एक्स्प्लोर

NEET Exam Peper Leak 2026 Shivraj Motegaonkar: 3 शब्दांचा पॅटर्न, 4 शब्दांची संकल्पना, देशभर स्वतंत्र ओळख; धडाधड नेटवर्क बनवले, आता NEET पेपरफुटी प्रकरणी अटक, कोण आहेत शिवराज मोटेगावकर?

NEET Exam Peper Leak 2026 Shivraj Motegaonkar: नीट पेपरफुटीप्रकरणी अखेर आरसीसी कोचिंग क्लासेसचे संचालक शिवराज मोटेगावकरला अटक करण्यात आली आहे.

Written By : निशांत भद्रेश्वर, एबीपी माझा | Edited By: मुकेश चव्हाण | Updated at : 18 May 2026 01:58 PM (IST)

NEET Exam Peper Leak 2026 Shivraj Motegaonkar

Source : ABP

NEET Exam Peper Leak 2026 Shivraj Motegaonkar: NEET पेपरफुटी प्रकरणाच्या (NEET Exam Peper Leak 2026) तपासादरम्यान एक मोठी अपडेट समोर आली आहे. नीट पेपरफुटीप्रकरणी अखेर आरसीसी कोचिंग क्लासेसचे संचालक शिवराज मोटेगावकरला (Shivraj Motegaonkar) अटक करण्यात आली आहे. काल रात्री साडेसात वाजता शिवराज मोटेगावकरला अटक करण्यात आली मात्र आज सीबीआयकडून अटकेची घोषणा करण्यात आली. दरम्यान काल शिवराज मोटेगावकरची सीबीआयकडून 11 तास चौकशी करण्यात आली. लातूर आणि पुणे येथील चौकशीनंतर शिवराज मोटेगावकरला काल अटक केली आहे. तसंच शिवराज मोटेगावर यांच्या RCC क्लासमधे शिकणाऱ्या एका विद्यार्थिनीची आणि तिच्या वडिलांची देखील CBI कडून चौकशी करण्यात आली. शिवराज मोटेगावकर यांच्याकडून NEET चे प्रश्न आणि त्या प्रश्नांची उत्तरे ज्यांना मिळाल्याचा संशय आहे ते विद्यार्थी आणि पालक देखील सीबीआयच्या रडारवर आहेत.

NEET आणि मेडिकल प्रवेश परीक्षांच्या तयारीसाठी RCC पॅटर्नची स्वतंत्र ओळख- (NEET Exam Peper Leak 2026 Shivraj Motegaonkar)

शिवराज मोटेगावकर हे महाराष्ट्रातील लातूर येथील प्रसिद्ध रसायनशास्त्र शिक्षक, मार्गदर्शक आणि RCC (Renukai Career Centre / Renukai Chemistry Classes) या कोचिंग संस्थेचे संस्थापक म्हणून ओळखले जातात. त्यांनी 2003 मध्ये RCC ची स्थापना केली असून NEET, JEE आणि MHT-CET परीक्षांसाठी विद्यार्थ्यांना मार्गदर्शन करून महाराष्ट्रभर मोठे शैक्षणिक नेटवर्क उभे केले. “सर्व विषय एकाच छताखाली” ही संकल्पना राबवत विविध विषयांचे शिक्षक एकत्र करून RCC कोचिंग क्लासेसचा विस्तार केला. आक्रमक जाहिरातबाजी आणि ऑनलाईन शिक्षण मॉडेलमुळे RCC क्लासेसला राज्यासह देशभर ओळख मिळाली. NEET आणि मेडिकल प्रवेश परीक्षांच्या तयारीसाठी RCC पॅटर्नची स्वतंत्र ओळख निर्माण केली होती. दरवर्षी NEET निकालात RCC पॅटर्नमधील शेकडो विद्यार्थ्यांचे यश मिळत असल्याचा दावा केला जात होता.

पेपर फुटीत मोटेगावकरने काय केले? (Shivraj Motegaonkar NEET Paper Leak)

शिवराज मोटेगावकर RCC कोचिंग क्लासचा संचालक
एनटीएशी निगडीत प्राध्यापकांशी मोटेगावकरचे संबंध
पी.व्ही.कुलकर्णीसोबत मोटेगावकरचे घनिष्ठ संबंध
मोटेगावकरने परीक्षेपूर्वीच प्रश्न मिळवून उत्तरांसह मुलांपर्यंत पोचवले
मोटेगावकरच्या मोबाईलमध्ये पेपरफुटीचे अनेक पुरावे
सीबीआयकडून मोबाईलमधील डेटा, चॅट्स, कॉल रेकॉर्ड्सचा शोध सुरु

शिवराज मोटेगावकरच्या अटकेची कारणे- (Shivraj Motegaonkar NEET Paper Leak)

मोटेगावकर पेपर फोडणाऱ्या टोळीचा सक्रिय सदस्य
3 मे रोजी परीक्षा झाल्यानंतर मोटेगावकरने नीट पेपर प्रश्न केले नष्ट
शिवराज मोटेगावकरबाबत सीबीआय तपासात आणखी एक धक्कादायक माहिती
तपासात नाव येऊ नये म्हणून मोटेगावकरने नष्ट केले पुरावे
23 एप्रिल रोजी मोटेगावकरच्या मोबाईलमध्ये होते पेपर
विद्यार्थ्यांना पेपर वाटल्यानंतर मोटेगावकरने पेपर केले "गायब"
नीटचे पेपर कोणाला दिले याबाबत मोटेगावकरने अद्याप सीबीआयला माहिती दिलेली नाही.

कोण आहेत शिवराज मोटेगावकर? (Who Is Shivraj Motegaonkar?)

एम.एस्सी. (केमिस्ट्री) शिक्षण स्वामी रामानंद तीर्थ विद्यापीठ नांदेडमधून पूर्ण.
लातूर जिल्ह्यातील रेणापूर तालुक्यातील एका छोट्या गावात जन्म.
अतिशय सामान्य आणि गरीब शेतकरी कुटुंबातील पार्श्वभूमी.
आई-वडील शेती व्यवसायाशी संबंधित.
महाविद्यालयीन शिक्षण सुरू असतानाच होम ट्युशन घेण्यास सुरुवात.
होम ट्युशनमधून मिळणाऱ्या पैशांवरच स्वतःचे शिक्षण पूर्ण केले.
लातूरमध्ये मोठ्या बहिणीकडे राहून शिक्षण घेतले.
उमरगा (जि. धाराशिव) तसेच लातूरमधील महाविद्यालयांमध्ये तासिका तत्त्वावर केमिस्ट्री विषयाचे प्राध्यापक म्हणून कार्य.
अध्यापनासोबत ‘रेणुकाई कोचिंग क्लासेस’च्या माध्यमातून खासगी शिकवणीची सुरुवात.
सुरुवातीला लातूरमध्ये स्वतंत्र केमिस्ट्री क्लास सुरू केला.
पुढे “सर्व विषय एकाच छताखाली” ही संकल्पना राबवत विविध विषयांचे शिक्षक एकत्र करून RCC कोचिंग क्लासेसचा विस्तार केला.
‘RCC पॅटर्न’ विकसित करत महाराष्ट्रातील अनेक शहरांमध्ये कोचिंग नेटवर्क उभारले.
मागील जवळपास 23 वर्षांपासून केमिस्ट्री विषयाचे खासगी मार्गदर्शन.
NEET आणि मेडिकल प्रवेश परीक्षांच्या तयारीसाठी RCC पॅटर्नची स्वतंत्र ओळख निर्माण.
दरवर्षी NEET निकालात RCC पॅटर्नमधील शेकडो विद्यार्थ्यांचे यश होत असल्याचा दावा.
RCC क्लासेसमध्ये हजारो विद्यार्थी प्रवेशित असल्याचे सांगितले जाते.
NEET परीक्षांमध्ये दरवर्षी अनेक प्रश्न जुळत असल्याचा दावा प्रा. मोटेगावकर वारंवार करत आले.
कोरोना काळात ऑनलाईन शिक्षण प्रणालीमध्ये मोठ्या प्रमाणावर प्रवेश.
स्वतःकडे असलेल्या तांत्रिक यंत्रणेचा वापर करून डिजिटल आणि ऑनलाईन शिक्षणाला गती दिली.
आक्रमक जाहिरातबाजी आणि ऑनलाईन शिक्षण मॉडेलमुळे RCC क्लासेसला राज्यभर ओळख मिळाली.
लातूर, नांदेड, संभाजीनगर आणि पुणे येथे RCC पॅटर्नचा विस्तार वाढला.
NEET 2026 परीक्षेत कथित ‘गेस पेपर’ जुळल्याच्या प्रकरणानंतर त्यांचे नाव चर्चेत आले.
या प्रकरणात Central Bureau of Investigation (CBI) कडून चौकशी आणि कारवाई सुरू आहे.