बारामतीत शर्यतीच्या वाद, गोळीबारातून एकाचा उपचारादरम्यान मृत्यू; सोमेश्वर सहकारी साखर कारखान्याच्या माजी अध्यक्षांना अटक
Baramati Crime: बारामतीच्या निंबुत गावात गोळीबार झाल्याची घटना घडली. या घटनेत जखमी झालेल्या व्यक्तीचा उपचारादरम्यान मृत्यू झाला आहे.
Baramati Crime News : बारामती : शर्यतीचा बैल खरेदीकरण्याच्या वादातून बारामतीतील (Baramati Crime News) निंबुत येथे गोळीबार झाल्याची घटना घडलेली. या घटनेत जखमी झालेल्या व्यक्तीवर रुग्णालयात उपचार सुरू होती. मात्र, उपचारादरम्यान या व्यक्तीचा मृत्यू झाल्याची माहिती मिळत आहे. दरम्यान, ठरलेलं पैसे न दिल्याच्या कारणावरून गोळीबाराची घटना घडली होती. याप्रकरणी सोमेश्वर सहकारी साखर कारखान्याचे माजी अध्यक्ष शहाजी काकडे आणि त्यांचा मुलगा गौरव काकडे यांना पोलिसांनी अटक केली आहे.
बारामतीच्या निंबुत गावात गोळीबार झाल्याची घटना घडली. या घटनेत जखमी झालेल्या व्यक्तीचा उपचारादरम्यान मृत्यू झाला आहे. पोलिसांकडून याप्रकरणी अधिक तपास सुरू आहे. काही दिवसांपूर्वी गौतम काकडे आणि रणजित निंबाळकर यांच्यात शर्यतीच्या बैलाचा व्यवहार झाला होता. वर्ष उलटून गेलं तरीदेखील व्यवहार पूर्ण झाला नसल्यानं बैल परत आणण्यासाठी निंबाळकर गेले होते. त्यावेळी वाद झाला आणि याच वादातून त्यांच्यावर गोळीबार झाला. गोळीबारात रणजित निंबाळकर गंभीर जखमी झाले आहेत. गुरुवारी रात्री उशीरा गोळीबार झाला. अशातच उपचारादरम्यान रणजित निंबाळकर यांचा मृत्यू झाला.
नेमकं घडलेलं काय?
शर्यतीचा बैल खरेदी करण्याच्या व्यवहारातून उद्भवलेल्या वादातून गोळीबार झाला. या गोळीबारात रणजीत निंबाळकर हे गंभीररित्या जखमी झाले आहेत. या संदर्भात अंकिता रणजीत निंबाळकर यांनी फिर्याद दिली असून या फिर्यादीवरून पोलिसांनी खुनाच्या प्रयत्नाचा गुन्हा दाखल केला आहे. त्यामध्ये गौतम शहाजी काकडे, गौरव शहाजी काकडे आणि तीन अनोळखी व्यक्तींविरोधात हा गुन्हा दाखल करण्यात आला आहे. या फिर्यादीनुसार एक वर्षांपूर्वी सर्जा हा बैल निंबुत येथील गौतम काकडे यांच्याकडून 61 लाख रुपयांना रणजित निंबाळकर यांनी विकत घेतला होता. त्यानंतर 24 जून 2024 रोजी रणजीत निंबाळकर यांच्याकडील सुंदर नावाचा बैल गौतम शहाजी काकडे यांनी 37 लाख रुपयांना विकत घेतला. यावेळी गौतम काकडे यांनी विसारापोटी पाच लाख रुपये दिले होते.
उर्वरित 32 लाख रुपये येणं बाकी होते. दरम्यान, व्यवहार झाला, त्याच दिवशी गौतम काकडे यांनी सुंदर हा बैल खटाव तालुक्यातील बुध येथून त्यांच्या घरी निंबुतला नेला. उर्वरित पैसे आणण्यासाठी गेले असताना त्यांच्यामध्ये वाद झाला आणि त्यावरून रणजीत निंबाळकर यांच्यावर गोळीबार करण्यात आला. या संदर्भात पोलीस अधिक तपास करत आहेत. रंजीत निंबाळकर यांच्यावरती पुण्यातील खाजगी रुग्णालयात उपचार सुरू आहेत.
महत्त्वाच्या बातम्या
