Shani Dev Upay : शनिची सदैव कृपा राहावी यासाठी 'हे' सोपे उपाय करा; शनिदेव त्रास देत नाहीत

Shani Dev Upay : हिंदू धर्मग्रंथानुसार शनिवार हा शनिदेवाला समर्पित आहे. या दिवशी शनिदेवाची पूजा केल्याने शनिदेव खूप प्रसन्न होतात.

Shani Dev Upay

Shani Dev Upay : ज्योतिषशास्त्रात शनिदेवाला (Shani Dev) न्यायाची देवता मानले जाते. शनिच्या क्रोधाला देवही घाबरतात असे म्हणतात. शनि लोकांना त्यांच्या कर्मानुसार चांगले किंवा वाईट फळ देतात. म्हणून त्याला कर्माचा दाता म्हणतात. शनिची वाईट दृष्टी आणि क्रोध टाळण्यासाठी हिंदू धर्मग्रंथांमध्ये अनेक उपाय सांगितले आहेत. हिंदू धर्मग्रंथानुसार शनिवार हा शनिदेवाला समर्पित आहे. या दिवशी शनिदेवाची पूजा केल्याने शनिदेव खूप प्रसन्न होतात. पूजेच्या वेळी मोहरीचे तेल आणि काळे तीळ शनिदेवाला अर्पण केले जातात. यामुळे शनिदेव लवकर प्रसन्न होतात. शनिदेवाची प्रतिगामी दृष्टी टाळण्यासाठी आणि त्यांना प्रसन्न करण्यासाठी खाली दिलेले हे उपाय अवश्य करावेत. यामुळे शनिदेवाची कृपा प्राप्त होऊन भक्तांचे जीवन सुखी होते.

कुंडलीत शनी बलवान असेल तर व्यक्ती जीवनात खूप प्रगती करते, तर शनि कमजोर असल्यास व्यवसायात समस्या, नोकरीत नुकसान, पदोन्नतीमध्ये अडथळा, कर्ज अशा समस्यांना सामोरे जावे लागते. 

शनिदेवाशी संबंधित काही उपाय केल्याने व्यक्तीला शुभ फल प्राप्त होते. चला जाणून घेऊया शनिवारी कोणते उपाय केल्याने शनिदोष कमी होतो आणि शनिदेवाची कृपा प्राप्त होते.

शनिवारी करा 'हे' उपाय

• ज्या लोकांचा शनि कमजोर आहे त्यांनी शनिवारी संपूर्ण उडीद, लोखंड, तेल, तीळ, पुष्कराज रत्न आणि काळे वस्त्र दान करावे. 
• शनिवारी नीलम रत्न धारण केल्याने शनि बलवान होतो. हे रत्न शनीच्या नकारात्मक प्रभावापासून संरक्षण करते. शनीला शांत करण्यासाठी या दिवशी 7 मुखी रुद्राक्ष धारण करणे देखील फायदेशीर आहे.
• शनिवारी सकाळी स्नान करून शनि मंदिरात जावे. या दिवशी तेल दान करणे खूप शुभ मानले जाते. यासाठी एका भांड्यात तेल घ्या आणि त्यात तुमचा चेहरा पहा. यानंतर ते एखाद्या गरजू व्यक्तीला दान करा. यामुळे शनिदोषापासून आराम मिळतो.
• शनिवारी हनुमानजींना शेंदूर आणि चमेलीचं फूल अर्पण करा. या दिवशी हनुमान चालिसाचे पठण करणे देखील फायदेशीर आहे. असे मानले जाते की हनुमानाची पूजा करणाऱ्यांना शनिदेव त्रास देत नाहीत. 
• शनिवारी सूर्यास्तानंतर पिंपळाच्या झाडाजवळ दिवा लावा. यामुळे शनिदेवाची कृपा होते आणि पैशांशी संबंधित सर्व समस्या दूर होतात. 
• ज्या लोकांचा शनि कमजोर आहे त्यांनी मद्य आणि मांसाचे सेवन करू नये. याशिवाय रबर आणि लोखंडाशी संबंधित वस्तू शनिवारी खरेदी करू नयेत. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा: