Nagpur Crime: शेतातातील विहिरीच्या पाण्याचा वाद विकोपाला, मोठ्या भावानं लहान भावाला निर्घृणपणे संपवलं; पुरावे नष्ट करण्यासाठी मृतदेह नाल्यात टाकून जाळला, पण...
Nagpur Crime News : उपराजधानी नागपूरमधून एक खळबळजनक बातमी समोर आली आहे. शेतीतील सीमेचा आणि विहिरीतील पाण्याच्या वाद विकोपाला जाऊन मोठ्या भावाने लहान भावाची हत्या केल्याची घटना घडलीय.
Nagpur Crime News : उपराजधानी नागपूरमधून एक खळबळजनक बातमी समोर आली आहे. शेतीतील सीमेचा आणि विहिरीतील पाण्याच्या वाद विकोपाला जाऊन मोठ्या भावाने लहान भावाची हत्या केल्याची घटना घडलीय. नागपुर जिल्ह्यातील कळमेश्वर पोलिस स्टेशनंतर्गत येणाऱ्या मोहगाव सावंगी शिवारात हि घटना घडल्याचे समोर आले आहे. धक्कादायक बाब म्हणजे मोठ्या भावाने गोळ्या झाडून हि हत्या केलीय, त्यानंतर पेट्रोल टाकून मृतदेह देखील जाळलाय. 43 वर्षीय अरुण तुरारे अस मृतकाचे नाव असून चंद्रशेखर तुरारे असे संशयित आरोपी भावावे नाव आहे.
Nagpur Crime : हत्येनंतर पुरावे नष्ट करण्यासाठी मृतदेह नाल्यात टाकून जाळला
मिळालेल्या माहितीनुसार, मागील तीन वर्षांपासून दोन्ही भावांमध्ये विहीर, पाणी, पाइपलाइन आणि शेत रस्त्यावरून वाद सुरू होता. दरम्यान हाच वाद विकोपाला जाऊन मोठ्या भावाने लहान भावाची हत्या केली आहे. सोबतच हत्येनंतर पुरावे नष्ट करण्यासाठी मृतदेह नाल्यात टाकून जाळल्याची कबुलीही आरोपी भावाने दिली आहे. दरम्यान, नाल्याजवळ मानवी हाडे आणि मांस जळालेल्या अवस्थेत आढळल्याने हा प्रकार उघड झालाय. पत्नी ज्योत्स्नाच्या तक्रारीवरून खून आणि पुरावे नष्ट केल्याचा गुन्हा चंद्रशेखर तुरारे याच्यावर दाखल करण्यात आला आहे.
Jalgaon Crime : जळगावात तरुणाचा धारदार शस्त्राने निर्घृण खून; रुग्णालयात नातेवाईकांचा काळीज चिरणारा आक्रोश!
जळगाव शहरालगत असलेल्या निमखेडी शिवारात सागर साहेबराव सोनवणे या तरुणाचा धारधार शस्त्राने वार करून निर्घृण खून करण्यात आल्याची घटना रविवारी रात्री उशिरा घडली. मारेकऱ्यांनी सागरच्या डोक्यात वार करून त्याला जखमी अवस्थेत फेकून दिले होते. घटनेची माहिती मिळताच नातेवाईक व ग्रामस्थांनी सागरला तातडीने जळगाव शासकीय वैद्यकीय महाविद्यालय व रुग्णालयात दाखल केले, मात्र डॉक्टरांनी त्याला मयत घोषित केले. या घटनेनंतर जिल्हा रुग्णालयात नातेवाईकांनी मोठी गर्दी केली होती. या खून प्रकरणी पोलिसांनी एका संशयिताला ताब्यात घेतले असून अन्य संशयितांचा शोध सुरू आहे. खुनाचे नेमके कारण अद्याप स्पष्ट झालेले नाही. मात्र नातेवाईकांनी जिल्हा रुग्णालयात काळीज चिरणारा आक्रोश केला होता.
Pune Crime : शिवी दिल्याच्या कारणावरून बारामती शहरात एकाची निर्घृणपणे हत्या
दरम्यान अशीच एक हत्येची घटना बारामती शहरातील लेंडी पट्टी भागात घडली आहे. यात शिवी दिल्याच्या कारणावरून बारामती शहरात एकाची निर्घृणपणे हत्या करण्यात आली आहे. शिवी दिली म्हणून मित्रानेच मित्राची हत्या केलीय. अविनाश उर्फ माऊली लोंढे असं मृत तरुणाचे नाव आहे. या प्रकरणी हत्या करणाऱ्या दोन आरोपींना पोलिसांनी तात्काळ अटक केली आहे. बारामती शहरातील लेंडी पट्टी भागात रात्री उशिरा हि घटना घडली आहे.
इतर महत्वाच्या बातम्या
महत्त्वाच्या बातम्या
