मोठी बातमी ! आता डिजीलॉकरमध्ये Umang App, एकाच ठिकाणी मिळणार अनेक सेवा
UMANG APP एकत्रीकरणासह DigiLocker मध्ये अनेक नवीन वैशिष्ट्ये जोडण्यात आली आहेत.
UMANG APP News : UMANG APP एकत्रीकरणासह DigiLocker मध्ये अनेक नवीन वैशिष्ट्ये जोडण्यात आली आहेत. इलेक्ट्रॉनिक्स आणि माहिती तंत्रज्ञान मंत्रालयाने दिलेल्या माहितीनुसार, वापरकर्त्यांना आता ॲपद्वारे वैयक्तिक आणि अधिकृत कागदपत्रे तसेच अनेक सरकारी सेवांमध्ये प्रवेश दिला जाणार आहे. सध्या, तुम्ही फक्त Android वापरकर्त्यांसाठी डिजीलॉकरमध्ये उमंग ॲप इंटिग्रेशन व्यवस्थापित करू शकता. डिजीलॉकरमधील उमंग ॲप इंटिग्रेशन सध्या फक्त अँड्रॉइड वापरकर्त्यांसाठी आणले गेले आहे. येत्या काही दिवसांत ते iOS साठी देखील आणले जाईल असे सांगण्यात आले आहे.
एकाच प्लॅटफॉर्मवर मिळणार अनेक सेवा
राष्ट्रीय ई-गव्हर्नन्स विभागाने डिजीलॉकरमध्ये उमंग ॲपची माहिती दिली आहे. या एकत्रीकरणामुळे, वापरकर्ते एकाच प्लॅटफॉर्मवर आधार, पॅन, ईपीएफओ, प्रमाणपत्रे, पेन्शन, उपयुक्तता, आरोग्य आणि प्रवास यासारख्या अनेक सेवांमध्ये प्रवेश करु शकतील. आत्तापर्यंत, ही सेवा फक्त Android वापरकर्त्यांसाठी ऑफर केली जात होती.
जर तुम्हाला डिजीलॉकरमध्ये उमंग ॲपचे इंटिग्रेशन मिळत नसेल, तर तुम्ही ही प्रक्रिया फॉलो करू शकता.
1. सर्वप्रथम, डिजिलॉकर ॲप तुमच्या स्मार्टफोनमधील नवीनतम आवृत्तीवर अपडेट करा.
2. यानंतर तुमच्या Android फोनमध्ये DigiLocker ॲप उघडा
3. त्यानंतर DigiLocker ॲपमध्ये दिसणाऱ्या उमंग आयकॉनवर टॅप करा
4. यानंतर, प्रॉम्प्ट केल्यावर, Google Play Store वरून उमंग ॲप इन्स्टॉल करा.
डिजिटल लॉकर म्हणजे काय?
डिजिटल लॉकर किंवा डिजीलॉकर हे एक प्रकारचे आभासी लॉकर आहे. याचा वापर करून तुम्ही तुमची कागदपत्रे ऑनलाइन ठेवू शकता. तुम्ही कोणतेही सरकारी प्रमाणपत्र जसे की पॅन कार्ड, मतदार ओळखपत्र, पासपोर्ट इत्यादी डिजीलॉकरमध्ये साठवू शकता. डिजीलॉकर खाते उघडण्यासाठी आधार कार्ड असणे अनिवार्य आहे.
महत्त्वाच्या बातम्या
