Stock Market : आठवड्याच्या पहिल्या दिवशी शेअर बाजारात तेजी, सेन्सेक्स-निफ्टीमध्ये उसळी
Stock Market : दिवसभराचा व्यवहार बंद होताना सेन्सेक्स 433.30 अंकांच्या म्हणजेच 0.82 टक्क्यांच्या वाढीसह 53,161.28 वर बंद झाला. तर निफ्टी निर्देशांक 132.80 अंकांच्या म्हणजेच 0.85 टक्क्यांच्या वाढीसह 15,832.05 वर बंद झाला.
Stock Market : आठवड्याच्या पहिल्याच दिवशी आज शेअर बाजारात चांगली वाढ झाली. दिवसभराच्या व्यवहारानंतर सेन्सेक्स आणि निफ्टी (सेन्सेक्स-निफ्टी) वाढीसह बंद झाले. दिवसभराचा व्यवहार बंद होताना सेन्सेक्स 433.30 अंकांच्या म्हणजेच 0.82 टक्क्यांच्या वाढीसह 53,161.28 वर बंद झाला. तर निफ्टी निर्देशांक 132.80 अंकांच्या म्हणजेच 0.85 टक्क्यांच्या वाढीसह 15,832.05 वर बंद झाला.
कोटक बँकेची सर्वात मोठी घसरण
आज फक्त तीन शेअरर्समध्ये घसरण झाली. यामध्ये कोटक बँक, रिलायन्स आणि टायटनच्या शेअर्सचा समावेश आहे. कोटक बँकेचा शेअर 0.45 टक्क्यांच्या घसरणीसह 1690 च्या पातळीवर बंद झाला. आज कोटक बँकेचा शेअर सर्वाधिक तोट्यात गेला आहे.
एलटीचा शेअर टॉर गेनर होता
एलटीचा शेअर 2.99 टक्क्यांच्या वाढीसह टॉप गेनर ठरला आहे. याशिवाय एचसीएल टेक, इन्फोसिस, टेक महिंद्रा, भारती एअरटेल, इंडसइंड बँक, एशियन पेंट्स, टाटा स्टील, अल्ट्रा केमिकल, एसबीआय, आयटीसी, सन फार्मा, विप्रो, एनटीपीसी, पॉवर ग्रिड, मारुती, एम अँड एम, आयसीआयसीआय बँक, बजाज फायनान्स. , नेस्ले शेअर्स ऑफ इंडिया, हिंदुस्तान युनिलिव्हर, टीसीएस, अॅक्सिस बँक, एचडीएफसी बँक, डॉ रेड्डी, एचडीएफसी आणि बजाज फिनसर्व्हमध्ये वाढ झाली.
निफ्टी बँक, निफ्टी ऑटो, फायनान्शिअल सर्व्हिसेस, एफएमसीजी, निफ्टी आयटी, मीडिया, मेटल फार्मा, पीएसयू बँक, प्रायव्हेट बँक, रियल्टी, हेल्थकेअर, कंझ्युमर ड्युरेबल आणि ऑइल अँड गॅस सेक्टरमध्ये देखील वाढ झाल्याचे पाहायला मिळाले.
सुरूवात चांगली
जागतिक बाजारपेठांमध्ये आज प्रचंड वाढ होत होता. त्यामुळे भारतीय शेअर बाजारही चांगल्या उडी घेऊन सुरूवात झाली. बाजाराला आयटी, बँकिंग, धातुंच्या शेअर्सनी मोठ्या नफ्याने पाठिंबा दिला त्यामुळे त्यांच्या वाढिसह बाजाराची सुरूवात झाली. देशांतर्गत शेअर बाजारात सेन्सेक्स 740.91 अंक म्हणजेच 1.41 टक्क्यांच्या वाढीसह 53,468.89 वर उघडला आणि NSE चा निफ्टी 226.95 अंक म्हणजेच 1.45 टक्क्यांच्या वाढीसह 15,926.20 वर उघडला.
महत्वाच्या बातम्या
Gold Rate Today : आठवड्याच्या पहिल्याच दिवशी सोनं-चांदी स्वस्त की महाग? जाणून घ्या
Before You Go
Special Report Milk Rate Increased : दुधाच्या विक्री दरात दोन रुपयांची वाढ;११ ऑगस्टपासून नवे दर लागू
महत्त्वाच्या बातम्या
