TATA Technologies IPO : 20 वर्षांची प्रतीक्षा संपणार! 'टाटा'चा आयपीओ लवकरच बाजारात येणार
TATA Group IPO : 20 वर्षांनंतर पहिल्यांदाचा टाटा समुहाच्या कंपनीचा आयपीओ बाजारात येणार आहे. टाटा टेक्नोलॉजी (TATA Technologies) चा आयपीओ लवकरच सुरु होण्याचे संकेत देण्यात आले आहेत.
TATA Technologies IPO Details : टाटा समूह (TATA Group) देशातील आघाडीच्या विश्वासू उद्योजकांपैकी एक आहे. तुम्ही टाटा समूहाचा आयपीओ (IPO) विकत घेण्याच्या विचारात असाल, तर तुमच्यााठी आनंदाची बातमी आहे. लवकरच बाजारात टाटा समुहाच्या कंपनीचा आयपीओ येणार आहे. तब्बल दोन दशकानंतर म्हणजे सुमारे 20 वर्षानंतर टाटा समुहाच्या कंपनीचा आयपीओ सुरु होणार आहे. टाटा टेक्नोलॉजी (TATA Technologies) च्या आयपीओबाबत मोठी अपडेट समोर आली आहे. हा आयपीओ लवकरच सुरु होण्याचे संकेत देण्यात मिळत आहेत.
लवकरच 'टाटा'चा आयपीओ बाजारात येणार
टाटा मोटर्सची सब्सिडिअरी कंपनी असलेल्या टाटा टेक्नॉलॉजीचा (Tata Technologies) आयपीओ लवकरच बाजारात दाखल होण्याची शक्यता आहे. टाटा टेक्नॉलॉजी ही कंपनी प्रोडक्ट इंजिनिअरिंग आणि डिजीटल सर्व्हिस याच्याशी निगडीत आहे. आता या कंपनीचा आयपीओ आणण्याची तयारी सुरू करण्यात आली आहे. टाटा मोटर्सकडून जर हा आयपीओ आला तर, टाटा समूहाकडून 2004 नंतर येणारा पहिलाच आयपीओ असणार आहे. (TATA Technologies IPO)
20 वर्षांची प्रतीक्षा संपणार
टाटा टेक्नॉलॉजीज (TATA Technologies) च्या IPO मध्ये गुंतवणूक करण्यासाठी टाटा समूह मॉर्गन स्टॅनले इन्व्हेस्टमेंट मॅनेजमेंट, ब्लॅकरॉक आणि काही अमेरिकन हेज फंडांशी बोलणी करत असल्याची माहिती मीडिया रिपोर्टनुसार समोर येत आहे. ब्लॅकरॉक आणि मॉर्गन स्टॅनली यांच्यासोबतच टाटा टेक आपल्या आयपीओमध्ये गुंतवणूक करण्यासाठी अमेरिकन मालमत्ता व्यवस्थापक घिसल्लो कॅपिटल, ओकट्री कॅपिटल आणि की स्क्वेअर कॅपिटल यांच्याही संपर्कात असल्याची सूत्रांची माहिती आहे.
टाटा टेक्नॉलॉजीज (TATA Technologies) चा आयपीओ (IPO) 21 नोव्हेंबरच्या आसपास सबस्क्रिप्शनसाठी उघडू शकतो. म्हणजेच नोव्हेंबरच्या शेवटच्या आठवड्यात टाटा टेक्नॉलॉजीज (TATA Technologies) चा आयपीओ (IPO) उघडू शकतो, असा अंदाज व्यक्त केला जात आहे.
टाटा टेक्नॉलॉजीजच्या शेअर्सवर ग्रे मार्केट तेजीत
सूत्रांनी दिलेल्या माहितीनुसार, विदेशी फंड कंपनीमध्ये 2.5 अब्ज डॉलरच्या मुल्यांकनाने गुंतवणूक करू शकतात. गेल्या महिन्यात, TPG ने IPO पूर्व निधी उभारणीत कंपनीतील 9.9 टक्के हिस्सा घेतला. या IPO चा आकार 35 ते 375 दशलक्ष डॉलर्स असू शकतो. दरम्यान, टाटा टेक्नॉलॉजीजच्या शेअर्सवर ग्रे मार्केट तेजीत आहे. ग्रे मार्केटमध्ये टाटा टेक्नॉलॉजीजचे शेअर्स 275 रुपयांच्या प्रीमियमवर आहेत. तर, आतापर्यंत प्राइस बँकेबाबत कोणतीही माहिती समोर आलेली नाही.
महत्त्वाच्या इतर बातम्या :
MSSC Saving Scheme : खास महिलांसाठी दमदार योजना! 7.50 टक्के व्याज, फक्त 1000 रुपयांपासून सुरुवात
Before You Go
Special Report Milk Rate Increased : दुधाच्या विक्री दरात दोन रुपयांची वाढ;११ ऑगस्टपासून नवे दर लागू
महत्त्वाच्या बातम्या
