चीनच्या DeepSeek मुळे शेअर मार्केटमध्ये हाहा:कार, एका कंपनीचे 600 अब्ज डॉलर बुडले; भारतातही कोट्यवधी पाण्यात!

DeepSeek Share Market Crash : डीपसीक या कंपनीने आणलेल्या चॅट बॉटमुळे अनेक कंपन्यांचे शेअर्स गडगडले आहेत. एका कंपनीचे मूल्य तर तर कोट्यवधी डॉलर्सने कमी झाले आहे.

deepseek share market crash (फोटो सौजन्य- एबीपी नेटवर्क)

Source : abp

Share Market Crash Due To Deepseek : चीनच्या डीपसीक या कंपनीने ओपन एआय चॅटबॉट आणले आहे. या चॅटबॉटमुळे अमेरिकेसह जगभरात खळबळ माजली आहे. डीपसीकने हा चॅटबॉट अगदी कमी खर्चात तयार केल्यान एआय क्षेत्रात काम करणाऱ्या अनेक कंपन्यांनी तोंडात बोटे घातली आहेत. विशेष म्हणजे या चॅटबॉटमुळे अमेरिकन शेअर मार्केटमध्येही हाहा:कार उडाला आहे. अनके टेक कंपन्यांचे शेअर्स गडगडले आहेत. 

कमी पैशांत उभं केलं चॅट बॉट

 ओपन एआय यासारख्या कंपन्या चॅट जीपीटीसारखे चॅट बॉट तयार करण्यासाठी अब्जो डॉलर्सचा खर्च करत आहे. मात्र तुलनेने डीपसीकने विकसित केलेले हे चॅटबॉट फारच कमी पैशांत उभे केलेले आहे. त्यामुळेच टेक कंपन्यांचे शेअर्स गडगडले आहेत. भारतातही त्याचा परिणाम झाला आहे. अमेरिकन टेक कंपनी NVIDIA चे शेअर्स तर साधारण 20 टक्क्यांनी घसरले असून या कंपनीला तब्बल 600 अब्ज डॉलर्सचे नुकसान झाले आहे. 

तब्बल 50 टक्क्यांनी शेअर्स खाली आले

डीपसीकच्या DeepSeek R1 या चॅटबॉटमुळे भारतीय शेअर बाजारात सूचिबद्ध झालेल्या काही टेक कंपन्यांचे शेअर्स गेल्या दोन ते तीन सत्रांत साधारण 50 टक्क्यांपर्यंत घसरले आहेत. म्हणजेच काही कंपन्यांच्या शेअर्सचे मूल्य हे साधारण 50 टक्यांपर्यंत खाली आले आहे. शेअर्समध्ये घसरण झालेल्या कंपन्यांत अनंत राज, नेटवेब टेक्‍नॉलॉजीज इंडिया (NetWeb share) तसेच झेन टेक्‍नॉलॉजीज (Zen Technologies Stock) यांच्यासह इतरही काही कंपन्यांचा समावेश आहे.

DeepSeek मुळे बाजारात नेमकं काय घडलं?

DeepSeek  या चीनच्या एआय स्टार्टअपमुळे NVIDIA या कंपनीच्या शेअरमध्य मोठी घसरण झाली आहे. ही कंपनी एआय क्षेत्रात काम करणाऱ्या कंपन्यांना चीप पुरवते. मात्र अत्यंत कमी खर्चात DeepSeek ने चॅटबॉट तयार केल्यामुळे एआय जगात एवढा मोठा खर्च करणे गरजेचे आहे का? असा विचार सगळीकडे चालू झाला आहे. सोबतच डीपसीक हे चॅटबॉट चॅट जीपीटीला पर्याय आहे, असा दावा डीपसी कंपनीकडून केला जात आहे. त्यामुळेच गुंतवणूकार धास्तावले आहेत. परिणामी NVIDIA कंपनीचे शेअर्स गडगडले आहेत. त्याचाच परिणाम म्हणून भारतातीलही काही टेक कंपन्यांच्या शेअर्सचे मूल्य कमी झाले आहे.    

कोणत्या कंपनीच्या शेअरमध्ये किती घसरण? 

भारतात अनंत राज लिमिटेड या कंपनीचे शेअर्स 20 टक्क्यांनी घसरले आहेत. या कंपनीला लोअर सर्किट लागले असून सध्याचे एका शेअरचे मूल्य 534.45  रुपये आहे. सोमवारी या कंपनीचे शेअर 17 टक्क्यांनी घसरून 668.05  रुपयांपर्यंत खाली आले होते. नेटवेब टेक्नॉलॉजीज इंडिया लिमिटेड या कंपनीच्या शेअरचे मूल्यदेखील 10 टक्क्यांनी कमी होऊन 1,460.35  रुपयांवर बंद झाले. सोमवारीदेखील या कंपनीचा शेअर 11 टक्क्यांनी घसरून 1,622.60  रुपयांपर्यंत खाली आला होता. Zen Technologies या कंपनीचा शेअरही मंगळवारी 14 टक्क्यांनी कमी होऊन  1,495.10  रुपयांपर्यंत घसरला. सोमवारी हाच शेअर  1,743.35 रुपयांवर होता.  

हेही वाचा :