Mumbai Crime: मुंबईत धक्कादायक घटना, मंदिरातील पुजाऱ्याकडून तरुणीचा विनयभंग; गुन्हा दाखल होताच देवासमोरच गळ्याला दोर लावला
Mumbai Crime News : मुंबईचा कांदिवली (Kandivali) पश्चिम परिसरात एक अतिशय धक्कादायक घटना घडली आहे. यात मंदिराच्या पुजाऱ्याकडून एका मुलीवर विनयभंग केल्याची माहिती समोर आली आहे.
Mumbai Crime News : मुंबईचा कांदिवली (Kandivali) पश्चिम परिसरात एक अतिशय धक्कादायक घटना घडली आहे. यात मंदिराच्या पुजाऱ्याकडून एका मुलीवर विनयभंग केल्याची माहिती समोर आली आहे. मात्र हि घटना घडल्यानंतर पोलिसात गुन्हा दाखल होण्याच्या आणि बदनामीच्या भीतीने पुजाऱ्याने मंदिरातच जीवन संपवलं आहे. मुंबईच्या कांदिवली पश्चिम येथील लालजीपाडा परिसरात असलेल्या तारकेश्वर महादेव मंदिरात ही धक्कादायक घटना घडली आहे. सध्या या प्रकरणाचा अधिक तपास पोलीस करत आहे. मात्र या घटनेने सर्वत्र एकच खळबळ उडाली आहे.
पुजाऱ्यावर गुन्हा दाखल होताच देवासमोरच गळ्याला दोर लावला
मिळालेल्या माहितीनुसार, तारकेश्वर महादेव मंदिरात मागील पाच वर्षापासून पूजा पाठ करणाऱ्या पुजाऱ्याने मंदिरात नेहमी दर्शनासाठी येणारी एका तरुणीला आक्षेपार्ह संदेश पाठवला. यानंतर तरुणीला पुजाऱ्याने पूजा करण्याच्या बहाण्याने घरात बोलावलं आणि तरुणीकडे शरीर सुखाची मागणी केली होती. या घटनेनंतर भयभीत झालेल्या तरुणीने आपल्या आई-वडिलांना हि बाब सांगितली असता त्यानंतर आई-वडील कांदिवली पोलीस स्टेशनमध्ये पुजाराच्या विरोधात गुन्हा दाखल करण्यासाठी पोहोचले. दरम्यान, पुजाऱ्याला बदनामीची आणि पोलिसात गुन्हा दाखल होत असल्याची कुनकुन लागतच त्यांनी मंदिरात गळफास लावून आत्महत्या केली. आत्महत्या करणारा पुजाऱ्याचे नाव राजेश गोस्वामी (वय 52 वर्ष) असून तो मध्यप्रदेशच्या ग्वालियर मधला राहणारा आहे.
याप्रकरणी कांदिवली पोलिसांनी ADR दाखल करून बॉडी शवविच्छेदन करण्यासाठी रुग्णालयात पाठवण्यात आली आहे. मात्र या प्रकरणानंतर मंदिरात दर्शन घेण्यासाठी येणाऱ्या अजून किती मुलींचा विनयभंग केला आहे? या संदर्भात आता कांदिवली पोलीस अधिक तपास करत आहेत.
बैल पोळ्याच्या मिरवणुकी दरम्यान गोंधळ, बैल बिथरल्याने चार वर्षांचा गंभीर जखमी
पुणे जिल्ह्यातील शिरूर तालुक्यातील पिंपरी जगताप गावात काल संध्याकाळी घडलेल्या एका दुर्दैवी घटनेने खळबळ उडाली आहे. बेकायदेशीरपणे डीजेच्या मोठ्या आवाजात काढलेल्या बैल पोळ्याच्या मिरवणुकी दरम्यान गोंधळ निर्माण झाला. यावेळी बैल बिथरल्याने अवधूत जगताप नावाचा चार वर्षांचा मुलगा बैलांच्या पायाखाली सापडून गंभीर जखमी झाला. या घटनेनंतर, मुलाच्या कुटुंबाने शिक्रापूर पोलीस स्टेशनच्या पोलीस निरीक्षकांकडे अवैध डीजेच्या मालकावर आणि मिरवणुकीच्या आयोजकांवर कठोर कारवाई करण्याची मागणी केली आहे. या घटनेमुळे पुन्हा एकदा ग्रामीण भागात वाढलेल्या अवैध डीजेच्या वापराचा प्रश्न ऐरणीवर आला आहे. भविष्यात अशा घटना टाळण्यासाठी शिक्रापूर पोलीस स्टेशन अंतर्गत येणाऱ्या सर्व बेकायदेशीर डीजे मिरवणुकांवर पूर्णपणे बंदी घालण्याची मागणी केली आहे. या संदर्भात पोलीस काय पाऊल उचलतात, याकडे आता सर्वांचे लक्ष लागले आहे.
हेही वाचा
महत्त्वाच्या बातम्या
