2026 Year Lucky Zodiacs: पैसा.. भरगच्च पगाराची नोकरी.. प्रेम.. 2026 मध्ये 4 राशींचीच हवा! शनि-गुरू सारख्या मोठ्या ग्रहांचा चमत्कार, संपत्तीचा मार्ग मोकळा..
2026 Year Lucky Zodiacs: ज्योतिषशास्त्रानुसार, 2026 नववर्षात गुरु आणि शनि या प्रमुख ग्रहांची स्थिती काही राशींसाठी अत्यंत शुभ ठरणार आहे. जाणून घ्या भाग्यशाली राशींबद्दल...
2026 Year Lucky Zodiacs: वैदिक ज्योतिषशास्त्रानुसार, 2026 हे वर्ष कसं जाणार? कोणासाठी नशीब पालटणारे ठरणार? याबाबत अनेकांना उत्सुकता आहे. ज्योतिषींच्या मते, 2026 हे वर्ष अनेक ग्रहांच्या मोठ्या हालचालींचे वर्ष असणार आहे. या वर्षात गुरु (Jupiter) आणि शनि (Saturn) या प्रमुख ग्रहांची स्थिती काही राशींसाठी अत्यंत शुभ ठरणार आहे. विशेषतः वर्षाच्या मधल्या काळात गुरुचे कर्क राशीत (उच्च राशीत) होणारे संक्रमण अनेक राशींचे भाग्य उजळवणारे ठरेल. डॉ. भूषण ज्योतिर्विद यांच्या मते, 2026 हे वर्ष 4 राशींसाठी हे वर्ष अत्यंत भाग्यशाली ठरू शकते, जाणून घ्या त्या भाग्यशाली राशींबद्दल...
वृषभ रास (Taurus)
ज्योतिषशास्त्रानुसार, 2026 हे वर्ष वृषभ राशीसाठी आर्थिकदृष्ट्या खूप फायदेशीर ठरणार आहे.
कारण: 2026 मध्ये शनी महाराज तुमच्या 11 व्या भावात (लाभ स्थान) विराजमान असतील. ज्योतिषशास्त्रात 11 व्या भावातील शनी अत्यंत शुभ मानला जातो.
परिणाम: उत्पन्नाचे नवीन स्रोत उघडतील. अडकलेले पैसे परत मिळतील आणि नोकरी-व्यवसायात मोठी आर्थिक प्रगती होईल. जमिनीचे व्यवहार किंवा दीर्घकालीन गुंतवणुकीतून फायदा होईल.
कर्क रास (Cancer)
ज्योतिषशास्त्रानुसार, कर्क राशीच्या लोकांसाठी 2026 हे वर्ष 'गेमचेंजर' ठरू शकते.
कारण: वर्षाच्या मध्यात देवगुरू बृहस्पती (Guru) तुमच्याच राशीत म्हणजेच लग्नात (१ ले भाव) प्रवेश करतील. गुरु येथे 'उच्च' (Exalted) होतात, ज्यामुळे 'हंस महापुरुष योग' तयार होईल.
परिणाम: तुमचे व्यक्तिमत्त्व अतिशय प्रभावशाली बनेल. समाजात मान-सन्मान वाढेल. जे लोक अविवाहित आहेत, त्यांचे विवाह ठरतील. संतान प्राप्तीची इच्छा असणाऱ्यांसाठी हा काळ अतिशय उत्तम राहील.
तूळ रास (Libra)
ज्योतिषशास्त्रानुसार, तूळ राशीसाठी 2026 हे वर्ष करिअर आणि स्पर्धेसाठी उत्कृष्ट आहे.
कारण: शनि तुमच्या पत्रिकेतील 6 व्या भावात संक्रमण करत आहे आणि वर्षाच्या मध्यात गुरु तुमच्या 10 व्या भावात (कर्म स्थान) प्रवेश करतील (उच्च दृष्टीने).
परिणाम: शत्रूंवर विजय मिळेल. कोर्ट-कचेरीच्या कामात यश मिळेल. जे लोक नोकरीत बढतीची वाट पाहत आहेत, त्यांना उच्च पद मिळेल. व्यवसायात विस्ताराच्या संधी मिळतील.
वृश्चिक रास (Scorpio)
ज्योतिषशास्त्रानुसार, भाग्याच्या दृष्टीने पाहिल्यास वृश्चिक राशीसाठी 2026 हे वर्ष सर्वात उत्तम असू शकते.
कारण: वर्षाच्या मध्यात गुरु तुमच्या 9 व्या भावात (भाग्य स्थान) प्रवेश करतील. गुरुची दृष्टी तुमच्या राशीवर (लग्नावर) आणि 5 व्या भावावर पडेल.
परिणाम: नशीबाची पूर्ण साथ मिळेल. परदेश प्रवासाचे योग येतील. धार्मिक कार्यात रुची वाढेल. विद्यार्थ्यांसाठी हे वर्ष यशाचे असेल आणि उच्च शिक्षणाचे मार्ग मोकळे होतील.
ग्रहांचे शुभ संकेत
ज्योतिषशास्त्रानुसार, 2026 मध्ये गुरुचे उच्च राशीत (कर्क) जाणे हे जगासाठी आणि वरील राशींसाठी शुभ संकेत आहे. वृषभ राशीला धनलाभ, कर्क राशीला सन्मान, तूळ राशीला करिअरमध्ये यश आणि वृश्चिक राशीला भाग्याची साथ मिळेल.
हेही वाचा
Panchgrahi Yog 2026: कर्क, तूळ, धनु, मकर, वृषभसह 7 राशींना श्रीमंतीचे संकेत! 2026 चा पॉवरफुल पंचग्रही योग करणार दुप्पट प्रगती, तुमची रास?
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
महत्त्वाच्या बातम्या
