Crime News: आईने मोबाइलवर ऑनलाइन गेम खेळण्यास रोखले, 10 वर्षाच्या मुलाने उचलले टोकाचे पाऊल

Crime News: आईने मोबाइल गेम खेळण्यापासून रोखल्याने एका 10 वर्षाच्या मुलाने आपले जीवन संपवले.

Crime News: आईने मोबाइलवर ऑनलाइन गेम खेळण्यास रोखले, 10 वर्षाच्या मुलाने उचलले टोकाचे पाऊल

Crime News: लहान मुलांसह प्रौढांनाही मोबाइलचे व्यसन लागले असल्याच्या घटना समोर आल्या आहेत. मोबाइलच्या वाढत्या व्यसनाच्या (mobile addiction) दुष्परिणामाबद्दल अनेकदा चर्चा होतात. मात्र, त्याकडे फारसे गांभीर्याने पाहिले जात नाही. अशीच एक दुर्देवी घटना समोर आली आहे. मोबाइलवर ऑनलाइन गेम खेळण्यास मनाई केल्याने एका 10 वर्षीय मुलाने टोकाचे पाऊल उचलत आत्महत्या (10 years Old Boy Suicide) केली. या घटनेची माहिती मिळताच पोलिसांनी तातडीने घटनास्थळी धाव घेतली. सोमवारी रात्री उशिरा ही घटना घडली. या घटनेमुळे परिसरात एकच खळबळ उडाली आहे. 

ही दुर्देवी घटना, उत्तर प्रदेशच्या लखनौमधील हुसैनगंजमधील चितवापूर परिसरात घडली. कुटुंबियांनी दिलेल्या माहितीनुसार, मागील काही दिवसांपासून या मुलाने शाळेत जाणे बंद केले होते. शाळेत न जाता दिवसभर मोबाइलवर गेम खेळत असे. त्याला घरातल्या लोकांनी मोबाइलपासून दूर ठेवण्यासाठी प्रयत्न केला होता. मात्र, त्याने कोणाचेही ऐकले नाही. सोमवारी रात्री क मोबाइलवर गेम खेळण्यावर त्याच्या आईने दम दिला आणि त्याच्या हातातून मोबाइल हिसकावून घेतला. 

आईने दम देत मोबइल हिसकावून घेतल्याने 10 वर्षीय मुलाने आपल्या खोलीतून बहिणीला बाहेर काढले आणि दरवाजा बंद केला. काही वेळानंतर घरातील सदस्यांनी, नातेवाईकांनी त्याला दरवाजा उघडण्यासाठी आवाज दिला. मात्र, खोलीतून कोणताही प्रतिसाद आला नाही. बराच वेळ होऊनही कोणताच प्रतिसाद न आल्याने खोलीचा दरवाजा तोडण्यात आला. त्यावेळी नातेवाईकांना त्या लहान मुलाने गळफास घेतला असल्याचे दिसून आले. या घटनेने सगळ्यांना धक्का बसला. या घटनेची माहिती पोलिसांना तातडीने देण्यात आली. सेंट्रल झोनच्या पोलीस उपायुक्त अपर्णा रजत यांनी सांगितले की या प्रकरणी पोलीस अधिक तपास करत आहे. पोलिसांनी अद्याप मृत बालकाच्या आईचा जबाब नोंदवला नाही. 

याआधी देखील अशा धक्कादायक घटना 

काही महिन्यांपूर्वी मुंबईत एका 16 वर्षीय मुलाने टोकाचा निर्णय घेत आयुष्य संपवले होते. आईने त्याला ऑनलाइन गेम खेळण्यास मनाई केली होती. त्यावर नाराज होत या मुलाने मालाड आणि कांदिवली स्थानकादरम्या धावत्या लोकल समोर उडी मारून जीवन संपवले होते. 

तर, उत्तर प्रदेशमध्ये एका अल्पवयीन मुलाने आपल्या आईची गोळी झाडून हत्या केली होती. आईची हत्या केल्यानंतर हा मुलगा तीन दिवस मृतदेहाजवळ घरात बसून होता. या घटनेबाबत कोणाला सांगितल्यास तुलाही ठार करू अशी धमकी त्याने लहान बहिणीला दिली होती.