![metaverse](https://cdn.abplive.com/imagebank/metaverse-top.png)
पारंपारिक पिकांना बगल, खरबूज लागवडीतून दोन महिन्यातच मिळवला लाखो रुपयांचा नफा
एका शेतकऱ्याने खरबूज पिकाच्या लागवडीतून अवघ्या तीनच महिन्यात लाखो रुपयांचा नफा मिळवलाय. मोहम्मद आदिल असं उत्तर प्रदेशातील बाराबंकी जिल्ह्यातील शेतकऱ्याचं नाव आहे.
![पारंपारिक पिकांना बगल, खरबूज लागवडीतून दोन महिन्यातच मिळवला लाखो रुपयांचा नफा Success Story of melons farmers in up melons Cultivation farmers agriculture news पारंपारिक पिकांना बगल, खरबूज लागवडीतून दोन महिन्यातच मिळवला लाखो रुपयांचा नफा](https://feeds.abplive.com/onecms/images/uploaded-images/2024/05/21/9313147a9e783c5725b786af93bf5de71716288708192339_original.jpg?impolicy=abp_cdn&imwidth=1200&height=675)
Cultivation of melons : अलिकडच्या काळात शेतकरी (Farmers) आपल्या शेतात विविध प्रयोग करताना दिसत आहे. आधुनिक तंत्रज्ञानाचा वापर करुन भरघोस उत्पादन घेत आहेत. तसेच पारंपारिक पिकांना बगल देत नवीन पिकांची लागवड करत आहेत. आज आपण अशाच एका प्रयोगशील शेतकऱ्याची यशोगाथा (Success Story) पाहणार आहोत. या शेतकऱ्याने खरबूज पिकाच्या लागवडीतून अवघ्या तीनच महिन्यात लाखो रुपयांचा नफा मिळवलाय. मोहम्मद आदिल असं उत्तर प्रदेशातील बाराबंकी जिल्ह्यातील शेतकऱ्याचं नाव आहे.
खरबूज खाण्याचे अनेक फायदे
खरबूज खाण्याचे अनेक फायदे आहेत. हे खाल्ल्याने शरीर थंड राहते. पाण्याची कमतरता देखील दूर करते. तसेच खरबूजमध्ये अनेक जीवनसत्त्वे, खनिजे आणि अँटिऑक्सिडंट्स आढळतात, जे शरीराला गंभीर आजारांपासून वाचवण्यास सक्षम असतात. व्हिटॅमिन सी देखील मुबलक प्रमाणात आढळते, बाजारपेठेत याला मोठी मागणी आहे. त्यामुळे शेतकऱ्यांच्या उत्पन्नातही वाढ होते. बहुतेक शेतकरी उन्हाळी हंगामात देशी खरबूज पिकाची लागवड करतात. यामध्ये कमी खर्चात अधिक नफा मिळवता येतो. मोहम्मद आदिल यांनी देखील देशी खरबूजाची लागवड केली होती. ते दरवर्षी 2 एकर क्षेत्रावर खरबुजाची लागवड करतात. या माध्यमातून ते चांगला नफा कमावतात. सध्या बाजारात स्थानिक खरबुजाची मागणीही वाढत आहे.
2 एकरासाठी फक्त 20 हजार रुपयांचा खर्च
मोहम्मद आदिल हे बाराबंकीच्या सहेलियान गावातील रहिवासी आहेत. दोन एकर क्षेत्रात स्थानिक खरबूजाची लागवड केली होती. या शेतीतून त्यांना एका पिकासाठी सुमारे 2 लाख रुपये उत्पन्न मिळाले. 2 एकरासाठी त्यांना सुमारे 20 हजार रुपयांचा खर्च आला.
बुरशीजन्य रोगांपासून संरक्षण करण्यासाठी ठिबक सिंचनाद्वारे खतांचा वापर
खरबुजाचे पीक तयार करण्यासाठी सर्व प्रथम शेतात व्यवस्थित नांगरणी केली जाते. त्यानंतर सेंद्रिय खत टाकून संपूर्ण शेतात मल्चिंग बेड तयार करून लागवड केली जाते. यावेळी बियाणे चांगले लागले. प्रत्येक रोपातून 4-5 किलोपेक्षा जास्त माल तयार झाला. मल्चिंग बेडद्वारे शेती केल्यास पिकाला कमी पाणी लागते. कारण यामुळं ओलावा जास्त काळ टिकतो, ज्यामुळे उत्पादन वाढते अशी माहिती मोहम्मद यांनी दिली. खरबूज पिकाचे कीटक आणि बुरशीजन्य रोगांपासून संरक्षण करण्यासाठी ठिबक सिंचनाद्वारे खतांचा वापर केला जातो. फवारण्यांचा वापर खते आणि कीटकनाशकांसाठी केला जातो. खरबुजाचे पीक साधारण 60 ते 70 दिवसात तयार होते. आमच्या स्थानिक खरबुजाची मागणी खूप जास्त आहे.
महत्वाच्या बातम्या:
'झाडू'नं बदललं महिलेचं जीवन, 25000 रुपयात व्यवसायाची सुरुवात, दीड वर्षातच मिळवला 12 लाखांचा नफा
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)