Gold Rate : सोने 5 दिवसांमध्ये 4919 रुपयांनी स्वस्त, चांदीच्या दरात उच्चांकाच्या तुलनेत 2 लाखांची घसरण, जाणून घ्या 24 कॅरेट सोन्याचा दर
Gold Rate : सोने आणि चांदीच्या दरात 8 ते 12 जून दरम्यान घसरण पाहायला मिळाली. चांदीचे दर जानेवारीतील उच्चांकावरुन 2.10 लाख रुपयांनी स्वस्त झाले आहेत.
नवी दिल्ली : भारतात 8 जून ते 12 जून या पाच दिवसांच्या कालावधीत मोठी तेजी आणि घसरण पाहायला मिळाली. या पाच दिवसांमध्ये सुरुवातीच्या काही दिवसात सोने आणि चांदीचे दर घसरले तर अखेरच्या टप्प्यात दरांमध्ये वाढ पाहायला मिळाली. मल्टी कमोडिटी एक्सचेंजवर पाच दिवसांमध्ये सोने आणि चांदी स्वस्त झाल्याचं पाहायला मिळालं. प्रामुख्यानं जानेवारी महिन्यात चांदीच्या दरानं उच्चांक गाठला होता, त्या तुलनेत सध्या चांदी 2.10 लाख रुपयांनी स्वस्त झाली आहे. तर, या पाच दिवसांच्या कालावधीत सोनं 4919 रुपयांनी स्वस्त झालं आहे.
MCX वर सोने चांदी दरात घसरण
सोन्याच्या दरात 8 जून ते 12 जून या कालावधीत सोन्याच्या दरात घसरण पाहायला मिळाली. 5 ऑगस्टच्या एक्सपायरीच्या वायद्याचा दर 1 लाख 55 हजार 594 रुपयांनी घसरुन 1 लाख 50 हजार 675 रुपयांपर्यंत आला. म्हणजेच सोन्याचा दर पाच दिवसात 4919 रुपयांनी घसरला. जानेवारी महिन्यात मल्टी कमोडिटी एक्सचेंजवर सोन्याच्या दरानं 2 लाख 4 हजार 375 रुपयांपर्यंत धडक दिली होती. त्या तुलनेत सोन्याचा दर 53700 रुपयांनी कमी झाला आहे. तर, गेल्या दहा दिवसांमध्ये सोन्याच्या दरांमध्ये 10 हजार रुपयांची घसरण झाली आहे. 29 मे रोजी एमसीएक्सवर सोन्याचा दर 1 लाख 60 हजार रुपयांवर होता. तो 12 जूनला 1 लाख 50 हजार 675 रुपयांवर आला आहे.
मल्टी कमोडिटी एक्सचेंजवर 3 जुलैच्या वायद्याच्या चांदीच्या दरात अखेरच्या दोन दिवसांमध्ये तेजी पाहायला मिळाली. 5 जूनला मल्टी कमोडिटी एक्सचेंजवर चांदीचा एक किलोचा दर 248537 रुपये होता. तर, शुक्रवारी म्हणजेच 12 जूनला चांदीचा दर 2 लाख 46 हजार 604 रुपयांवर होता. म्हणजेच चांदी 1933 रुपयांनी स्वस्त झाली.
जानेवारी महिन्यात चांदीच्या दरानं मल्टी कमोडिटी एक्सचेंजवर 4 लाखांचा टप्पा पार केला होता. चांदीचे दर 4 लाख 57 हजार 328 रुपयांवर पोहोचला होता. त्यांनतर चांदीच्या दरात सातत्यानं घसरण सुरु आहे. तेव्हापासून चांदीचा दर 2 लाख 10 हजार 724 रुपयांनी कमी झाला आहे.
दरम्यान, इंडिया बुलियन ज्वेलर्स असोसिएशनच्या वेबसाईटनुसार 5 जूनला 24 कॅरेट सोन्याचा एका तोळ्याचा दर 154238 रुपयांवर होता. तो 12 जूनला 1 लाख 47 हजार 800 रुपयांवर पोहोचला आहे. म्हणजेच देशांतर्गत बाजारात सोन्याच्या दरात 6438 रुपयांची घसरण झाली. तर, 5 जूनला चांदीचा दर 2 लाख 56 हजार 908 रुपयांवरुन 14513 रुपयांनी कमी होऊन 242295 रुपयांवर आले. सोने आणि चांदीच्या दरातील घसरणीला अमेरिका आणि इराण यांच्यातील युद्ध, अमेरिकन फेड रिझर्व्हकडून व्याज दर उच्च राहण्याचे संकेत असल्यानं गुंतवणूकदार अधिक परताव्यासाठी सोन्यापासून दूर जाणं ही देखील कारणं आहेत.
Before You Go
Shiv Sena SC Hearing Special Report : निवडणूक आयोगावर गंभीर आरोप..शिवसेनेच्या सुनावणीत काय घडलं?
महत्त्वाच्या बातम्या
