Nanded Crime News : खाण्या-पिण्याच्या वादावरून मित्रानेच झाडली मित्रावर गोळी; नांदेडमधील घटनेने खळबळ

Nanded Crime News : एकाने आपल्या मित्रावर गावठी कट्ट्यातून गोळीबार केला असल्याची धक्कादायक घटना समोर आली आहे.

Nanded Crime News : खाण्या-पिण्याच्या वादावरून मित्रानेच झाडली मित्रावर गोळी; नांदेडमधील घटनेने खळबळ

Nanded Crime News :  नांदेड शहराच्या (Nanded City) विमानतळ पोलिस ठाण्याच्या हद्दीत नुरी चौक माळटेकडी परिसरात खाण्यापिण्याच्या वादावरून चक्क मित्रानेच मित्रावर गावठी कट्ट्यातून गोळीबार केला असल्याची घटना घडली आहे. यात एक जण गंभीर जखमी झाला आहे. त्याच्यावर नांदेडच्या विष्णूपुरी येथील शासकीय रुग्णालयात उपचार सुरू आहेत. ही घटना आज (9 फेब्रुवारी रोजी) रात्री 9 वाजण्याच्या सुमारास घडली.

नांदेड शहराच्या माळटेकडी परिसरातील नुरी चौक भागात शेख इरफान शेख गुड्डू (वय 25, राहणार मगदूमनगर, न‌ई आबादी नांदेड) आणि त्याचा मित्र ओली पार्टी करत होते. मात्र, या पार्टीत, खाण्यापिण्याच्या कारणावरून दोघांमध्ये वाद झाला. यावेळी आरोपी मित्राने शेख इरफान शेख गुड्डू याच्यावर आपल्याजवळ असलेल्या गावठी कट्ट्यातून गोळ्या झाडल्या. यात शेख इरफान याच्या पोटाला गोळी लागली आहे. 

या घटनेची माहिती समजताच विमानतळ पोलीस ठाण्याचे पोलीस अधिकारी तात्काळ घटनास्थळ दाखल झाले. या घटनेचे दखल वरिष्ठ पोलीस अधिकाऱ्यांनीदेखील घेतली. जखमी शेख इरफान याला विष्णुपुरीच्या रुग्णालयात दाखल करण्यात आले आहे. त्याच्यावर शस्त्रक्रिया करण्यात येत असून प्रकृती गंभीर असल्याची माहिती रुग्णालय सूत्रानी दिली.

शहरातील इतवारा पोलीस ठाण्याच्या हद्दीत दोन फायरिंगच्या घटना ताज्या असतानाच, पुन्हा नांदेड शहरामध्ये विमानतळ पोलीस ठाण्याच्या हद्दीत फायरिंगची घटना घडल्याने भीतीचे वातावरण निर्माण झाले आहे. याप्रकरणी विमानतळ पोलिस ठाण्यात रात्रीपर्यंत गुन्हा दाखल करण्यात आला नव्हता. 

मुख्याध्यापकाने केला 29 वर्षीय महिलेवर बलात्कार

नांदेड जिल्ह्यात (Nanded District) शिक्षण क्षेत्रात खळबळ उडवून देणारी घटना समोर आली आहे. एका मुख्याध्यापकाने (Principal) शेतात एकटी असल्याची संधी साधून 29 वर्षीय विवाहित बलात्कार (Rape) केला आहे. या घटनेने मोठी खळबळ उडाली आहे. तर याप्रकरणी मरखेल पोलिसात गुन्हा दाखल करण्यात आला आहे. गंगाधर पांढरे असे या आरोपी मुख्याध्यापकाचे नाव आहे. 

ही घटना रविवारी दुपारच्या सुमारास शिळवणी शिवारात घडली आहे. शिळवणी येथील 29  वर्षीय विवाहित महिला ही गावातील नागेंद्र हडोळे यांच्या शेतात रविवारी तुरीचा सरवा वेचण्यासाठी सकाळी दहाच्या सुमारास गेली होती. दरम्यान, दुपारी एकच्या सुमारास  व्यंकटराव देशमुख विद्यालयात मुख्याध्यापक असलेला गंगाधर पांढरे याने शेतात येऊन महिलेशी अश्लील चाळे करत झटापट केली. 

इतर महत्त्वाच्या बातम्या: