Astrology : आज महिन्याच्या पहिल्याच दिवशी आयुष्मान योगासह बनले अनेक शुभ योग; मकरसह 'या' 4 राशींची चांदी, शनीच्या कृपेने होणार धनलाभ
Panchang 1 June 2024 : आज शनिवारचा दिवस हा अनेक शुभ योगांनी संपन्न झाला आहे, याचा 4 राशींना सर्वाधिक लाभ होणार आहे. या 5 राशींवर आज शनीची कृपा राहील, त्यांची आज बंपर कमाई होईल. आजच्या भाग्यवान राशी नेमक्या कोणत्या? जाणून घेऊया.
Panchang 1 June 2024 : ग्रहांच्या स्थितीनुसार, आजचा दिवस फार महत्त्वाचा आहे. आज, शनिवारी, जून महिन्याच्या पहिल्या दिवशी म्हणजे 1 जूनला, मंगळ स्वतःच्या राशीत मेष राशीत आणि चंद्र मीन राशीत प्रवेश करणार आहे. तसेच आज वैशाख महिन्यातील कृष्ण पक्षातील दहावी तिथी असून या दिवशी प्रीति योग, आयुष्मान योग आणि उत्तराभाद्रपद नक्षत्र यांचा शुभ संयोग होत असल्याने आजच्या दिवसाचं महत्त्व वाढलं आहे. वैदिक ज्योतिष शास्त्रानुसार 5 राशींना आज बनत असलेल्या शुभ योगांचा लाभ मिळेल. या भाग्यवान राशी (Zodiac Signs) नेमक्या कोणत्या? जाणून घेऊया.
वृषभ रास (Taurus)
आजचा दिवस वृषभ राशीच्या लोकांसाठी संपत्तीत वाढ करणारा आहे. शनिदेवाच्या शुभ प्रभावामुळे तुम्ही सर्व जबाबदाऱ्या यशस्वीपणे पार पाडाल. जर बरेच दिवसांपासून तुम्ही एखाद्या वादाचा सामना करत असाल तर तुम्हाला त्यातूनही आराम मिळेल. आज तुमच्यापैकी काहींना परदेशातून लाभ मिळेल आणि तुम्ही लवकरच परदेश दौऱ्यावर जाण्याचेही संकेत आहेत. तुमचं आरोग्य पूर्णपणे चांगलं राहील, ज्यामुळे तुम्हाला उत्साही वाटेल. व्यवसायाबद्दल बोलायचं तर, आज तुम्हाला नवीन व्यवसायाच्या संधी मिळतील आणि भरपूर नफाही मिळेल. तुमच्या सासरच्या लोकांशी संबंध चांगले राहतील आणि प्रत्येक कठीण प्रसंगात ते तुमच्यासोबत उभे राहतील. कौटुंबिक बाबींमध्ये तुमची पूर्ण रुची राहील आणि आज घरी एखादा पाहुणा येईल, यामुळे कुटुंबातील सर्व सदस्य आदरातिथ्य करण्यात व्यस्त दिसतील.
सिंह रास (Leo)
सिंह राशीच्या लोकांसाठी आजचा दिवस खूप खास असणार आहे. आज सिंह राशीच्या लोकांच्या अपूर्ण इच्छा पूर्ण होतील आणि तुमच्या जीवनात सकारात्मक बदल घडतील. आज तुमचा आनंद वाढेल आणि तुम्हाला खूप दिवसांनी मानसिक शांती देखील मिळेल. नोकरदार लोक आणि व्यावसायिकांना आपापल्या क्षेत्रात यश मिळेल आणि विविध स्त्रोतांतून पैसे मिळण्याची देखील शक्यता आहे. सर्वजण तुमच्याशी चांगले वागतील आणि तुमची समजही वाढेल, ज्यामुळे तुम्ही महत्त्वाचे निर्णय घेऊ शकाल. वैवाहिक जीवनाबद्दल सांगायचं तर, तुम्ही तुमच्या जोडीदारासोबत आनंदाचे क्षण अनुभवाल आणि नातेसंबंधातही आनंदी राहाल. घरी एखाद्या प्रिय व्यक्तीच्या किंवा नातेवाईकाच्या आगमनाने तुमचं मन खूप आनंदित होईल आणि ग्रहांच्या शुभ प्रभावामुळे आजपासून तुमचे चांगले दिवस सुरू होतील.
तूळ रास (Libra)
तूळ राशीच्या लोकांसाठी आजचा दिवस महत्त्वाचा असणार आहे. तूळ राशीच्या राशीच्या लोकांना आज त्यांची स्वप्नं पूर्ण करण्याची संधी मिळेल. लहानापासून मोठ्यापर्यंत प्रत्येक समस्या संपुष्टात येईल, ज्यामुळे तुम्ही सुटकेचा नि:श्वास टाकू शकाल. व्यावसायिक जीवनात शनिदेवाच्या कृपेने तुमची स्थिती मजबूत होईल आणि तुम्ही ज्या क्षेत्रात काम कराल त्या क्षेत्रात तुम्हाला मोठं यश मिळेल. रोजगाराच्या शोधात असलेल्या तरुणांना आज चांगली बातमी मिळेल, ज्यामुळे त्यांना त्यांचे करिअर सुरू करता येईल. शनिदेवाच्या कृपेने तुमच्या आर्थिक स्थितीत सुधारणा होण्याची शक्यता आहे आणि तुमच्या बँक बॅलन्समध्येही चांगली वाढ होईल. नवीन वाहन आणि मालमत्ता खरेदी करण्याची तुमची इच्छा देखील आज पूर्ण होईल. कौटुंबिक आणि वैवाहिक जीवन चांगलं राहील आणि सुख-सुविधांमध्ये वाढ झाल्यामुळे तुम्हाला चांगलं वाटेल.
मकर रास (Capricorn)
मकर राशीच्या लोकांसाठी आजचा दिवस शुभ आणि फलदायी असणार आहे. मकर राशीचे लोक आज चांगली कमाई करण्यात यशस्वी होतील आणि धार्मिक कार्यातही भाग घेतील. जर आपण नोकरी करणाऱ्या लोकांबद्दल बोललो तर, आज तुमचे सहकारी आणि अधिकाऱ्यांशी चांगले संबंध राहतील. या राशीचे काही लोक कामासाठी आपल्या कुटुंबापासून दूर जाऊ शकतात आणि भविष्यासाठी काही नवीन स्वप्नं देखील पाहू शकतात. व्यवसायात नफा मिळवण्यासाठी केलेले प्रयत्न यशस्वी होतील आणि तुमचे दैनंदिन उत्पन्न वाढेल. तुमचे भावा-बहिणींसोबतचे संबंध चांगले राहतील आणि जर मित्रांसोबत काही वाद चालू असेल तर तेही आज संपुष्टात येईल. कुटुंबातील विवाहयोग्य व्यक्तीच्या लग्नाबद्दल हालचाली दिसतील.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा :
महत्त्वाच्या बातम्या
ट्रेंडिंग न्यूज
