Nagpur Accident : नागपुरातील हिट अँड रन प्रकरणाचा AI तंत्रज्ञानाच्या मदतीने उलगडा; राज्यातील पहिलाच प्रयोग, चालकाला उत्तर प्रदेशमधून अटक
Nagpur: नागपूर पोलिसांनी AI तंत्रज्ञानाचा वापर करून हिट अँड रन प्रकरणाचा उलघडा केला आहे. विशेष म्हणजे AI तंत्रज्ञानाचा वापरा करून हिट अँड रन प्रकरणाचा उलघडा करणारा हा राज्यातील पहिलाच गुन्हा आहे.
Nagpur Hit And Run Accident : नागपुरात गेल्या आठवड्यात एक दुर्दैवी अपघात (Nagpur Hit And Run) झाला होता. ज्यामध्ये एका भरधाव ट्रकने दुचाकीला धडक दिल्याने प्रवासी महिलेचा जागीच मृत्यू झाला होता. मात्र अशावेळी मृत पावलेल्या पत्नीचा मृतदेह घरी नेण्यासाठी महामार्गावर कुणीही मदतीसाठी पुढे न आल्याने हतबल पतीने अखेर दुचाकीवर पत्नीचा मृतदेह ठेवून घर गाठले. या घटनेचा व्हिव्हिओ समाज माध्यमांवर प्रचंड व्हायरल झाला.
दरम्यान, या प्रकरणाची माहिती पोलिसांना मिळाल्यानंतर त्यांनी पुढील तपास सुरु केला. मात्र, पीडित पती अमित यादवजवळ धडक मारून पळ काढणाऱ्या ट्रकबद्दल विशेष माहिती नव्हती. फक्त ट्रकवर लाल मार्किंग (Hit And Run Accident) आहे, इतकीच त्याने माहिती दिली. या माहितीच्या आधारावर नागपूर पोलिसांनी AI तंत्रज्ञानाचा वापर करून या हिट अँड रन प्रकरणाचा उलघडा केला आहे. विशेष म्हणजे AI तंत्रज्ञानाचा (AI Technology) वापर करून हिट अँड रन प्रकरणाचा उलघडा करणारा हा राज्यातील पहिलाच गुन्हा असून त्यात नागपूर ग्रामीण पोलिसांना यश आले आहे.
तीन टोल प्लाझावरील 12 तासांचा सीसीटीव्ही डेटा गोळा करून ट्रक शोधून काढण्यात यश
मिळालेल्या माहितीनुसार, अपघातानंतर पीडित पती अमित यादवजवळ धडक मारून पळ काढणाऱ्या ट्रकबद्दल विशेष माहिती नव्हती. फक्त ट्रकवर लाल मार्किंग आहे, इतकीच त्याने माहिती पोलिसांना दिली. त्यानंतर नागपूर ग्रामीण पोलिसांनी AI तंत्रज्ञानाचा वापर करत मार्वल या सरकारी संस्थेची मदत घेतली. यासाठी तीन टोल प्लाझा वरील 12 तासांचा सीसीटीव्ही डेटा गोळा करून आईच्या दोन अल्गोरिदमचा वापर केला गेला. सोबतच ट्रकची स्पीड आणि लाल मार्क असलेल्या ट्रकच्या आधारावा अपघातात सहभागी असलेला ट्रक शोधून काढण्यात आला. त्यानंतर त्या ट्रक चालकाला उत्तर प्रदेश येथील फारुकाबाद येथून अटक करण्यात आलीय. AI तंत्रज्ञानाचा वापर करून अशाप्रकारे हिट अँड रन प्रकरणाचा उलघडा होणारे हे राज्यातील पहिले प्रकरण आहे.
मुख्यमंत्री देवेंद्र फडणवीस यांनी 2024 मध्ये मार्वल संस्थेची सुरवात केली होती. या गुन्ह्याच्या तपासासंदर्भात नागपूर ग्रामीणचे पोलीस अधिक्षक हर्ष पोतदार यांनी माहिती देत अशाप्रकारे हिट अँड रन प्रकरणाचा उलघडा होणारे हे राज्यातील पहिले प्रकरण असल्याचे सांगितलं.
आणखी वाचा
महत्त्वाच्या बातम्या
