LIC IPO : एलआयसी विमाधारकांनो, LIC IPO अर्ज करण्याआधी 'या' कामासाठी आजचा शेवटचा दिवस

LIC IPO PAN Card Link : एलआयसी विमाधारकांना एलआयसीच्या आयपीओसाठी राखीव प्रवर्ग असणार आहे. मात्र, त्याआधी तुमचा पॅन कार्ड क्रमांक आणि एलआयसी पॉलिसीशी लिंक असणे आवश्यक आहे. या कामासाठी आजचा शेवटचा दिवस आहे.

LIC IPO : एलआयसी विमाधारकांनो, LIC IPO अर्ज करण्याआधी 'या' कामासाठी आजचा शेवटचा दिवस

LIC IPO PAN Card Link : LIC ने IPO लाँच करण्यासाठी SEBI कडे ड्राफ्ट पेपर (DRHP) दाखल केला आहे. तुम्हाला देशातील सर्वात मोठी विमा कंपनी LIC च्या IPO मध्ये गुंतवणूक करायची असेल तर तुमच्यासाठी ही महत्वाची बातमी आहे. एलआयसी विमाधारकांसाठी आरक्षित प्रवर्ग असणार आहे. याचा फायदा घेण्यासाठी काही गोष्टी तातडीने करण्याची आवश्यकता आहे. त्यातील एका अतिशय महत्त्वाच्या कामासाठी आजचा शेवटचा दिवस आहे. 

>> पॅन कार्ड क्रमांक अपडेट करण्यासाठी आज शेवटचा दिवस

LIC ने SEBI कडे दाखल केलेल्या मसुद्यात असे म्हटले आहे की, जो पॉलिसीधारक 28 फेब्रुवारी 2022 पर्यंत पॅन नंबर पॉलिसीशी लिंक करणार नाही, तो राखीव श्रेणीतील IPO साठी अर्ज करण्यास पात्र असणार नाही. LIC च्या DRPH नुसार, विमा पॉलिसीधारकाने हे सुनिश्चित केले पाहिजे की त्याचा/तिचा पॅन तपशील आमच्या कॉर्पोरेशनच्या पॉलिसी रेकॉर्डमध्ये लवकरात लवकर अपडेट केला जाईल. ज्या पॉलिसीधारकाने आपले पॅन तपशील आमच्या कॉर्पोरेशनमध्ये अपडेट केले नाहीत त्यांना पात्र पॉलिसीधारक म्हणून ग्राह्य धरले जाणार नाही. 

>> असं जोडा पॅन नंबर तुमच्या पॉलिसी आणि डिमॅट खात्याशी,

1. एलआयसीच्या अधिकृत वेबसाईटवर म्हणजेच licindia.in वर भेट द्या.
2. वेबसाईटच्या होमपेजवरच online pan refistration हा पर्याय दिसेल, त्यावर क्लिक करा.
3. पुढे जाण्यापूर्वी तुमचे पॅन कार्ड, तुमच्या सर्व एलआयसी पॉलिसीचे नंबर, तुमच्या जवळ ठेवा.
4. Proceed या बटनावर क्लिक करुन पुढे जा.
5. link pan with your policy या पेजवर तुमच्या पॅनकार्डची माहिती भरा.
6. मोबाईलवर एक ओटीपी येईल, तो वेबसाईटवर टाका.
7. आपले पॅनकार्ड पॉलिसीला लिंक झाले की नाही हे तुम्ही पुन्हा याच लिंकवर जाऊन तपासू शकता.

ही प्रक्रिया पार पडल्यानंतर जेव्हा एलआयसीचा आयपीओ येईल तेव्हा तुम्ही तुमच्या डिमॅट खात्यावरुन त्याला अर्ज करु शकता आणि तुमचा अर्ज स्वीकारला गेला तर तुम्हाला एलआयसी आयपीओ मिळू शकतो.

इतर महत्त्वाच्या बातम्या:

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha