दुकान की घर? अधिक पैसे कमावण्यासाठी कुठे गुंतवणूक करणे चांगंल? वाचा सविस्तर

Money Making Tips : एखाद्या मालमत्तेत गुंतवणूक करून ठेवावी आणि त्यातून अधिकचे पैसे कमवावेत असा जर तुम्ही विचार करत असाल तर तुमच्यासाठी ही बातमी नक्कीच फायदेशीर ठरू शकते. कारण तुम्ही घर, फ्लॅटसोबत दुकान किंवा गोडाऊनमध्ये गुंतवणूक करुन ही मालमत्ता भाड्याने देऊन त्यातून पैसे कमवावेत असा अनेकजण विचार असाल तर या प्रश्नाचे उत्तर इतके सोपे नाही. कारण या दोन्ही स्वतःचे फायदे आहेत.

शिवाय, निर्णय घेण्यासाठी केवळ भाड्यावर लक्ष केंद्रित करू नये. याशिवाय आणखी काही गोष्टी आहेत, ज्यांचा योग्य विचार करूनच गुंतवणुकीकडे वाटचाल करावी. भाड्यासह यापैकी काही महत्त्वाचे मुद्दे कोणते आहेत ते जाणून घेऊया.

Money Making Tips : मालमत्ता भाड्याबाबत विचार करुया

भाडे हे गुंतवणुकीपूर्वी चर्चेचा सर्वोच्च मुद्दा ठरतो. व्यावसायिक मालमत्तेचे भाडे सर्वसाधारणपणे निवासी मालमत्तेपेक्षा जास्त असते. जरी ते स्थान आणि आकारावर अवलंबून असते, परंतु जर भाड्याची तुलना एखाद्या परिसरात जवळपास असलेल्या निवासी आणि व्यावसायिक मालमत्तांमध्ये केली गेली, तर बहुतेक वेळा व्यावसायिक मालमत्ता पुढे जाईल. मात्र, त्या ठिकाणची बाजारपेठ मंदावल्यास व्यावसायिक मालमत्तेचे दर आणि भाडे कमी होईल, तर निवासी मालमत्तांच्या भाड्यावर कोणताही परिणाम होणार नाही, असा पेच आहे.

Investment : मालमत्ता देखभाल

व्यावसायिक मालमत्तेचे भाडे निवासी मालमत्तेपेक्षा जास्त असू शकते, परंतु निवासी मालमत्तेच्या देखभालीसाठी घरमालक जबाबदार राहात नाही. यासोबतच व्यावसायिक मालमत्तेत, खर्च हा देखील मालमत्तेच्या मालकाला करावा लागतो आणि हे अतिरिक्त खर्चासारखे ओझे बनू शकते.

Personal Finance : भाडेकरू

जर व्यावसायिक मालमत्ता मुख्य ठिकाणी असेल, तर तुम्हाला तिथे भाड्याने दुकानदार सहज मिळतील. परंतु जर मालमत्ता बाजाराबाहेर किंवा अशा ठिकाणी असेल जिथे खरेदीदारांना जायला आवडत नसेल, तर तुम्हाला भाडेकरू शोधणे कठीण होईल. निवासी मालमत्ताही या बाबतीत आघाडीवर आहे. येथे तुम्हाला भाडेकरू अगदी सहज मिळतील. याशिवाय व्यावसायिक मालमत्ता खरेदी करणे हे एक मोठे काम आहे. एकंदरीत, व्यावसायिक मालमत्तेचे भाडे जितके जास्त असेल तितका धोका जास्त असतो. गुंतवणूक करण्यापूर्वी तुम्ही किती जोखीम घेण्यास तयार आहात हे पाहावे लागेल.

ही बातमी वाचा: 

• Wadia Group May Completely Exit From Go First: गो फर्स्ट एअरलाईनमधून वाडिया समूह बाहेर पडणार; हिस्सा विकण्यासाठी धडपड