World Athletics Championships 2022: रोहित यादवचं नीरज चोप्राच्या पावलावर पाऊल, 80.42 मीटर भालाफेक करून अंतिम फेरी गाठली!

World Athletics Championships 2022: वर्ल्ड अॅथलेटिक्स चॅम्पियनशिपमध्ये भारताचा स्टार भालाफेकपटू नीरज चोप्राच्या (Neeraj Chopra) चमकदार कामगिरीनंतर रोहित यादवनंही (Rohit Yadav) आपला दम दाखवलाय.

Rohit Yadav

World Athletics Championships 2022: वर्ल्ड अॅथलेटिक्स चॅम्पियनशिपमध्ये भारताचा स्टार भालाफेकपटू नीरज चोप्राच्या (Neeraj Chopra) चमकदार कामगिरीनंतर रोहित यादवनंही (Rohit Yadav) आपला दम दाखवलाय. वर्ल्ड अॅथलेटिक्स चॅम्पियनशिप पात्रता फेरीत रोहित यादवनं पहिल्याच प्रयत्नात 80.42 मीटर भालाफेक करत अंतिम फेरीत स्थान मिळवलं आहे. रोहित यादवनं त्याच्या गटात सहावं आणि दोन्ही गटात 11वं स्थान मिळवून 12 जणांच्या अंतिम फेरीत प्रवेश केलाय. रोहितच्या उत्कृष्ट कामगिरीमुळं संपूर्ण देशभरातून त्याच्यावर कौतुकाचा वर्षाव केला जातोय. तसेच या स्पर्धेतील अंतिम सामन्यात रोहित भारताला पदक मिळवून देईल, अशीही अपेक्षा केली जात आहे. 

भारतीय खेळाडूंचं दमदार प्रदर्शन
वर्ल्ड अॅथलेटिक्स चॅम्पियनशिपमध्ये भारताचा भालेफेकपटू दविंदर सिंह कांगनं सर्वात प्रथम अंतिम फेरी गाठली होती. त्यानंतर नीरज चोप्रानं घवघवीत यश मिळवलं. पात्रता फेरीच्या पहिल्याच प्रयत्नात नीजर चोप्रानं 88.39 मीटर भालाफेक करून अंतिम फेरीत धडक दिलीय. नीरज चोप्राची त्याच्या कारकिर्दीतील ही तिसरी सर्वोत्तम कामगिरी ठरलीय. आता भारतासाठी पदक जिंकण्यासाठी नीरज चोप्रा रविवारी मैदानात उतरेल. भारतीय वेळेनुसार, रविवारी सकाळी 7.05 मिनिटांनी अंतिम फेरीला सुरुवात होईल.

ट्वीट-

पदक जिंकण्यासाठी भारतीय खेळाडू सज्ज
यंदाच्या वर्ल्ड अॅथलेटिक्स चॅम्पियनशिपमध्ये भारताला पदक मिळवून देण्यासाठी भारतीय खेळाडू पूर्ण क्षमतेनं मैदानात उतरत आहेत. भारताचे सहा अॅथलिट्स वेगवेगळ्या क्रीडा प्रकारात अंतिम फेरीत पोहचले आहेत. वर्ल्ड अॅथलेटिक्स चॅम्पियनशिपमध्ये लांब उडीत श्रीशंकर, भालाफेकीत नीरज चोप्रा, रोहित यादव, महिला भालाफेकीमध्ये अन्नू राणी, ट्रिपल जंपमध्ये एल्डहोस पॉल आणि स्टीपलचेसमध्ये अविनाश साबळे यांनी अंतिम फेरीत धडक दिली आहे. यामुळं या सर्व खेळाडूंच्या प्रदर्शनावर संपूर्ण भारताचं लक्ष लागलंय. 

हे देखील वाचा-