Closing Bell : शेअर बाजारात ब्लड बाथ; सेन्सेक्स, निफ्टीत घसरण, गुंतवणुकदारांचे 3 लाख कोटी बुडाले
Share Market Closing Bell : शेअर बाजारात झालेल्या घसरणीच्या परिणामी गुंतवणुकदारांना मोठा फटका बसला.
मुंबई : आठवड्यातील सलग तिसऱ्या दिवशी भारतीय शेअर बाजारात (Share Market) विक्रीचा जोर दिसून आला. शेअर बाजारात झालेल्या घसरणीच्या परिणामी गुंतवणुकदारांना मोठा फटका बसला. आजच्या व्यवहारात मुंबई शेअर बाजाराचा निर्देशांक सेन्सेक्स 901 अंकांनी घसरत 63 हजार 148 अंकांवर स्थिरावला. तर, राष्ट्रीय शेअर बाजाराचा निर्देशांक निफ्टी 265 अंकांनी घसरून 18, 857 अंकांवर बंद झाला. बाजारात आलेल्या घसरणीच्या लाटेत गुंतवणुकदारांचे 3 लाख कोटी बुडाले आहेत.
अमेरीकन बॉण्ड यील्डमुळे व्याजदरात अधिक काळ चढेच राहणार असल्याने गुंतवणूकदार चिंतेत आहेत. आशियाई बाजारातील पडझडीचे भारतीय शेअर बाजारावर परिणाम दिसून येत आहेत. भारतीय शेअर बाजारात मागील सहा सत्रापासून घसरण सुरू आहे. मागील सात महिन्यातील भारतीय शेअर बाजारातील सर्वात मोठी घसरण आहे.
कोणत्या सेक्टर चढ-उतार?
आजच्या व्यवहारात बँकिंग क्षेत्रातील शेअर्समध्ये नफा वसुलीचा जोर दिसून आला. त्यामुळे निफ्टी बँक 552 अंकांच्या किंवा 1.29 टक्क्यांच्या घसरणीसह 42,280 अंकांवर बंद झाला. याशिवाय ऑटो, आयटी, फार्मा, एफएसीजी, मेटल, एनर्जी, कंझ्युमर ड्युरेबल्स, हेल्थकेअर, ऑइल अॅण्ड गॅस सेक्टरचे शेअर्स घसरणीसह बंद झाले. मिड कॅप आणि स्मॉल स्टॉक्समधील घसरणीचा कल आजही कायम राहिला. मिड कॅप निर्देशांक 1.16 टक्क्यांनी किंवा 448 अंकांनी घसरून 38,116 अंकांवर बंद झाला, तर स्मॉल कॅप निर्देशांक 42 अंकांनी घसरून 12,930 अंकांवर बंद झाला.
| इंडेक्‍स | किती अंकांवर बंद | दिवसभरातील उच्चांक | दिवसभरातील नीचांक | किती टक्के बदल |
| BSE Sensex | 63,148.15 | 63,774.16 | 63,092.98 | -1.41% |
| BSE SmallCap | 36,205.34 | 36,262.79 | 35,271.13 | -0.32% |
| India VIX | 11.73 | 12.70 | 11.31 | 3.69% |
| NIFTY Midcap 100 | 38,116.75 | 38,365.80 | 37,655.85 | -1.16% |
| NIFTY Smallcap 100 | 12,390.70 | 12,421.65 | 12,048.75 | -0.34% |
| NIfty smallcap 50 | 5,692.95 | 5,710.80 | 5,557.55 | -0.61% |
| Nifty 100 | 18,780.60 | 18,954.55 | 18,743.30 | -1.33% |
| Nifty 200 | 10,052.50 | 10,141.25 | 10,017.55 | -1.31% |
| Nifty 50 | 18,857.25 | 19,041.70 | 18,837.85 | -1.39% |
गुंतवणूकदारांना 3 लाख कोटींचा फटका
बाजारातील जोरदार घसरणीमुळे आज गुंतवणूकदारांचे मोठे नुकसान झाले. एक ट्रेडिंग दिवस आधी म्हणजे 25 ऑक्टोबर 2023 रोजी, BSE वर सूचीबद्ध सर्व समभागांची एकूण मार्केट कॅप 309.22 लाख कोटी रुपये होती. आज म्हणजेच 26 ऑक्टोबर 2023 रोजी तो 306.21 लाख कोटी रुपयांवर घसरला आहे. याचा अर्थ आज गुंतवणूकदारांच्या भांडवलात 3.01 लाख कोटी रुपयांची घट झाली आहे.
2335 कंपन्यांच्या शेअर दरात घसरण
मुंबई शेअर बाजारावर उपलब्ध असलेल्या तपशीलानुसार, आज 3800 सूचीबद्ध कंपन्यांच्या शेअर्सचे व्यवहार झाले. त्यापैकी 1330 कंपन्यांच्या शेअर्समध्ये तेजी दिसून आली. तर, 2335 कंपन्यंच्या शेअर दरात घसरण झाली.143 कंपन्यांच्या शेअर दरात कोणताही बदल झाला नाही. आजच्या व्यवहारात 78 समभागांनी 52 आठवड्यांचा उच्चांक गाठला. तर, 104 कंपन्यांच्या शेअर्सने 52 आठवड्यांचा नीचांक गाठला. आज एकाही कंपनीच्या शेअर दराला अप्पर सर्किट लागले नाही. तर, चार कंपन्यांच्या शेअर दराल लोअर सर्किट लागले.
महत्त्वाच्या बातम्या
ट्रेंडिंग न्यूज
