Sensex मधील टॉप सात कंपन्यांना झाला 1.29 लाख कोटींचा फायदा, सर्वाधिक फायदा 'या' स्टॉकला

BSE Sensex : मुंबई शेअर बाजार सेन्सेक्समधील टॉप सात कंपन्यांच्या बाजार भांडवलात मोठी वाढ झाली.

Sensex मधील टॉप सात कंपन्यांना झाला 1.29 लाख कोटींचा फायदा

Sensex share market :  एका आठवड्याच्या अस्थिरतेनंतर, गेल्या आठवड्यात सेन्सेक्स (BSE SENSEX) च्या टॉप-10 कंपन्यांपैकी सात कंपन्यांचे मार्केट कॅप 1,29,047.61 कोटी रुपयांनी वाढले. यामध्ये सर्वात मोठा फायदा 'टीसीएस'ला (TCS Market cap) सर्वाधिक फायदा झाला आहे. गेल्या आठवड्यात बीएसईचा 30 शेअर्सचा सेन्सेक्स 589.31 अंकांनी म्हणजे 1.03 टक्क्यांनी वाढला आहे. 

कोणत्या कंपन्यांना फायदा झाला?

टीसीएस, एचडीएफसी बँक, इन्फोसिस, हिंदुस्थान युनिलिव्हर (HUL), एचडीएफसी, बजाज फायनान्स आणि स्टेट बँक ऑफ इंडिया (SBI) यांच्या बाजार भांडवलात (Market Cap) वाढ झाली. त्याच वेळी, या काळात रिलायन्स इंडस्ट्रीज (RIL), ICICI बँक आणि भारती एअरटेलच्या मार्केट कॅपमध्ये घसरण झाली.

कोणत्या कंपनीला किती फायदा?

मागील आठवड्यात TCS चे बाजार भांडवल 71,761.59 कोटी रुपयांनी वाढून 13,46,325.23 कोटी रुपये झाले. इन्फोसिसचे बाजार भांडवल रु. 18,693.62 कोटींच्या वाढीसह रु. 7,29,618.96 कोटी झाले. बजाज फायनान्सची बाजार स्थिती 16,082.77 कोटी रुपयांनी वाढून 4,26,753.27 कोटी रुपये झाली. HDFC बँकेची पत 12,744.21 कोटी रुपयांनी वाढून 8,38,402.80 कोटी इतकी झाली. HDFC चे मार्केट कॅप 5,393.86 कोटी रुपयांनी वाढून 5,01,562.84 कोटी रुपयांवर पोहोचले. स्टेट बँक ऑफ इंडियाची मार्केट कॅप 2,409.65 कोटी रुपयांनी वाढून 4,22,312.62 कोटी रुपयांवर पोहोचली.

या कंपन्यांचे मार्केट कॅप घसरले

भारती एअरटेलचे बाजार मूल्य 10,489.77 कोटी रुपयांनी कमी होऊन 3,94,519.78 कोटी रुपये झाले. ICICI बँकेची बाजार स्थिती 3,686.55 कोटी रुपयांनी घसरून 4,97,353.36 कोटी रुपये झाले. रिलायन्स इंडस्ट्रीजचे बाजार भांडवल 2,537.34 कोटी रुपयांनी घसरून 15,27,572.17 कोटी रुपये झाली.

इतर महत्त्वाच्या बातम्या:

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha