Gudi Padwa 2026: यंदा गुढीपाडवा सणावर अमावस्येचं सावट? 19 कि 20 तारखेला सण साजरा करावा? गुढी कधी उभारायची? ज्योतिषी सांगतात...

Gudi Padwa 2026: हिंदू पंचांगानुसार, गुढीपाडव्याबाबत काही तांत्रिक गोष्टी समजून घेणे महत्त्वाचे आहे. विशेषतः अमावस्येचे सावट आहे की नाही, याबाबत डॉ भूषण ज्योतिर्विद यांनी महत्त्वाची माहिती दिली आहे. 

Gudi Padwa 2026 hindu religion amavasya affect on Gudi Padwa festival

Source : ABPLIVE AI

Gudi Padwa 2026: गुढीपाडवा... मराठी नववर्षाची सुरूवात...ज्या दिवसाची आतुरतेने वाट पाहत आहेत, तो दिवस लवकरच येत आहे, धार्मिक मान्यतेनुसार, गुढीपाडवा हा एक भारतीय सण आहे, जो विविध राज्यात विविध नावांनी साजरा केला जातो. हिंदू दिनदर्शिकेप्रमाणे चैत्र शुद्ध प्रतिपदेला हा सण महाराष्ट्रात साजरा केला जातो. शालिवाहन संवत्सराचा हा पहिला दिवस आहे. गुढीपाडव्याचा दिवस हा साडेतीन मुहूर्तांपैकी हा एक मुहूर्त मानला जातो. या दिवशी दारी उभारलेली गुढी हे विजय आणि समृद्धीचे प्रतीक आहे असे मानले जाते. या दिवशी शुभकार्याला सुरूवात, सोने-चांदी, वाहन, घर खरेदी इत्यादी गोष्टी केल्या जातात. पण तुम्हाला माहिती आहे, यंदा गुढीपाडवाच्या सणावर अमावस्येचं सावट असणार का? गुढी कधी उभारायची? याबाबत अनेकांच्या मनाता प्रश्न निर्माण झाले आहेत. याबाबत डॉ भूषण ज्योतिर्विद यांनी महत्त्वाची माहिती दिली आहे. जाणून घ्या...

गुढीपाडव्याला अमवास्येचं सावट?? (Gudi Padwa 2026)

हिंदू पंचांगानुसार, गुढीपाडव्याबाबत काही तांत्रिक गोष्टी समजून घेणे महत्त्वाचे आहे.

विशेषतः अमावस्येचे सावट आहे की नाही, हे स्पष्ट होईल 

गुढीपाडवा हा चैत्र शुद्ध प्रतिपदेला साजरा केला जातो. नियमानुसार, ज्या दिवशी सूर्योदयाला प्रतिपदा तिथी असते, त्याच दिवशी पाडवा साजरा होतो.

अमावस्या ही फाल्गुन महिन्याचा शेवटचा दिवस आहे.

प्रतिपदा ही चैत्र महिन्याचा पहिला दिवस आहे.

'सावट' नेमके काय असते?

डॉ भूषण ज्योतिर्विद सांगतात, कधीकधी प्रतिपदा तिथी ही दुपारी किंवा उशिरा सुरू होते आणि त्यापूर्वी काही काळ अमावस्या असते. अशा वेळी....

ब्रह्मध्वज (गुढी) उभारण्याची वेळ: शास्त्रानुसार, गुढी ही सूर्योदयानंतर लगेच किंवा शुभ मुहूर्तावर उभारली जाते. जर सूर्योदयावेळी प्रतिपदा असेल, तर अमावस्येचा कोणताही दोष मानला जात नाही.

खंडित तिथी: जर सूर्योदयाला अमावस्या असेल आणि काही तासांनी प्रतिपदा लागत असेल, तर पंचांगकर्ते ज्या दिवशी सूर्योदयाला प्रतिपदा आहे, तोच दिवस पाडव्यासाठी निश्चित करतात.

2026 ची गुढीपाडवा सणाची योग्य तिथी, अमावस्येचं सावट आहे की नाही?

2026 मध्ये गुढीपाडवा 19 मार्च रोजी आहे.
अमावस्या समाप्ती: 18 मार्च 2026 रोजी रात्री : पहाटे उशिरा अमावस्या संपते.
प्रतिपदा प्रारंभ: 19 मार्चला सूर्योदयापूर्वीच प्रतिपदा तिथी सुरू झालेली असेल.
2026 च्या गुढीपाडव्यावर अमावस्येचे सावट नाही. 
19 मार्चला सूर्योदयाला प्रतिपदा तिथी असल्याने तोच दिवस अत्यंत शुभ आणि गुढी उभारण्यासाठी योग्य आहे.

गुढीपाडव्याच्या दिवशी चैत्र नवरात्रीलाही सुरूवात!

गुढीपाडव्याच्या दिवशी लोक घरोघरी गुढी उभारतात. तसेच, ते मुख्य प्रवेशद्वारावर झेंडूच्या फुलांचे, आंब्याच्या पानांचे तोरण लावतात. याच दिवशी चैत्र नवरात्रीमध्ये देवी दुर्गा मातेच्या नऊ रूपांची पूजा केली जाते. तसेच त्यांच्यासाठी उपवास आणि व्रत केले जाते. ज्योतिषांच्या मते, चैत्र महिन्याच्या शुक्ल पक्षाच्या प्रतिपदा तिथीला दुर्गा देवीची पूजा केल्याने साधकाची प्रत्येक इच्छा पूर्ण होते. यासोबतच जीवनातील सर्व त्रासांपासून मुक्ती मिळते. भक्तांवर दुर्गा देवीच्या आशीर्वादाचा वर्षाव होतो. त्याच्या कृपेने साधकाचे सुख व सौभाग्य वाढते.

-डॉ भूषण ज्योतिर्विद

हेही वाचा>>

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)