Astrology : आज अमला योगासह जुळून आले अनेक शुभ संयोग; सिंहसह 'या' 5 राशींवर होणार धनवर्षाव, महिन्याची सुरुवात ठरणार खास

Astrology Panchang Yog 1 May 2025 : वैदिक ज्योतिष शास्त्रानुसार, आजचा दिवस 5 राशींसाठी शुभ असणार आहे. या राशी कोणत्या ते जाणून घेऊयात. 

Astrology Panchang Yog 1 May 2025

Source : Abp Web Team

Astrology Panchang Yog 1 May 2025 : आज 1 मे चा दिवस. म्हणजेच आजचा वार गुरुवार आहे. आजचा दिवस दत्तगुरुंना समर्पित आहे. आज वैशाख शुक्ल पक्षातील चतुर्थी तिथी आहे. तसेच, आज चंद्र मिथुन राशीत आहे. त्याचबरोबर आज सुकर्मा योग, सर्वार्थ सिद्धी योग, रवि योग आणि मृगशिरा नक्षत्राचा शुभ संयोग जुळून आला आहे. आज चंद्र दहाव्या स्थानी आहे. आणि शुक्र आणि बुधच्या युतीने अमला योगसुद्धा जुळून आला आहे. त्यामुळे आजचा दिवस खास आहे. 

वैदिक ज्योतिष शास्त्रानुसार, आजचा दिवस 5 राशींसाठी शुभ असणार आहे. या राशी कोणत्या ते जाणून घेऊयात. 

सिंह रास (Leo Horoscope)

सिंह राशीच्या लोकांसाठी आजचा दिवस शुभकारक असणार आहे. आज तुम्हाला अचानक धनलाभ होण्याची शक्यता आहे. तसेच,  तुमचं नैटवर्किंग खूप स्ट्रॉंग असणार आहे. आज भावा-बहिणीतील संबंध फार दृढ असतील. त्याचबरोबर तुम्ही आत्मविश्वासाने परिपूर्ण असाल. आज तुमच्या मनातील एखादी गोष्ट पूर्ण होण्याची शक्यता आहे. 

मिथुन रास (Gemini Horoscope)

मिथुन राशीच्या लोकांसाठी आजचा दिवस चांगला असणार आहे. समाजात तुमची चांगली प्रतिमा निर्माण होईल. आजच्या दिवशी तुम्ही जे काही कार्य हाती घ्याल त्यात तुम्हाला चांगलं यश मिळेल. वडिलांचा आशीर्वाद तुमच्या पाठीशी असेल. तसेच, मित्रांच्या सहकार्याने तुमची सगळी कामे पूर्ण होतील. आज मात्र तुम्ही तुमच्या आरोग्याबाबत सतर्क असणं गरजेचं आहे. 

तूळ रास (Libra Horoscope)

तूळ राशीच्या लोकांसाठी आजचा दिवस भाग्याचा असणार आहे. आज कामाच्या ठिकाणी तुम्हाला कर्मचाऱ्यांचा चांगला पाठिंबा मिळेल. तुमच्या कुटुंबात आनंदी वातावरण पाहायला मिळेल. तसेच, समाजात तुम्हाला चांगला मान-सन्मान मिळेल. तुमची लव्ह लाईफ चांगली असेल. धनसंपत्तीचा चांगला लाभ घ्याल. 

वृश्चिक रास (Scorpio Horoscope)

वृश्चिक राशीसाठी आजचा दिवस प्रगतीचा असणार आहे. आज नोकरदार वर्गातील लोकांवर देवी लक्ष्मीची कृपा असेल. त्यामुळे तुमच्या मार्गातील अडथळे दूर होतील. सरकारी योजनांचा तुम्ही चांगला लाभ घ्याल. तसेच, तुमचे अनेक दिवसांपासून रखडलेले काम पूर्ण करता येईल. जोडीदाराबरोबर चांगला संवाद साधाल. 

कुंभ रास (Aquarius Horoscope)

कुंभ राशीच्या लोकांसाठी आजचा दिवस चांगला असणार आहे. आज तुमच्यावर देवी लक्ष्मीची विशेष कृपा असेल. तसेच, भौतिक सुख-संपत्तीचा तुम्हाला चांगला अनुभव घेता येईल. वडिलोत्पार्जित संपत्तीचा तुम्ही चांगला लाभ घ्याल. तसेच, तुमची आर्थिक स्थिती चांगली असेल. अचानक धनलाभ होण्याची शक्यता आहे.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)  

हेही वाचा :