ITR Filing Alert: आयटीआर 31 डिसेंबरपर्यंत भरला नाही तर 10,000 रुपये दंड भरावा लागेल, तुरुंगवासही होऊ शकतो
ITR Filing Alert: आयकर विवरण भरायचं (Income Tax Return) राहून गेलं असेल तर तुम्हाला आता अवघे काही तास शिल्लक आहेत. पण जर तुम्ही हे भरायला चुकला असाल तर मात्र तुम्हाला 10 हजारपर्यंत दंड भरावा लागू शकतो.
ITR Filing Alert: आयकर विवरण भरायचं (Income Tax Return) राहून गेलं असेल तर तुम्हाला आता अवघे काही तास शिल्लक आहेत. पण जर तुम्ही हे भरायला चुकला असाल तर मात्र तुम्हाला 10 हजारपर्यंत दंड भरावा लागू शकतो. ज्या करदात्यांनी काही कारणास्तव 31 जुलै 2022 पर्यंत आयटीआर दाखल केलेला नाही, त्यांना सरकारने आणखी एक संधी दिली आहे. 31 डिसेंबर 2022 पर्यंत त्यांचा आयटीआर भरू शकतात.
पण हा आयटीआर भरण्यासाठी त्यांना आता 5000 रुपये विलंब शुल्क भरावे लागणार आहे. तरीही त्यांनी आयटीआर भरला नाही तर पुढील वर्षी ही फी दुप्पट म्हणजेच 10,000 रुपये होईल. यामध्ये मुख्य गोष्ट म्हणजे ज्यांचे आयटीआर ऑडिट आवश्यक आहे त्यांच सामवेश करण्यात आला आहे. ज्यांचे एकूण उत्पन्न 5 लाख रुपयांपेक्षा जास्त नाही अशा लोकांसाठीही यामध्ये काहीसा दिलासा आहे.
ज्यांचे एकूण उत्पन्न 5 लाख रुपयांपेक्षा जास्त नाही, त्यांच्यासाठी विलंब शुल्क देखील केवळ 1000 रुपयांपर्यंत मर्यादित असेल. लक्षणीय बाब म्हणजे, आयटीआर उशीरा भरल्यास केवळ विलंब शुल्कच नाही तर करावर व्याजही भरावे लागते. हे व्याज मासिक आधारावर आकारले जाते. आयटी कायद्यानुसार, कराच्या रकमेवर 1% पर्यंत व्याज आकारले जाऊ शकते अशी माहिती जाणकारांनी दिली आहे.
आयटीआर दाखल न केल्यास काय होईल?
जर आयकरदात्याने वेळेत आयटीआर दाखल केला नाही तर आयकर विभागाला करदात्यावर नोंद न केलेल्या उत्पन्नाच्या 50% इतका दंड आकारण्याचा अधिकार आहे. जर विभागाला वाटत असेल की ITR हेतुपुरस्सर दाखल केला गेला नाही, तर डिफॉल्टरला 6 महिने ते 7 वर्षांपर्यंत तुरुंगवास होऊ शकतो. जर करचुकवेगिरीची रक्कम 25 लाख रुपयांपेक्षा कमी असेल तर 3 महिने ते 2 वर्षांच्या आत तुरुंगवास होईल.
पॅन-आधार लिंक
आयटीआर भरण्यासाठी पॅन आणि आधार कार्ड लिंक करणे आवश्यक आहे. जर तुम्ही पॅन-आधार लिंक केलं नसेल तर तुम्ही ITR दाखल करू शकणार नाही. आधारशी पॅन लिंक करण्याची शेवटची तारीखही निघून गेली आहे, त्यामुळे तुम्ही आता हे काम केल्यास तुम्हाला यासाठी 1000 रुपये दंडही भरावा लागेल. तुम्ही आयकर वेबसाइटवर आयकर रिटर्न भरण्यासोबतच पॅनला आधारशी लिंक करण्याचे कामही पूर्ण करू शकता.
महत्त्वाच्या बातम्या
