिला कॉन्स्टेबल गौरी सुभाष पाटील यांना कानाचा त्रास जाणवत होता. त्यानंतर त्यांनी डॉक्टरांचा सल्ला घेतला. डॉक्टरांनी त्यांना कानाचं एक ऑपरेशन करण्याचा सल्ला दिला. डॉक्टरांच्या सल्ल्यानुसार, कॉन्स्टेबल गौरी सुभाष पाटील ऑपरेशनसाठी रुग्णालयात दाखल झाल्या. ठरल्याप्रमाणे त्यांना ऑपरेशनसाठी ओटीमध्ये नेण्यात आलं. त्यानंतर ऑपरेशनसाठी त्यांना भुलीचं इंजेक्शन देण्यात आलं. भुलीचं इंजेक्शन दिल्यानंतर कॉन्स्टेबल गौरी पाटील यांची प्रकृती खालवली आणि त्यातच त्यांचा मृत्यू झाल्याची माहिती मिळत आहे. या घटनेनं पोलीस प्रशासनात खळबळ माजली आहे.
कॉन्स्टेबल गौरी पाटील यांचा मृत्यू झाल्यानंतर पोलिसांनी या प्रकरणी तपास सुरू केला आहे. मरोळ पोलीस कॅम्पात कार्यरत महिला पोलीस कॉन्स्टेबल गौरी सुभाष पाटील कानाच्या ऑपरेशन करता लोखंडवाला परिसरात ॲक्सिस हॉस्पिटलमध्ये दाखल झाल्या होत्या. मात्र, कानाच्या ऑपरेशन दरम्यान डॉक्टरांकडून चुकीचं इंजेक्शन दिल्यामुळे महिला पोलीस शिपायाचा दुर्दैवी मृत्यू झाल्याचा पोलिसांचा आरोप आहे. पोलिसांच्या आरोपावर हॉस्पिटल बोलण्यास नाकार देत आहे. सध्या आंबोली पोलिसांनी एडीआर दाखल करून अधिक तपास करत आहे.
महत्त्वाच्या इतर बातम्या :
महत्त्वाच्या बातम्या
