खेळता खेळता पेन चोरला; शिक्षकानं अंधाऱ्या खोलीत कोंडलं, तीन दिवस जबर मारहाण, अचानक आई आल्यानं धक्कादायक प्रकार उघडकीस!

Karnataka Crime : वर्गमित्रांनी पेन चोरल्याची माहिती शिक्षकांना दिल्यानंतर मुलाला बेदम मारहाम करण्यात आली. मुलगा लहान होता, त्याला समज देण्याऐवजी त्याला तीन दिवसांपर्यंत उपाशी-तापाशी अंधाऱ्या खोलीत डांबून ठेवण्यात आलं.

Karnataka Crime

Source : એબીપી લાઇવ

Karnataka Crime : कर्नाटक : कर्नाटकातील (Karnataka News) रायचूर येथील रामकृष्म आश्रमातून एक अमानवी घटना समोर आली आहे. पेन चोरल्याबद्दल आश्रमाच्या शिक्षकांनी एका मुलाला बेदम मारहाण केल्याची बाब समोर आली आहे. आश्रमाच्या शिक्षकांनी मुलाला तीन दिवस अंधाऱ्या खोलीत बंद केलं. तीन दिवस सतत त्याला मारहाण केली. मुलाला एवढी मारहाण केली होती की, त्याचे डोळे लाल झाले होते आणि सुजले होते. पीडित तरुण कुमार हा सरकारी शाळेत शिकणारा विद्यार्थी आहे. घरच्या गरिबीमुळे शिक्षणासाठी तो आश्रमात राहत होता. त्याच्या वर्गमित्रांसह खेळत असताना त्याला पेन दिसला. मुलानं कोणताही मागचा पुढचा विचार न करता पेन चोरला. हे करताना त्याच्या वर्गमित्रांनी पाहिलं होतं, त्यांनी याबाबत आश्रमातील शिक्षकांना माहिती दिली.

वर्गमित्रांनी पेन चोरल्याची माहिती शिक्षकांना दिल्यानंतर मुलाला बेदम मारहाम करण्यात आली. मुलगा लहान होता, त्याला समज देण्याऐवजी त्याला तीन दिवसांपर्यंत उपाशी-तापाशी अंधाऱ्या खोलीत डांबून ठेवण्यात आलं. ज्यावेळी मुलाची आई योगायोगानं त्याला भेटण्यासाठी आश्रमात पोहोचली, त्यावेळी ही धक्कादायक घटना उघडकीस आली.                                                   

दरम्यान, सध्या मुलावर एका खाजगी रुग्णालयात उपचार सुरू आहेत. शिक्षकांनी केलेल्या मारहाणीत मुलाला गंभीर जखमा झाल्या आहेत. तसेच, त्याचे डोळे सुजले आहेत. दरम्यान, ही घटना रायचूर पश्चिम स्टेशनच्या अधिकार क्षेत्रात झाली आहे. मुलासोबत झालेल्या घटनेनंतर आई-वडील घाबरले आहेत.                                                                       

चिल्ड्रन अॅक्टिव्हिस्ट, सुदर्शन सांगतात की, "आम्हाला मीडिया आणि हेल्पलाइन नंबरच्या माध्यमातून कळलं की, तरुण नावाच्या मुलावर रामकृष्ण आश्रम स्वामींनी हल्ला केला आहे, त्या मुलाची सुटका करण्यात आली आहे. या घटनेबाबत पोलीस इन्स्पेक्टर आणि सब इन्स्पेक्टरना माहिती दिली आहे. तसेच,  महिला आणि बालकल्याण मंत्रालयाचे अधिकाऱ्यांनाही माहिती देण्यात आली आहे."

महत्त्वाच्या इतर बातम्या :