नोकरी सोडून शेती करण्याचा निर्णय, 2 महिन्यातच ऑनलाईन आंबा विक्रीतून शेतकरी लखपती
आज आपण कर्नाटकमधील (karnataka) रायचूर येथील शेतकऱ्याची यशोगाथा (success story) पाहणार आहोत. या शेतकऱ्यानं अवघ्या दोनच महिन्यात 1800 किलो आंब्याची ऑनलाईन विक्री करुन लाखो रुपयांचा नफा मिळवला आहे.
Success Story Mango Farmers : अलिकडच्या काळात शेतकरी (Farmers) आधुनिक तंत्रज्ञानाचा वापर करुन भरघोस उत्पादन घेत आहेत. पारंपारिक पिकांना बगल देत इतर पिकांच्या माध्यमातून चांगल उत्पन्न घेत आहेत. आज आपण अशाच एका कर्नाटकमधील (karnataka) रायचूर येथील शेतकऱ्याची यशोगाथा (success story) पाहणार आहोत. या शेतकऱ्यानं अवघ्या दोनच महिन्यात 1800 किलो आंब्याची ऑनलाईन विक्री करुन लाखो रुपयांचा नफा मिळवला आहे.
कर्नाटकातील रायचूर येथील गुढीपाडू अंजनेया नावाच्या शेतकऱ्याने 2 महिन्यांत 1800 किलो आंब्याची ऑनलाइन विक्री केली आहे. अंजनेयाने ग्राहकांना विकलेल्या आंब्यांपैकी बंगनपल्लीसह केसरी हे आंबे प्रमुख आहेत. या आंब्याच्या विक्रीतून शेतकऱ्याने लाखो रुपयांचा घरबसल्या नफा मिळवला आहे. गुढीपाडू अंजनेया हे शेतकरी सध्या चर्चेत आले आहेत. कमी काळात आंब्याचं मोठं उत्पन्न त्यांनी घेतलं आहे.
ऑनलाइन पोर्टलद्वारे आंब्याची विक्री
गुढीपाडू अंजनेया या शेतकऱ्याने 2 महिन्यांत 1800 किलो आंब्याची ऑनलाइन विक्री केली आहे. शेती करण्याआधी अंजनेयाने डिप्लोमाचे शिक्षण पूर्ण केले होते. कर्नाटकातील बंगळुरु येथे एका खासगी कंपनीत सात वर्षे काम देखील केले. एका खासगी कंपनीत दीर्घकाळ काम केल्यानंतर आणि चांगले पैसे कमावल्यानंतर, अंजनेयाने स्वतःला फळबाग, भाज्या, फुले किंवा शोभेच्या वनस्पती वाढवण्याच्या कलेमध्ये गुंतवून घेतले. आता तो ऑनलाईन पोर्टलद्वारे आंब्याची विक्री करत आहे. ऑनलाईन आंबा विक्रीचा शेतकऱ्याला मोठा फायदा होत आहे. बाजारात जाण्याची गरज नसल्यामुळं खर्च कमी होत आहे. त्यामुळं मिळणारा नफा जास्त आहे.
परदेशात आंब्याची निर्यात करण्याचे उद्दीष्ट
ऑनलाईन आंब्याची विक्री करण्याबरोबर अंजनेया यांनी बंगळुरुच्या जयनगरमधील एमईएस ग्राउंड, व्हाईटफील्ड आणि लालबाग येथे झालेल्या आंबा मेळाव्यात सहभाग घेतला होता. अंजनेय हे आता फक्त कर्नाटकापुरतेच मर्यादित राहिलेले नाहीत. त्यांनी त्यांचे कार्य इतर राज्यांमध्येही पसरवले आहे. आपल्या व्यवसायाच्या वाढत्या लोकप्रियतेसह, अंजनेयाचे उद्दिष्ट परदेशी देशांशी देखील व्यावसायिक संबंध निर्माण करण्याचे आहे. या ऑनलाइन व्यवसायातील प्रचंड वाढीमुळे रायचूरमधील इतर लोकांनाही असे करण्यास प्रेरित केले आहे. आपल्या शेतात प्रगती करण्यासाठी अंजनेयालाही खूप मेहनत करावी लागली. अनेक समस्यांवर मात करत त्यांनी मोठं उत्पन्न घेतलं आहे. आंबे विकण्याआधी अंजनेय मोसमी फळे आणि लिंबांची देखील ऑनलाईन विक्री करत होते.
महत्वाच्या बातम्या:
2 कोटी रुपयांची नोकरी सोडून सुरु केलं स्टार्टअप, कशी मिळाली आयुष्याला कलाटणी? तरुण उद्योजकाची यशोगाथा
महत्त्वाच्या बातम्या
ट्रेंडिंग न्यूज
