Gold Silver Price Today : चार दिवसांच्या ब्रेक नंतर सोन्याची किंमत वधारली, चांदीची मात्र घसरण सुरुच
आंतरराष्ट्रीय स्तरावर सोन्यामधील झालेली कमी गुंतवणूक आणि डॉलरचे बळकटीकरण यामुळे सोन्याच्या मागणीत घट झाल्याचं दिसून आहे. त्यामुळे सध्यातरी सोन्याची किंमत सामान्यांच्या आवाक्यामध्येच आहे.
मुंबई : सलग चार दिवस घसरणाऱ्या सोन्याच्या किंमतीला ब्रेक लागला असून सोन्याच्या किंमतीत आज 260 रुपयांची वाढ झाली आहे. मुंबई आणि पुण्यात आज 24 कॅरेट एक तोळा सोन्याचा भाव हा 48,300 रुपये इतका आहे तर 22 कॅरेट सोन्याचा भाव हा 47,300 रुपये इतका आहे. चांदीच्या भावात सलग दुसऱ्या दिवशी घसरण सुरु असून आज त्यामध्ये 300 रुपयांची घसरण झाली आहे. त्यामुळे आज एक किलो चांदीसाठी 67,500 रुपये मोजावे लागतील.
सोन्याच्या किंमतीचा विचार करता 16 जुलैला 130 रुपये, 17 जुलैला 150 रुपये, 18 जुलैला 10 रुपये तर मंगळवारी 150 रुपयांची घसरण झाली. सलग चार दिवस सुरु असलेल्या या किरकोळ घसरणीनंतर सोन्याच्या दरात आज 260 रुपयांची वाढ झाली आहे. गेल्या दोन महिन्यांमध्ये सोन्याच्या भावात घसरण झाल्याचं पहायला मिळालं होतं. पण येत्या काळात सोन्याची किंमत वाढण्याची शक्यता आहे असा अंदाज व्यक्त केला जातोय. त्यामुळे सध्या सोन्याच्या किंमती आवाक्यातील असून त्यामध्ये गुंतवणूक करण्याचा हाच योग्य काळ असल्याचं मत काही तज्ज्ञांनी व्यक्त केलंय.
कोरोनाच्या प्रादुर्भावाचा सोन्याच्या दरावर चांगलाच परिणाम झाल्याचं दिसून आलंय. आंतरराष्ट्रीय स्तरावर सोन्यामध्ये गुंतवणूक कमी झाल्याने तसेच डॉलरचे बळकटीकरण झाल्याने सोन्याच्या किंमती तुलनेने कमीच राहिल्या आहेत. गेल्या वर्षी ऑगस्ट 2020 मध्ये सोन्याच्या भावाने प्रती 10 ग्रॅमसाठी 56 हजार रुपयांचा विक्रमी आकडा गाठला होता. त्यामध्ये आता जवळपास नऊ हजार रुपयांची घसरण झाल्याची पहायला मिळतंय.
गेल्या महिन्यात, 1 जून रोजी चांदीची किंमत ही 72,600 रुपये इतकी होती. त्यानंतर किंमतीत घट होऊन ती 70 हजारांच्या आत आली. 7 जुलै रोजी चांदीच्या किमतीने पुन्हा एकदा 70 हजार रुपयांचा टप्पा ओलांडला. गेल्या आठवड्याचा विचार करता चांदीच्या किंमतीत सातत्याने चढ-उतार होत असल्याचं दिसून आलं आहे. 14 जुलैला चांदीच्या किमतीत 200 रुपयांची घसरण, 15 जुलैला 300 रुपयांची वाढ, 16 जुलैला 200 रुपयांची वाढ झाली होती. 17 तारखेला 1300 रुपयांची घसरण झाली. मंगळवारी पुन्हा एकदा चांदीच्या किंमतीत 600 रुपयांची घसरण झाली तर आज पुन्हा एकदा 300 रुपयांची घसरण झाली.
महत्वाच्या बातम्या :
- Bird Flu Death : दिल्लीतील AIIMSमध्ये बर्ड फ्लुमुळे देशातील पहिला मृत्यू, संपर्कात आलेले नर्स, डॉक्टर्स आयसोलेशनमध्ये
- Eid al-Adha 2021 : आज देशात साजरी केली जातेय बकरी ईद, जाणून घ्या या दिवसाचे महत्व
- Pegasus Spyware : फोन टॅप केले नाहीत तर स्पष्टपणे सांगा, सरकार ज्याप्रकारे विषय फिरवतंय, यावरून स्पष्ट होतंय, 'दाल में कुछ काला है' : नवाब मलिक
Before You Go
Shiv Sena SC Hearing Special Report : निवडणूक आयोगावर गंभीर आरोप..शिवसेनेच्या सुनावणीत काय घडलं?
महत्त्वाच्या बातम्या
