PM Kisan : वेळेआधीच 3 राज्यांना पीएम किसानचा 21 वा हप्ता जारी, पूरग्रस्तांसाठी मदतीचा हात, महाराष्ट्रातील शेतकऱ्यांचेही केंद्राकडे डोळे
PM Kisan : पीएम किसान सन्मान निधी योजनेचा 21 वा हप्ता तीन राज्यातील शेतकऱ्यांसाठी जारी करण्यात आला आहे. महाराष्ट्रातील शेतकर्यांना देखील अशाच मदतीची गरज आहे.
PM Kisan 21st instalment नवी दिल्ली : पीएम किसान सन्मान निधीच्या 21 व्या हप्त्याची रक्कम तीन राज्यातील शेतकऱ्यांच्या खात्यात वर्ग करण्यात आली आहे. पंजाब, हिमाचल प्रदेश आणि उत्तराखंड राज्यातील शेतकऱ्यांच्या खात्यात ही रक्कम पूरस्थितीतून सावरण्यासाठी वेळेआधीच पाठवण्यात आली आहे. केंद्रीय कृषीमंत्री शिवराज सिंह चौहान यांनी तीन राज्यांसाठी 21 व्या हप्त्याची रक्कम जारी केली जाते. पीएम किसानच्या दोन हप्त्यांमध्ये चार महिन्यांचा कालावधी असतो. मात्र, पूरस्थितीतून सावरण्यासाठी शेतकऱ्यांना 21 व्या हप्त्याची रक्कम जारी करण्यात आली आहे. पंजाब, हिमाचल प्रदेश आणि उत्तराखंड प्रमाणं महाराष्ट्रात देखील पूरस्थिती आणि अतिवृष्टीनं शेतीचं मोठं नुकसान झालंय. राज्यातील शेतकऱ्यांचे तीन राज्यांप्रमाणं लवकर पीएम किसानच्या 21 व्या हप्त्याची रक्कम मिळणार का याकडे डोळे लागले आहेत.
PM Kisan 21st instalment : 27 लाख शेतकऱ्यांच्या खात्यात 21 वा हप्ता जमा
कृषी मंत्रालयाच्या माहितीनुसार तीन राज्यातील 27 लाख शेतकऱ्यांच्या खात्यात 540 कोटी रुपयांचा निधी वर्ग करण्यात आला आहे. या 27 लाख शेतकऱ्यांमध्ये 2.7 लाख महिला शेतकऱ्यांचा समावेश आहे.
केंद्रीय कृषीमंत्री शिवराज सिंह चौहान यांनी 21 व्या हप्त्याची रक्कम पूरग्रस्त शेतकऱ्यांसाठी दिलासादायक ठरेल, असं म्हटलं. तीन राज्यातील शेतकऱ्यांच्य खात्यात 21 व्या हप्त्याची रक्कम पाठवण्यात आली आहे. पंजाब, हिमाचल प्रदेश आणि उत्तराखंडमध्ये पूरस्थिती आणि जमीन खचल्यानं शेतकऱ्यांचं मोठं नकुसान झालं होतं. या संकट काळात त्यांना दिलासा देण्यासाठी पीएम किसान सन्मान निधीच्या 21 व्या हप्त्याची रक्कम देण्यात आल्याचं शिवराज सिंह चौहान म्हणाले.
महाराष्ट्रातील शेतकऱ्यांचे मदतीसाठी केंद्राकडे डोळे :
पंजाब, हिमाचल प्रदेश, हरियाणा प्रमाणं महाराष्ट्रात देखील अतिवृष्टी आणि पूरस्थितीमुळं शेतीचं मोठं नुकसान झालंय. मराठवाडा, पश्चिम महाराष्ट्र, उत्तर महाराष्ट्र आणि विदर्भात शेती आणि पिकांचं नुकसान झालंय. काही ठिकाणी शेतातील माती पुराच्या पाण्यामुळं खरडून गेली आहे. ज्या प्रमाणं केंद्र सरकारनं पंजाब, हिमाचल प्रदेश आणि उत्तराखंड या राज्यातील 27 लाख शेतकऱ्यांना 21 व्या हप्त्याची रक्कम अदा केली आहे. या शेतकऱ्यांना 540 कोटी रुपये आज देण्यात आले आहेत. त्याप्रमाणेच महाराष्ट्रातील शेतकऱ्यांना देखील पीएम किसान सन्मान निधीच्या 21 व्या हप्त्याची रक्कम लवकर मिळावी, अशी राज्यातील शेतकऱ्यांची अपेक्षा आहे.
पीएम किसानकडून एका वर्षात तीन हप्त्यांमध्ये 6000 रुपये शेतकऱ्यांच्या खात्यात वर्ग केले जातात. दोन हप्त्यांमधील अंतर चार महिन्यांचं असतं. 20 व्या हप्त्याची रक्कम 2 ऑगस्टला जारी करण्यात आली होती. तीन राज्यातील शेतकऱ्यांना दोन महिने पूर्ण होण्याअगोदरच 21 व्या हप्त्याची रक्कम मिळालीय.
प्रधानमंत्री किसान सम्मान निधि –प्राकृतिक आपदा में भी किसानों के साथ, सीधी मदद, सीधा विश्वास
— PM Kisan Samman Nidhi (@pmkisanofficial) September 26, 2025
21वीं किस्त का अग्रिम वितरण कृषि मंत्री श्री शिवराज सिंह चौहान ने नई दिल्ली से किया
पंजाब, हिमाचल और उत्तराखंड के 27 लाख से अधिक किसानों को ₹540 करोड़ से ज्यादा राशि सीधे खातों में मिली pic.twitter.com/4D2ToMiMFt
महत्त्वाच्या बातम्या
