अकोला हादरलं! 10 वर्षीय मुलीवर अत्याचार; सुरुवातीला वडिलांकडून पुढं मामानेही केलं लैंगिक शोषण
Akola Crime News: अकोल्यात जन्मदात्या पित्याने 10 वर्षांच्या पोटच्या मुलीवर लैंगिक अत्याचार केल्याचा संतापजनक प्रकार समोर आला आहे.
Akola Crime News अकोला: अकोल्यात जन्मदात्या पित्याने 10 वर्षांच्या पोटच्या मुलीवर लैंगिक अत्याचार केल्याचा संतापजनक प्रकार समोर आला आहे. त्रास सहन न झाल्यानं मुलीनं अखेर बाल न्यायालयासमोर वडिलांची तक्रार केल्याची माहिती समोर आली आहे.
अकोला जिल्ह्यातल्या हिंगणा तामसवाडी गावात एका 10 वर्षीय मुलीवर अत्याचार (Akola Crime News) झाल्याची घटना समोर आली होती. पीडित मुलीच्या दूरच्या नातेवाईकाने अत्याचार केला होता. मुलीला नातेवाईकांकडे ठेवून आई वडील बाहेर गेले असताना याच संधीचा फायदा घेत पीडित मुलीचा दूरचा नातेवाईक असलेला यश गवई याने तिच्यावर बळजबरी अत्याचार केला. या प्रकरणाचा तपास सुरू असतानाच अकोटफैल पोलीसांच्या तपासात धक्कादायक माहिती उघड झाली आहे.
दुसरीच्या वर्गात असल्यापासून वडील अत्याचार करत असल्याची माहिती पीडित मुलीने दिली. पीडित मुलीच्या या तक्रारीनंतर वडिलांवर देखील अत्याचाराचा गुन्हा दाखल करुन अटक करण्यात आली आहे. सद्यस्थितीत अत्याचार करणारा दूरचा नातेवाईक आणि वडील हे दोघेही अटकेत आहेत. दरम्यान, अत्याचार करणाऱ्या वडील आणि नात्यातील मामावर कठोर शिक्षा व्हावी यासाठी सरकारकडे पाठपुरावा करणार असल्याचं आमदार अमोल मिटकरी यांनी सांगितले.
अल्पवयीन मुलींवर अत्याचार-
सिंदखेडराजा तालुक्यातील एका शाळेत अल्पवयीन मुलींवर झालेल्या लैंगिक अत्याचार प्रकरणी पोलिस कोठडीत असलेल्या आरोपी शिक्षकाला मेहकर सत्र न्यायालयाने बुधवारी 14 दिवसांची न्यायालयीन कोठडी सुनावली. 23 ऑगस्ट रोजी तालुक्यातील एका शाळेत चौथ्या वर्गातील मुलींवर शाळेतील शिक्षकाने लैंगिक अत्याचार केल्याचे प्रकरण उघडकीस आले होते. त्याच दिवशी ग्रामस्थांनी एकत्र येऊन गुन्हा दाखल करण्याची मागणी केल्याने पोलिसांनी तत्काळ संबंधित शिक्षकाविरुद्ध पोक्सो, अॅट्रॉसिटी अॅक्टनुसार गुन्हा दाखल करत अटक केली होती.
आणखी वाचा:
महत्त्वाच्या बातम्या
