Hindu Religion: पुनर्जन्म खरंच असतो? 'हे' 5 संकेत सांगतात, तुमचा पुनर्जन्म झाला आहे किंवा नाही? मागील जन्मात तुम्ही कोण होतात? जाणून घ्या

Hindu Religion: पुनर्जन्म हे जगातील सर्वात मोठे रहस्य आहे, बरेच लोक त्यांच्या पुनर्जन्माबद्दल जाणून घेण्याचा प्रयत्न करतात. काही खास संकेत जाणून घ्या..

Hindu Religion astrology marathi news reincarnation really real These 5 signs that tell you whether you have been reincarnated or not

Source : google

Hindu Religion: जर तुम्हाला सांगितले की, तुम्ही तुमचा मागचा जन्म जाणून घेऊ शकता, तर कदाचित तुम्हाला हे जाणून आश्चर्याचा धक्का बसेल. पुनर्जन्म हे जगातील सर्वात मोठे रहस्य आहे, बरेच लोक त्यांच्या पुनर्जन्माबद्दल जाणून घेण्याचा प्रयत्न करतात. बऱ्याच लोकांना असे वाटते की, त्यांनी त्यांच्या मागील जन्मात केलेल्या कर्माचा त्यांच्या वर्तमान जीवनावर परिणाम होत आहे. परंतु कोणत्याही सामान्य व्यक्तीसाठी त्याच्या भूतकाळाबद्दल जाणून घेणे सोपे काम नाही, हिंदू धर्मग्रंथांमध्ये अशा काही पद्धती सांगण्यात आल्या आहेत. यावरून तुमचा पुनर्जन्म झाला आहे की नाही हे तुम्हाला समजण्यास मदत होऊ शकते. जाणून घ्या...

जोपर्यंत आत्म्याला मुक्ती मिळत नाही...

भगवान श्रीकृष्णाने गीतेत सांगितले आहे की, व्यक्तीचे कपडे घाण झाले की ते बदलले जातात. त्याचप्रमाणे, नियोजित वेळ संपल्यावर, आत्मा एक शरीर सोडून दुसऱ्या शरीरात प्रवेश करतो, शरीर मरते परंतु आत्मा अमर असून तो त्याच्या नवीन प्रवासाला पुढे जातो. जोपर्यंत आत्म्याला मुक्ती म्हणजेच मोक्ष मिळत नाही, तोपर्यंत हे एका जन्मापासून दुसऱ्या जन्मापर्यंत आणि एका शरीरातून दुसऱ्या शरीरात चालू असते.

पुनर्जन्म झाल्याचे पहिले लक्षण म्हणजे...

धार्मिक मान्यतेनुसार, तुम्हाला पडणारी स्वप्न खूप महत्त्वाची असतात, बहुतेक स्वप्न आताची परिस्थिती, इच्छा आणि कामना यांच्याशी संबंधित असतात. याद्वारे तुम्ही एखाद्याच्या मनाची स्थिती जाणून घेऊ शकता. एवढेच नाही तर त्यांच्यामध्ये पुनर्जन्माचे संकेत आढळून येतात. कधी कधी तुम्हाला काही लोक, काही ठिकाणे किंवा काही वस्तू तुमच्या स्वप्नात कशा दिसतात, ज्यांना तुम्ही कधीही भेटले नाही. ज्यांना तुम्ही कधीच पाहिले नाही. हे तुमच्या पुनर्जन्माचे लक्षण आहे, कारण या गोष्टी तुमच्या भूतकाळाशी संबंधित आहेत. म्हणूनच ते सुप्त मनातून तुमच्या स्वप्नात येतात. तुमच्या स्वप्नात तुम्ही स्वतःला अशाच प्रकारे मरताना पाहिले आहे का किंवा तेच स्वप्न पुन्हा पुन्हा पाहिले आहे का? या सर्व गोष्टी तुमच्या पुनर्जन्माशी संबंधित आहेत. स्वतःला पुन्हा पुन्हा त्याच प्रकारे मरताना पाहणे हे तुमच्या मागील जन्माच्या मृत्यूचे कारण असू शकते.

पुनर्जन्माचा दुसरा संकेत म्हणजे..

धार्मिक मान्यतेनुसार, जन्मापासूनच अनेकांच्या शरीरावर काही ना काही खुणा किंवा डाग असल्याचे तुम्ही अनेकदा पाहिले असेल. त्यांना कोणत्याही दुखापतीशिवाय या खुणा मिळतात. शरीरावरील या खुणा आपल्या भूतकाळाशी संबंधित असतात. गरुड पुराणानुसार, नरकात यातना भोगलेल्या आत्म्यांपैकी जेव्हा ते त्यांच्या सर्व पापकर्मांचे परिणाम भोगतात आणि पृथ्वीवर मानव रूपात जन्म घेतात. काहींच्या शरीरावर या खुणा राहतात. मान्यतेनुसार, कधीकधी एखाद्या व्यक्तीच्या शरीरावरील खुणा पाहून, त्याच्या मागील जन्मात तो कसा होता हे कळू शकते, कारण पुढच्या जन्मातही, काही लोकांच्या शरीरावर त्याच खुणा असतात, ज्या त्या व्यक्तीच्या शरीरावर मागील जन्मात होत्या. विज्ञानाने या विषयावर अनेक जगप्रसिद्ध संशोधन केले. स्टीव्हनसन या सुप्रसिद्ध मानसोपचार तज्ज्ञाने शेकडो लोकांवर संशोधन केले आणि त्यांच्या संशोधनातून हे शोधून काढले. त्यात, सुमारे 35 लोकांच्या शरीरावर त्यांच्या मागील जन्माशी संबंधित काही चिन्ह होते. त्यांच्यापैकी काहींना दुखापत किंवा आजारपणामुळे त्यांच्या मागील आयुष्यातील आठवणी देखील आठवल्या. अशाच एका प्रसंगात एका मुलाला आठवले की, त्याच्या मागील जन्मात डोक्यात गोळी लागल्याने त्याचा मृत्यू झाला होता.

पुनर्जन्माचा तिसरा संकेत म्हणजे..

तुम्हाला कधी असे वाटले आहे का? तुमच्यासोबत घडणारी घटना आधीच घडली आहे.  किंवा तुम्ही पहिल्यांदा भेट दिलेली जागा? आपण आधी येथे आलो आहोत असे वाटते? जेव्हा एखादी घटना घडल्यानंतर आपल्याला असे वाटते की ही घटना आपल्या आयुष्यात आधीच घडली आहे, जर तुम्ही कधी अशा गोष्टींचा अनुभव घेतला असेल तर ते किती आश्चर्यकारक आहे हे तुम्हाला कळेल. लोकांचा असा विश्वास आहे की, आपल्याला आपल्या मागील जीवनातील वास्तव या जीवनातील आठवणींच्या रूपात समोर येते आणि आपल्याला या जीवनातील आपल्या मागील जन्मातील घटनांची कल्पना येते.

चौथा संकेत म्हणजे तुमची विलक्षण प्रतिभा. (Talent)

आपल्या सर्वांमध्ये अशी काही गुणवत्ता असते जी आपल्याला इतरांपेक्षा वेगळे करते आणि काही लोक आपल्यातील प्रतिभा बाहेर आणण्यासाठी रात्रंदिवस मेहनत करतात. पण काही लोक लहानपणापासूनच खूप हुशार असतात आणि त्यांची प्रतिभा आपोआप बाहेर येते, कारण त्यांनी त्यांच्या मागील जन्मात ही प्रतिभा मिळवण्यासाठी खूप मेहनत केली आहे आणि या जन्मातही ते तसेच प्रतिभावान आहेत, त्यांचे ज्ञान अमर्यादित असते.. अशा घटना पुनर्जन्माचा ठोस पुरावा देतात.

पुनर्जन्माचा पाचवा संकेत म्हणजे भीती

तुम्ही अनेकदा ऐकले असेल की लोक उंची, पाणी आणि अग्नीसारख्या इतर अनेक गोष्टींना खूप घाबरतात, जरी त्यांच्या आयुष्यात असे काहीही भयंकर घडले नाही, ज्यामुळे त्यांना या गोष्टींची भीती वाटते. तरीही या गोष्टींच्या जवळ गेल्याने ते घाबरतात आणि कधी कधी बेशुद्धही होतात. त्यांना या गोष्टींची भीती वाटते, कारण त्यांच्या मागील जन्मी त्यांच्यासोबत काही अप्रिय घटना घडली असावी, ज्याची जाणीव त्यांना या जन्मातही त्रास देत असते.

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )