Astrology : आज त्रिग्रही योगासह बनले अनेक शुभ योग; भरणी नक्षत्रही ठरणार फलदायी, कुंभ राशीसह 'या' राशींचं नशीब उजळणार
Panchang 14 March 2024 : आज 14 मार्चला रवि योग, त्रिग्रही योगासह अनेक शुभ योग तयार होत आहेत, ज्यामुळे उद्याचा दिवस वृषभ, मकर, कुंभ राशीसह 5 राशींसाठी आजचा दिवस फलदायी असणार आहे. त्याच बरोबर, आज गुरुवारचा दिवस गुरुदेवांना आणि विष्णूला समर्पित आहे, त्यामुळे या 5 राशींवर दुप्पट कृपा देखील राहणार आहे.
Astrology 14 March 2024 : आज, गुरुवार, 14 मार्चला चंद्र वृषभ राशीत भ्रमण करत आहे. तसेच आज फाल्गुन महिन्यातील शुक्ल पक्षाची पाचवी तिथी असून या दिवशी रवियोग, त्रिग्रही योग आणि भरणी नक्षत्र यांचा शुभ संयोग देखील होत आहे. वैदिक ज्योतिष शास्त्रानुसार, 5 राशींना आज तयार होत असलेल्या शुभ योगाचा लाभ मिळेल. या 5 भाग्यवान राशी (Zodiac Signs) नेमक्या कोणत्या ते जाणून घेऊया.
वृषभ रास (Taurus)
वृषभ राशीच्या लोकांसाठी आजचा दिवस लाभदायक आहे. वृषभ राशीच्या लोकांना आज योग्य दिशा मिळेल आणि भेडसावत असलेल्या समस्या सोडवण्याच्या दिशेनेही तुम्ही काम कराल. तुम्ही बरेच दिवस एखाद्या आजाराने त्रस्त असाल तर आता तुम्हाला त्यापासून आराम मिळेल. व्यावसायिकांना आज चांगला नफा मिळेल, तुम्ही नवीन व्यवसायाची योजना देखील बनवू शकता. कामाच्या ठिकाणी तुम्ही वेळेवर काम पूर्ण करण्याचा प्रयत्न कराल, जेणेकरुन नंतर मित्रांसोबत वेळ घालवता येईल. वैवाहिक जीवनाबद्दल बोलायचं झालं तर, तुम्ही तुमच्या जोडीदारासोबत एखाद्या नातेवाईकाच्या घरी जाऊ शकता, जिथे तुम्हाला चांगला आदरातिथ्य मिळेल.
सिंह रास (Leo)
आजचा दिवस सिंह राशीच्या लोकांसाठी अनुकूल असणार आहे. आज सिंह राशीचे लोक वडीलधाऱ्यांचं म्हणणं लक्षपूर्वक ऐकतील आणि प्रत्येक पाऊल जबाबदारीने उचलतील. व्यवसायाचा विस्तार करण्यासाठी तुम्ही नवीन योजना बनवाल. कितीही अडचणी आल्या तरी तुम्ही तुमचं ध्येय गाठाल. घरातील सर्वांशी तुमचे चांगले संबंध असतील, वाद होणार नाही. भगवान विष्णूच्या कृपेने तुम्हाला आर्थिक लाभ होण्याची शक्यता आहे आणि तुमच्या बँक बॅलन्समध्ये चांगली वाढ होईल. तुमच्या जोडीदाराशी तुमचे संबंध सुधारतील आणि समजूतदारपणा वाढेल. कुटुंबातील लहान मुलांसोबत मजा करण्यातही तुम्ही थोडा वेळ घालवाल.
तूळ रास (Libra)
तूळ राशीच्या लोकांसाठी आजचा दिवस चांगला असणार आहे. आज तुमच्या व्यवसायात चांगली वाढ होईल. तुम्ही तुमच्या व्यावसायिक जीवनात प्रचंड यश मिळवाल आणि आज तुम्ही जे काही काम कराल त्यात तु्म्हाला पूर्ण यश मिळेल. नशिबाची साथ मिळाल्याने तुम्हाला अनेक चांगल्या संधी मिळतील, आर्थिक लाभ मिळेल. आज तुमच्या मुलांची प्रगती पाहून तुम्ही आनंदी व्हाल. भगवान विष्णूच्या कृपेने आज तुमची मालमत्ता खरेदी करण्याची इच्छा पूर्ण होईल. तुम्ही तुमच्या घराचं नूतनीकरण देखील करू शकता.
मकर रास (Capricorn)
आजचा दिवस मकर राशीच्या लोकांसाठी शुभ असणार आहे. नोकरीत तुम्हाला सहकाऱ्यांची मदत लाभेल. तुम्ही कुटुंबासोबत फिरायला जाण्याचा विचारही करू शकता. आज घरात आणि बाहेरच्या दोन्ही जबाबदाऱ्या तुम्ही चांगल्या प्रकारे पार पाडाल. तुम्ही नवीन नोकरीच्या शोधात असाल तर आज तुम्हाला मित्राच्या मदतीने चांगली संधी मिळू शकते. व्यवसायात प्रगती होईल. विद्यार्थ्यांच्या उच्च शिक्षणाचा मार्ग मोकळा होऊन त्यांना सरकारी योजनांचा पुरेपूर आनंद घेता येईल.
कुंभ रास (Aquarius)
आजचा दिवस कुंभ राशीच्या लोकांसाठी अनुकूल आहे. कुंभ राशीचे लोक आज एखादे ध्येय साध्य करण्यासाठी पूर्ण प्रयत्न करतील. व्यवसायात काही अडचणी येत असतील तर त्या आज दूर होतील. तुम्ही तुमच्या कामावर पूर्ण लक्ष केंद्रित केलं तर तुम्हाला योग्य फळ मिळेल. ज्या विद्यार्थ्यांना परदेशात शिक्षणासाठी जायचं आहे त्यांना आज चांगली संधी मिळू शकते. तुमच्या व्यवसायाशी संबंधित महत्त्वाची कामं पूर्ण करण्यासाठी तुम्ही अधिकाधिक वेळ द्याल. जर तुम्ही न्यायालयीन प्रकरणांमध्ये अडकले असाल तर आज ते संकटही दूर होईल. आज तुमचं कौटुंबिक वातावरण चांगलं राहील.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा:
महत्त्वाच्या बातम्या
