Hyderabad Gang Rape Case : हैदराबाद सामूहिक अत्याचार प्रकरणातील सर्व पाच आरोपी अटकेत, तीन आरोपी अल्पवयीन, राजकीय कनेक्शन उघड

Hyderabad Gang Rape Case : हैदराबादमधील जुबली हिल्स येथील अल्पवयीन मुलीवर सामूहिक अत्याचार प्रकरणातील सर्व पाचही आरोपींनी अटक करण्यात आली आहे.

Hyderabad Gang Rape Case ( Image Source :Getty )

Hyderabad Gang Rape Case : हैदराबादमधील मर्सिडीज कारमध्ये अल्पवयीन मुलीवर झालेल्या बलात्कार प्रकरणातील सर्व पाच आरोपींना पोलिसांनी बेड्या ठोकल्या आहेत. या आरोपींमधील तीन आरोपी अल्पवयीन असल्याचं उघड झालं आहे. या सामूहिक अत्याचार प्रकरणाचे राजकीय संबंध असल्याचंही समोर येत आहे. या आरोपींमध्ये एका आमदाराच्या मुलांचाही समावेश आहे. तर इतरही आरोपी हायप्रोफाईल असल्याचं म्हटलं जात आहे. 

हैदराबाद येथी जुबली हिल्स या उच्चभ्रू वस्तीत मर्सिडीज कारमध्ये अल्पवयीन मुलीवर महाविद्यालयीन मुलांनी अत्याचार केल्याची धक्कादायक घटना घडली. या प्रकरणात आधी पोलिसांनी दोन आरोपींना अटक केली होती. त्यानंतर आता इतर तीन आरोपींनाही अटक करण्यात आली आहे. याप्रकरणात आता सर्व पाच आरोपींना अटक करण्यात आली आहे.

काय आहे प्रकरण?

पीडितेच्या वडिलांनी जुबली हिल्स पोलीस ठाण्यात एफआयआर दाखल केली. त्यानुसार, 28 मे रोजी त्यांची मुलगी एका पार्टीला गेली होती. अॅम्नेशिया अँड इन्सोम्निया पब, रोड नंबर 36, जुबली हिल्स इथे मुलीचे मित्र सूरज आणि हादी यांनी एका पार्टीचं आयोजन केलं होतं. त्यांनी या पार्टीसाठी तिला आमंत्रित केलं होतं. सूत्रांनी दिलेल्या माहितीनुसार, पीडितेसोबत पार्टीमध्ये एका आमदाराचा मुलगा आणि अल्पसंख्याक मंडळाचे अध्यक्ष उपस्थित होते. सध्या पीडितेने फक्त एका आरोपीची ओळख पटवून त्याचं नाव सांगितलं आहे. हा आरोपीही अल्पवयीन असल्याचं सांगण्यात येत आहे.

पीडितेच्या वडिलांनी सांगितलं की, संध्याकाळी 5.30 च्या सुमारास काही लोक माझ्या मुलीला लाल रंगाच्या मर्सिडीज कारमधून पबच्या बाहेर घेऊन गेले. यादरम्यान एक इनोव्हा कारही बाहेर आली. कारमधील लोकांनी माझ्या मुलीशी गैरवर्तन केलं. तेव्हापासून माझी मुलगी शॉकमध्ये आहे. सध्या तिच्या संपूर्ण घटनेचा खुलासा करू शकलेली नाही. या प्रकरणाची सखोल चौकशी करून आरोपींवर योग्य ती कायदेशीर कारवाई करावी, अशी मागणी पीडितेच्या वडिलांनी केली आहे.

महत्त्वाच्या इतर बातम्या