Astrology : आज ध्रुव योगासह जुळून आले अनेक शुभ संयोग; मिथुनसह 5 राशींचं भाग्य उजळणार, मिळतील नवीन संधी

Astrology Panchang Yog 25 January 2025 : वैदिक ज्योतिष शास्त्रानुसार, आज जुळून आलेल्या शुभ योगाचा लाभ 5 राशींच्या लोकांना होणार आहे. या राशींसाठी आजचा दिवस भाग्यशाली असणार आहे.

Astrology Panchang Yog 25 January 2025

Source : ABP Web Team

Astrology Panchang Yog 25 January 2025 : वैदिक ज्योतिष शास्त्रानुसार, आज 25 जानेवारीचा दिवस आहे. आज एकादशी तिथीसह षटतिला एकादशीचा संयोग जुळून आला आहे. त्याचबरोबर, शश राजयोगदेखील (Yog) निर्माण झाला आहे. त्यामुळे आजच्या दिवसाचं महत्त्व वाढलं आहे. तसेच, आज बुधादित्य योगासह वृद्धि योग आणि अनेक शुभ संयोग जुळून आले आहेत. 

वैदिक ज्योतिष शास्त्रानुसार, आज जुळून आलेल्या शुभ योगाचा लाभ 5 राशींच्या लोकांना होणार आहे. या राशींसाठी आजचा दिवस भाग्यशाली असणार आहे. या राशी नेमक्या कोणत्या ते जाणून घेऊयात.

मेष रास (Aries Horoscope)

मेष राशीच्या लोकांसाठी आजचा दिवस करिअर आणि आर्थिक दृष्टीकोनातून लाभदायी असणार आहे. तसेच, आर्थिक बाबतीत तुम्हाला कोणतीच अडचण जाणवणार नाही. तुमच्या कुटुंबात आनंदी वातावरण पाहायला मिळेल. तसेच, तुम्हाला प्रगतीच्या अनेक संधी मिळतील. आज तुम्हाला मित्रांचं देखील चांगलं मार्गदर्शन लाभणार आहे. तसेच, संपर्क क्षेत्राचा विस्तार होईल. 

मिथुन रास (Gemini Horoscope)

मिथुन राशीच्या लोकांसाठी आजचा दिवस महत्त्वाचा असणार आहे. आजचा दिवस तुमच्या करिअरसाठी एकदम अनुकूल असणार आहे. तुमचे काही महत्त्वाचे काम आज पूर्ण होण्याची शक्यता आहे. तसेच, जवळच्या व्यक्तीशी गाठीभेटी वाढतील. उत्पन्नाच्या नवीन संधी तुमच्यासमोर उभ्या होतील. कामाच्या संदर्भात लवकरच तुम्हाला शुभवार्ता मिळू शकते. 

सिंह रास (Leo Horoscope)

सिंह राशीच्या लोकांसाठी आजचा दिवस लाभदायक असणार आहे. आज तुम्हाला नशिबाची चांगली साथ मिळेल. तसेच, तुमच्या व्यवसायात तुमची चांगली प्रगती दिसून येईल. आज राजकीय आणि सामाजिक कार्यात तुम्ही अग्रेसर असाल. समाजात तुमचं चांगलं कौतुक होऊन तुम्हाला चांगला मान-सन्मान मिळेल. 

तूळ रास (Libra Horoscope)

तूळ राशीच्या लोकांसाठी आजचा दिवस आनंददायी असणार आहे. आज तुम्हाला सामाजिक क्षेत्रात मानाचं स्थान मिळेल. तसेच, तुमच्या पगारात चांगली वाढ झालेली दिसेल. तुमच्या व्यवसायातून तुम्हाला आनंद मिळेल. तसेच, तुमची चांगली कमाई देखील होईल. आज दिवसभरात तुम्हाला एखादी शुभवार्ता ऐकायला मिळू शकते. 

वृश्चिक रास (Scorpio Horoscope)

वृश्चिक राशीच्या लोकांसाठी आजचा दिवस चांगला जाणार आहे. आज तुमच्या सर्व चिंता दूर होतील. तसेच, तुमच्या पाठी तुमच्या आई-वडिलांचा आशीर्वाद असेल त्यामुळे तुमच्या मार्गातील सर्व अडथळे दूर होतील. तुमच्या करिअरमध्ये चांगली प्रगती होताना दिसेल. तसेच, मित्रांबरोबरचा तुमचा वेळ अगदी आनंदात जाईल. वैवाहिक नात्यात गोडवा दिसून येईल. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा: