Astrology : आज रवि योगासह जुळून आले अनेक शुभ संयोग; सिंहसह 'या' 5 राशींना अचानक होणार धनलाभ, देवी लक्ष्मीही होईल प्रसन्न

Astrology Panchang Yog 3 August 2025 : वैदिक ज्योतिष शास्त्रानुसार, आज जुळून आलेल्या शुभ योगाचा लाभ 5 राशींना मिळणार आहे. या राशी कोणत्या ते जाणून घेऊयात.

Astrology Panchang Yog 3 August 2025

Source : ABP Web Team

Astrology Panchang Yog 3 August 2025 : वैदिक ज्योतिष शास्त्रानुसार, आज 3 ऑगस्ट 2025 चा दिवस आहे. आजचा वार रविवार आहे. तसेच, आजच्या दिवशी चंद्र ग्रह वृश्चिक राशीत असणार आहे. आज रविवार असल्या कारणाने सूर्य ग्रहाचं अधिपत्य असणार आहे. तसेच, आजच्या दिवशी रवि योगाचा शुभ संयोग जुळून आला आहे. त्याचबरोबर, ज्येष्ठ नक्षत्रसुद्धा असणार आहे. त्यामुळे आजचा दिवस फार महत्त्वाचा आहे. तसेच, आज सूर्यदेवाच्या कृपेने ज्या राशी भाग्यशाली असतील त्यांना चांगला लाभ मिळेल.

वैदिक ज्योतिष शास्त्रानुसार, आज जुळून आलेल्या शुभ योगाचा लाभ 5 राशींना मिळणार आहे. या राशी कोणत्या ते जाणून घेऊयात.

वृषभ रास (Taurus Horoscope)

वृषभ राशीसाठी आजचा दिवस भाग्यशाली असणार आहे. तुम्हाला सहकाऱ्यांचा चांगला सपोर्ट मिळेल. तसेच, विश्वासाची माणसं तुम्ही जोडाल. त्यांच्याकडून चांगल्या गोष्टी शिकाल. जर तुम्हाला एखाद्या नवीन कार्याची सुरुवात करायची असेल तर आजचा दिवस फार शुभ असणार आहे. तुमच्या भौतिक सुख-समृद्धीत चांगली वाढ झालेली दिसेल.

सिंह रास (Leo Horoscope)

सिंह राशीसाठी आजचा दिवस फार खास असणार आहे. आज तुमची अनेक दिवसांपासून रखडलेली काही घरगुती कामे तुम्हाला पूर्ण करता येतील. तसेच, रविवार सुट्टीचा दिवस असल्या कारणाने तुम्ही तुमच्या मुलांबरोबर छान वेळ घालवाल. तुमचं संवादकौशल्य चांगलं असेल.

कन्या रास (Virgo Horoscope)

कन्या राशीसाठी आजचा दिवस भाग्याचा असणार आहे. दत्तगुरुंना कृपेने तुमच्या मार्गातील सर्व अडथळे दूर होतील. तसेच, नवीन कार्यात तुमचं मन रमेल. अचानक धनलाभ होण्याची शक्यता देखील आहे. तसेच, नोकरदार वर्गातील लोकांना लवकरच प्रमोशन मिळण्याची शक्यता आहे. भावा बहिणीबरोबर चांगले संबंध निर्माण होतील.

तूळ रास (Libra Horoscope)

तूळ राशीसाठी आजचा दिवस शुभकारक असणार आहे. आज समाजातील काही खास व्यक्तीशी तुमच्या गाठीभेटी होतील. तसेच, तुमच्या कलागुणांना चांगला वाव मिळेल. नवीन प्रोजेक्टवर काम करण्याची संधी तुम्हाला मिळू शकते. एकूणच जोडीदाराबरोबर तुमचा व्यवहार चांगला राहील.

वृश्चिक रास (Scorpio Horoscope)

वृश्चिक राशीसाठी आजचा दिवस फार खास असणार आहे. तुमची आर्थिक स्थिती चांगली असून देवी लक्ष्मीचा तुमच्यावर आशीर्वाद असणार आहे. नोकरदार वर्गातील लोकांना कामाच्या ठिकाणी सहकाऱ्यांचा चांगला पाठिंबा मिळेल. तसेच, तुम्ही एखादी नवीन वस्तूची खरेदी करु शकता. धार्मिक कार्यात तुमचं मन रमेल.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)  

हेही वाचा :