Weekly Horoscope 22 To 28 April 2024 : तूळ, वृश्चिक, धनु, मकर, कुंभ आणि मीन राशीसाठी नवीन आठवडा कसा राहील? साप्ताहिक राशीभविष्य जाणून घ्या

Weekly Horoscope 22-28 April 2024 : साप्ताहिक राशीभविष्याच्या दृष्टीने तूळ ते मीन राशीसाठी नवीन आठवडा खास असणार आहे. नवीन आठवडा काही राशींसाठी चांगला ठरेल, तर काही राशींना या काळात नुकसान सहन करावं लागेल. तूळ ते मीन राशीसाठी नवीन आठवडा कसा राहील? साप्ताहिक राशीभविष्य जाणून घ्या.

Weekly Horoscope 22 To 28 April 2024

Weekly Horoscope 22-28 April 2024 : एप्रिल महिन्याचा शेवटचा आठवडा काही राशींसाठी खास असणार आहे, तर काही राशींसाठी खडतर असणार आहे. वृश्चिक आणि मकरसह इतर राशीच्या लोकांना या काळात पैसा, करिअरबाबत विशेष लाभ मिळेल. एप्रिलचा शेवटचा आठवडा (22 April To 28 April Weekly Horoscope) तुमच्यासाठी कसा असेल? तुमचा व्यवसाय, करिअर, आरोग्य आणि लव्ह लाईफ या काळात कशी असेल? तूळ, वृश्चिक, धनु, मकर, कुंभ आणि मीन या 6 राशींचे साप्ताहिक राशीभविष्य (Weekly Horoscope) जाणून घ्या.

तूळ रास (Libra)

तूळ राशीच्या लोकांना येत्या आठवड्यात आयुष्यात पुढे जाण्याची संधी मिळेल. तुम्हाला अपेक्षित यश मिळवायचं असेल तर तुमची ऊर्जा वाया जाऊ देऊ नका. आरोग्याबाबत कोणत्याही प्रकारे निष्काळजी राहू नका. तुमचा जोडीदार तुमच्या पाठीशी सावलीसारखा उभा राहील. कोणताही निर्णय घेताना भावनेच्या भरात घेऊ नका.

वृश्चिक रास (Scorpio)

वृश्चिक राशीच्या लोकांसाठी येणारा आठवडा शुभ राहील. तुमची नियोजित कामं पूर्ण होतील. जीवनात येणाऱ्या समस्या तुम्ही बुद्धीच्या जोरावर सोडवाल. तुम्ही नवीन नोकरीसाठी खूप प्रयत्न करत असाल तर तुम्हाला अपेक्षित संधी मिळेल. एखाद्या मोठ्या प्रभावशाली व्यक्तीच्या मदतीने एखाद्या मोठ्या प्रकल्पावर काम करण्याची तुमची इच्छा पूर्ण होईल. एकंदरीत हा आठवडा तुमच्यासाठी भाग्याचा ठरणार आहे.

धनु रास (Sagittarius)

धनु राशीच्या लोकांसाठी येणारा आठवडा सावधानता बाळगण्याचा राहील. या आठवड्यात तुम्हाला तुमचा आळस सोडावा लागेल. कशाचाही जास्त गर्व बाळगू नका. आजचं काम उद्यावर ढकलण्याची सवय सोडा. कोणत्याही गोष्टीत यश मिळवण्यासाठी तुम्हाला तुमच्या मित्रपरिवाराचा पाठिंबा नक्कीच मिळेल. तुमच्या प्रेमसंबंधातील गैरसमज दूर करण्यासाठी तुम्ही नवीन पुढाकार घेऊ शकता.

मकर रास (Capricorn)

मकर राशीच्या लोकांसाठी नवीन आठवडा थोडा व्यस्त असणार आहे. कौटुंबिक जबाबदाऱ्यांचा भार तुमच्यावर राहील. तुम्ही कमिशनवर काम करत असाल तर हा आठवडा तुमच्यासाठी भाग्याचा असेल. घरात नवीन पाहुण्याचं आगमन झाल्यामुळे या आठवड्यात आनंदाचं वातावरण राहील. व्यवसायाशी संबंधित कोणतेही मोठे निर्णय घेणं टाळा. एखादा मोठा निर्णय घ्यायचा असेल तर तो भावनेच्या भरात घेऊ नका, विचारपूर्वक घ्या.

कुंभ रास (Aquarius)

येणारा आठवडा कुंभ राशीच्या लोकांसाठी शुभ राहील. तुमची स्वप्नं पूर्ण करण्यासाठी प्रत्येक लहान-मोठा व्यक्ती तुमच्या मदतीसाठी पुढाकार घेताना दिसेल. तुम्ही बऱ्याच दिवसांपासून नोकरीच्या शोधात असाल तर आता तुमचा शोध संपणार आहे. तुम्ही व्यवसाय करत असाल तर हा आठवडा तुमच्यासाठी चांगला राहील. आठवड्याच्या मध्यात तुम्ही घरासाठी पैसे खर्च करू शकता. वैवाहिक जीवनात आनंद राहील.

मीन रास (Pisces)

मीन राशीच्या लोकांसाठी येणारा आठवडा भाग्याचा असेल. या आठवड्यात नशीब तुम्हाला साथ देईल. व्यवसायात तुम्हाला यश मिळेल. तुम्ही घेतलेला योग्य निर्णय तुमच्या यशाचं कारण बनेल. लोक तुमच्या कामाची प्रशंसा करतील. कोर्टातील खटल्याचा निर्णय तुमच्या बाजूने येऊ शकतो. अविवाहित असाल तर लग्न ठरल्यामुळे घरात आनंदाचं वातावरण असेल. या आठवड्यात तुम्ही तुमच्या जोडीदारासोबत कुठेतरी फिरायला जाऊ शकता.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा: