कोल्हापूर हादरलं! MD ड्रग्स निर्मितीचा गोरखधंदा उघड, तब्बल 100 कोटी रुपयांचं ड्रग्ज जप्त, कारवाईनं खळबळ  

कोल्हापूर जिल्ह्यात महाराष्ट्र अँटी नार्कोटिक्स टास्क फोर्स पुणे पथकानं मोठी कारवाई केली आहे. चंदगडच्या हाजगोळीमध्ये MD बनवणाऱ्या कारखान्यावर ही मोठी कारवाई करण्यात आली आहे.

Kolhapur Crime News

Source : Getty Images

Kolhapur Crime News : कोल्हापूर जिल्ह्यात महाराष्ट्र अँटी नार्कोटिक्स टास्क फोर्स पुणे पथकानं मोठी कारवाई केली आहे. चंदगडच्या हाजगोळीमध्ये MD बनवणाऱ्या कारखान्यावर ही मोठी कारवाई करण्यात आली आहे. मिळालेल्या माहितीनुसार, या कारवाईत अंदाजे 100 कोटी किंमतीचे 50 किलो MD ड्रग्स जप्त केले आहे. MD ड्रग्स निर्मितीसाठी लागणारे मोठ्या प्रमाणातील साहित्य आणि रसायने देखील जप्त करण्यात आली आहेत. ग्रामीण आणि सीमावर्ती भागात MD निर्मितीचा गोरखधंदा सुरु होता. दरम्यान, या कारवाईने कोल्हापूर जिल्ह्यात मोठी खळबळ उडाली आहे. 

MD तयार करण्यासाठी लागणारे साहित्य आणि रसायनेही जप्त, सहा जणांना घेतलं ताब्यात

कोल्हापूर जिल्ह्यातील चंदगड तालुक्यातील हाजगोळी येथे MD ड्रग्स बनवणाऱ्या कारखान्यावर महाराष्ट्र अँटी नार्कोटिक्स टास्क फोर्स, पुणे पथकाने मोठी कारवाई केली आहे. या कारवाईत तब्बल 100 कोटी किंमतीचे 50 किलो MD जप्त करण्यात आल्याची माहिती मिळाली आहे. दरम्यान, या प्रकरणी 6 जणांना ताब्यात घेतले आहे. विशेष म्हणजे, ग्रामीण आणि सीमावर्ती भागात हा ड्रग्स निर्मितीचा कारखाना सुरू असल्याचे समोर आले आहे. कारवाईदरम्यान MD तयार करण्यासाठी लागणारे विविध साहित्य आणि रसायनेही जप्त करण्यात आली आहेत. सीमावर्ती भागात सुरू असलेल्या या अवैध ड्रग्स निर्मितीमुळे मोठी खळबळ उडाली आहे. या कारखान्यामागे नेमके कोण आहेत, याचा तपास अंमली पदार्थ विरोधी पथकाकडून सुरू आहे. 

कोल्हापूर जिल्ह्यात या कारवाईमुळं मोठी खळबळ

कारखान्यातून MD निर्मितीसाठी वापरले जात असलेले विविध कंटेनर, काचेची उपकरणे, वजनकाटे, इलेक्ट्रिक हिटर, मिक्सर, ड्रिलसदृश मशीन आणि मोठ्या प्रमाणात इतर साहित्य जप्त करण्यात आले असल्याची माहिती मिळाली आहे. यावर अधिकृतपणे संबंधित विभागाकडून अध्याप माहिती मिळणे अपेक्षित आहे. दरम्यान, कोल्हापूर जिल्ह्यात या कारवाईमुळं मोठी खळबळ उडाली आहे.

 ड्रग्ज उत्पादनाची ठिकाणे उद्ध्वस्त करण्यावर भर : गृहराज्यमंत्री योगेश कदम 

दरम्यान, ड्रग्जविरोधी कारवायांना सरकारचे विशेष प्राधान्य असल्याची माहिती गृहराज्यमंत्री योगेश कदम यांनी दिली आहे. प्रशासनाकडून ड्रग्जविरोधी कारवायांकडे विशेष लक्ष दिले जात असल्याचे योगेश कदम म्हणाले. पालकमंत्र्यांच्या अध्यक्षतेखाली प्रत्येक जिल्ह्यात विशेष समिती स्थापन करण्यात आली आहे. मुख्यमंत्री स्तरावर देखील नुकतीच ड्रग्जविरोधी कारवाईचा आढावा घेण्यात आल्याची माहिती मंत्री योगेश कदम यांनी दिली. ड्रग्जची विक्री होणारी ठिकाणेच नव्हे, तर ड्रग्ज उत्पादनाची ठिकाणे उद्ध्वस्त करण्यावर भर देण्यात येत असल्याचे ते म्हणाले. ड्रग्जच्या मुळावर घाव घालण्यासाठी प्रशासनाला सूचना देण्यात आल्याचे कदम म्हणाले.