Akshaya Tritiya 2024 : अक्षय्य तृतीयेला सोनं-चांदी नाही तर 'या' 5 गोष्टी खरेदी करा; संपत्तीत होईल भरभराट, आरोग्यही राहील उत्तम

Akshaya Tritiya 2024 : अक्षय्य तृतीयेला सोनं-चांदी खरेदी करण्याला तर महत्त्व आणि प्राधान्य आहेच पण ज्योतिष शास्त्रानुसार अक्षय्य तृतीयेच्या दिवशी तुम्ही काही वस्तू खरेदी करणं देखील शुभ मानलं जातं.

Akshaya Tritiya 2024

Akshaya Tritiya 2024 : हिंदू धर्मात अक्षय्य तृतीयेचा (Akshaya Tritiya) दिवस हा फार शुभ मानला जातो. साडेतीन मुहूर्तांपैकी एक असा हा मुहूर्त आहे. या दिवशी लग्न समारंभ, पूजा, विधी असे अनेक कार्यक्रम आयोजित केले जातात. तसेच, घर बांधणे, नवीन कार्याची, बिझनेसची सुरुवात करणे यांसारख्या शुभ कार्याची सुरुवात देखील अक्षय्य तृतीयेच्या दिवशी करतात. अक्षय्य तृतीयेला सोनं-चांदी (Gold-Silver) खरेदी करण्याला तर महत्त्व आणि प्राधान्य आहेच पण ज्योतिष शास्त्रानुसार तुम्ही काही वस्तू खरेदी करणं देखील शुभ मानलं जातं. यामुळे तुमच्या सुख-समृद्धी, ऐश्वर्यात वाढ होते. कुटुंबातील सदस्यांनाही समृद्धी मिळते. आजच्या दिवशी अशा कोणत्या 5 वस्तू खरेदी कराव्यात ते जाणून घेऊयात. 

कापूस

अक्षय्य तृतीयेच्या दिवशी कापूस खरेदीला विशेष महत्त्व आहे. जर तुम्ही कोणतीही महागडी वस्तू खरेदी करू शकत नसाल तर या दिवशी कापूस खरेदी करणे खूप शुभ मानले जाते. अक्षय्य तृतीयेच्या दिवशी कापूस खरेदी केल्याने जीवनात शांती येते आणि संपत्तीत चांगली वाढ होते.

सैंधव मीठ 

अक्षय्य तृतीयेच्या दिवशी मीठ खरेदी करण्याची परंपरा फार पूर्वीपासून आहे. सैंधव मीठ शुक्र, भौतिक सुखांचा स्वामी आणि चंद्र, माता आणि मानसिक शांतीसाठी जबाबदार ग्रहाशी संबंधित मानले जाते. या दिवशी सैंधव मीठ खरेदी केल्याने संपत्ती वाढते. पण या दिवशी चुकूनही सैंधव मिठाचे सेवन करू नका.

भांडी खरेदी करा

अक्षय्य तृतीयेच्या दिवशी मातीचे महत्त्व सोने खरेदी करण्याइतके मानले जाते. जर तुम्हाला सोने-चांदी खरेदी करणं शक्य नसेल तर या दिवशी मातीचे भांडे, घागरी, दिवा इत्यादी वस्तू घरी आणणे शुभ मानले जाते. असे केल्याने तुमची संपत्ती वाढते आणि तुमच्या कुटुंबातील सदस्यांचीही प्रगती होते.

जव किंवा मोहरी

आजच्या दिवशी जव किंवा पिवळी मोहरी खरेदी करणे खूप शुभ मानले जाते. या शुभ दिवशी बार्ली किंवा पिवळी मोहरी खरेदी करणे हे सोने-चांदी इतकंच शुभ मानले जाते. अक्षय्य तृतीयेला घरी जव किंवा पिवळी मोहरी आणल्याने देवी लक्ष्मीची कृपा होते.

पितळेची भांडी

आज तुम्ही पितळेची भांडी देखील खरेदी करू शकता. तुम्ही तांब्याची किंवा पितळेची भांडी खरेदी करून घरी आणू शकता. असे केल्याने तुमच्या संपत्तीत वाढ होते. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)  

हेही वाचा :