SBI : स्टेट बँक ऑफ इंडियाचा कर्ज धमाका, 80 हजार कोटींच्या कर्जाचं वाटप करणार, 1 कोटींहून अधिक लोकांना फायदा होणार
SBI Loan Offer: स्टेट बँक ऑफ इंडियानं त्यांच्या ग्राहकांसाठी एक मेगा कर्ज धमाका ऑफर आणली आहे. ज्यामध्ये 1 कोटींहून अधिक लोकांना 80 हजार कोटी रुपयांचं कर्ज वाटलं जाणार आहे.
SBI Loan Offer नवी दिल्ली : अमेरिका आणि इराण यांच्यातील युद्धामुळं आखाती देशात तणाव निर्माण झाला आहे. यामुळं भारतात देखील परिणाम जाणवू लागला आहे.या दरम्यान भारतातील सर्वात मोठी सार्वजनिक क्षेत्रातील बँक स्टेट बँक ऑफ इंडिया लघू, मध्यम आणि सूक्ष्म उद्योग क्षेत्राला दिलासा देण्याच्या तयारीत आहे. केंद्र सरकार आता यासंदर्भात एक नवी योजना आणणार आहे, त्यानुसार छोट्या आणि मध्यम उद्योगांना कर्ज उपलब्ध करुन दिलं जाणार आहे.
केंद्र सरकारनं आणली नवी योजना
केंद्र सरकारकडून इमरजन्सी क्रेडिट लाईन गॅरंटी स्कीम नुसार सूक्ष्म लघू आणि मध्यम उद्योगांना 75 हजार कोटी आणि 80 जार कोटींचं कर्ज उपलब्ध करुन दिलं जातं. स्टेट बँक ऑफ इंडियाचे चेअरमन सीएस सेटी यांनी एनटीव्ही प्रॉफिटसोबत चर्चा केली. यामध्ये त्यांनी बँकेची ही कमाल कर्ज क्षमता असल्याचं म्हटलं.
सेटी यांच्या मते 30 ते 40 टक्के लघू, मध्यम आणि सूक्ष्म उद्योग पात्र असून ते या योजनेचा लाभ घेऊ शकतात. हा अंदाज एमएसएसई ग्राहकांच्या आधारावर तयार करण्यात आला आहे. जे ECLGS 5.0 साठी पात्र असणाऱ्यांची संख्या तितकी असू शकते. सध्या बँकेकडे कर्जासाठी कोणतीही मागणी झालेली नाही. कारण या योजनेसंदर्भात पूर्ण दिशा- निर्देश लागू केलेले नाहीत. सरकारनं सर्वात खराब स्तितीत 2.55 लाख कोटींचा वापर करण्याचा अंदाज काढला आहे.
सायबर सुरक्षेबद्दल काय म्हणाले?
सेटी म्हणाले की बँकिंग क्षेत्र सध्या सायबर सुरक्षा आणि एआयच्या संकटांवर गांभीर्यानं काम करत आहे. ज्यासाठी गुंतवणूक वाढवण्यावर लक्ष केंद्रीत केलं जात आहे. बँकेनं आर्थिक वर्ष 2026-27 मध्ये 13-15 क्रेडि ग्रोथचं लक्ष ठेवलं आहे. गृह कर्ज, वैयक्तिक कर्ज आणि सोने तारण कर्जाची मागणी मोठी आहे. याशिवाय स्टेट बँक आगामी काळात असेट मॅनेजमेंट कंपनीचं लिस्टींग करण्याची शक्यता आहे.
महत्त्वाच्या बातम्या
