पीठ आणि डाळींच्या किमती वाढणार? महागाईचा फटका बसणार? नेमकी परिस्थिती काय

पीठ (flour) आणि डाळींच्या (pulses) किंमतीत वाढ होण्याची शक्यता आहे. त्यामुळं सर्वसामान्यांना महागाईचा (inflation) फटका बसू शकतो.

prices of flour and pulses

India Inflation : एकीकडं आंतरराष्ट्रीय बाजारात तांदळाचे (Rice Rate) भाव 15 वर्षांच्या उच्चांकावर पोहोचले आहेत. दुसरीकडे, स्थानिक पातळीवर पीठ (flour) आणि डाळींच्या (pulses) किंमतीत वाढ होण्याची शक्यता आहे. त्यामुळं सर्वसामान्यांना महागाईचा (inflation) फटका बसू शकतो. गहू आणि डाळींचे घटलेले उत्पादन हे त्याचे प्रमुख कारण आहे. 

गहू आणि डाळींच्या पेरण्या पुन्हा एकदा कमी झाल्या आहेत. सूत्रांनी दिलेल्या माहितीनुसार, आतापर्यंत गव्हाच्या पेरणीत 5 टक्क्यांहून अधिक घट झाली आहे. दुसरीकडे डाळींच्या पेरणीत आठ टक्क्यांपर्यंत घट झाली आहे. मात्र, पावसानंतर ही कमतरता भरून काढता येईल, अशी सरकारला आशा आहे. तसे झाले नाही तर देशात पीठ आणि डाळीचे भाव वाढतील. त्यामुळे देशातील महागाई आणखी वाढेल. 

गव्हाची पेरणी कमी झाली

सूत्रांनी दिलेल्या माहितीनुसार, देशात गहू आणि डाळींच्या पेरणीत मोठी घट झाली आहे. प्रत्यक्षात पावसाअभावी पेरणीवर परिणाम झाला आहे. मिळालेल्या माहितीनुसार, देशात गव्हाचा पेरा  5 टक्क्यांनी घटला आहे. यावर्षी आतापर्यंत 141 लाख हेक्टर क्षेत्रावर गव्हाची पेरणी झाली आहे. तर गतवर्षी याच कालावधीत 149 लाख हेक्टर क्षेत्रावर गव्हाची पेरणी झाली होती.

यंदा डाळींच्या पेरणीत 8 टक्के घट

दुसरीकडे डाळींवरही महागाईचे संकट उभे ठाकले आहे. आकडेवारीनुसार, यंदा डाळींच्या पेरणीत 8 टक्के घट झाली आहे. आता देशात 940 लाख हेक्टरवर डाळींची पेरणी झाली आहे. तर गतवर्षी याच कालावधीत 103 लाख हेक्टरवर ही पेरणी झाली होती. म्हणजेच यंदा डाळींच्या उत्पादनात लक्षणीय घट होण्याची शक्यता आहे. त्यामुळं देशात महागाई वाढण्याची शक्यता आहे.

वेळेवर पाऊस पडला नाहीतर किंमती वाढणार

आतापर्यंत दोन्ही पिकांसाठी पुरेसा पाऊस झालेला नाही. पाऊस पडताच ही टंचाई भरुन काढली जाईल, अशी सरकारला आशा आहे. परंतु तज्ञांवर विश्वास ठेवला तर त्याच्या अपेक्षा कमी आहेत. जर पेरणी वाढली नाही तर देशात डाळी आणि गहू किंवा मैदा आणि डाळीच्या किंमती वाढू शकतात. त्यामुळे देशात चलनवाढीचा दर वाढू शकतो. अलिकडच्या काही महिन्यांत देशातील जनतेला टोमॅटो आणि नंतर कांद्याच्या महागाईचा सामना करावा लागला. वेळेवर पाऊस पडला नाही आणि दोन्ही पिकांच्या पेरण्या वाढल्या नाहीत तर सर्वसामान्यांचे स्वयंपाकघराचे बजेट वाढणार आहे.

महत्त्वाच्या बातम्या: