शेतकरी सन्मान निधी योजनेत नाव आहे की नाही, हे कसे शोधावे? जाणून घ्या, नेमकं काय करावं?

शेतकरी पंतप्रधान शेतकरी सन्मान निधी योजनेतील पुढच्या हफ्त्याची वाट पाहात आहेत. मात्र अनेकवेळा शेतकऱ्याचे नाव लाभार्थ्यांच्या यादीतून वगळलेले असते.

pm kisan samman nidhi yojana (सांकेतिक संग्रहित फोटो)

PM Kisan Yojana: देशभरातल्या शेतकऱ्यांना आर्थिक मदत व्हावी म्हणून केंद्र सरकारने पंतप्रधान शेतकरी सन्माम निधी योजना लागू केलेली आहे. या योजनेअंतर्गत शेतकऱ्यांनी चार महिन्यांच्या अंतराने 2000 हजार रुपये दिले जातात. ही रक्कम थेट शेतकऱ्यांच्या बँक खात्यावर वर्ग केली जाते. दरम्यान,  शेतकऱ्यांना त्यांचा सोळावा हफ्ता आलेला असून आता ते सतराव्या हफ्त्याची वाट पाहात आहेत. मात्र काही कारणांमुळे शेतकऱ्यांचे नाव लाभार्थ्यांच्या यादीतून गहाळ होऊ शकते. असे झाल्यास शेतकऱ्यांना 17 हा हफ्ता मिळणार नाही. याच पार्श्वभूमीवर या योजनेच्या लाभार्त्यांच्या यादीत नाव आहे की नाही, हे कसे तपासावे हे जाणून घेऊ या...

लाभार्त्यांच्या यादीतून नाव गायब होण्याचे कारण काय? 

पंतप्रधान शेतकरी सन्माम निधी योजनेच्या लाभार्त्यांच्या यादीतून नाव गायब होण्याची वेगवेगळी कारणं असू शकतात. एखाद्या वेळी तांत्रिक कारणामुळेही हे नाव बाद होऊ शकते. यासह शेतकऱ्यांने दिलेल्या बँकेचे डिटेल्स चुकीचे असतील, योजनेच्या निकषात बसत नसल्यास शेतकऱ्यांचे नाव लाभार्त्यांच्या यादीतून बाहेर निघू शकते. आधार कार्ड बँक खात्याशी संलग्न नसल्यामुळे, अर्जदार 18 वर्षांपेक्षा कमी असेल तर, ई-केवायसी न केल्यामुळेही शेतकऱ्याचे नाव लाभार्त्यांच्या यादीतून वगळले जाऊ शकते. 

लिस्टमधील नाव कसे चेक करावे?

पंतप्रधान शेतकरी सन्माम निधी योजनेच्या लाभार्थी यादीत नाव आहे की नाही हे तपासण्यासाठी https://pmkisan.gov.in/ या लिंकवर क्लीक करावे लागेल. त्यानंतर Know Your Status हा पर्याय निवडावा. त्यानंतर  रजिस्ट्रेशन नंबर टाकून यादीत नाव आहे की नाही हे चेक करावे.

अनेकवेळा शेतकऱ्यांकडे रजिस्ट्रेशन नंबर नसतो. अशा स्थितीत Know your registration no या ऑप्शनवर क्लीक करावे. त्यानंतर मोबाईल नंबर डाकून कॅप्चा टाकावा. ही प्रक्रिया पूर्ण केल्यानंतर रजिस्टर्ड मोबाईल क्रमांकावर ओटीपी येईल. हा ओटीपी मिळाल्यानंतर तुम्हाला समोर रजिस्ट्रेशन नंबर दिसेल. त्यानंतर मग Know Your Status या ऑप्शनवर क्लीक करून तुमचे नाव लाभार्थ्यांच्या यादीत आहे की नाही हे तपासावे. 

येथे मिळेल तुमचे नाव 

Know Your Status ऑप्शनवर क्लीक केल्यानंतर  Beneficiary List या पर्यायावर क्लीक करावे.  त्यानंतर राज्य, जिल्हा, तालुका, गावाची माहिती टाकावी. त्यानंर Get Report या ऑप्शनवर क्लीक करावे. तसे केल्यास तुम्हाला Beneficiary List दिसेल. या लिस्टमध्ये शेतकऱ्यांनी त्यांचे नाव शोधावे. या योजनेशी संबंधित काही अडचणी असतील तर शेतकरी 155261/011-24300606 या हेल्‍पलाइन नंबरवर फोन करून तक्रार करू शकतात. तसेच pmkisan-ict@gov.in या ई-मेलवरही शेतकऱ्यांना तक्रार दाखल करता येते.  

हेही वाचा >