एक्स्प्लोर

John Campbell: वेस्ट इंडीजच्या विस्फोटक फलंदाजावर चार वर्षांची बंदी; डोपिंग विरोधी नियमांचं उल्लंघन केल्याचं उघड

John Campbell: वेस्ट इंडिजचा फलंदाज जॉन कॅम्पबेलवर डोपिंगविरोधी नियमाचे उल्लंघन केल्याबद्दल चार वर्षांची बंदी घालण्यात आली आहे.

By : एबीपी माझा वेब टीम | Edited By: अश्वजीत जगताप | Updated at : 08 Oct 2022 12:21 PM (IST)

John Campbell

John Campbell: वेस्ट इंडिजचा फलंदाज जॉन कॅम्पबेलवर डोपिंगविरोधी नियमाचे उल्लंघन केल्याबद्दल चार वर्षांची बंदी घालण्यात आली आहे. जमैका अँटी-डोपिंग कमिशननं (JADCO) ही कारवाई केलीय. तीन सदस्यीय स्वतंत्र पॅनेलने शुक्रवारच्या 18-पानांच्या निर्णयात कॅम्पबेलवर नमुना संकलन सादर करण्यास टाळाटाळ किंवा नकार देणे किंवा अयशस्वी झाल्याचा आरोप करण्यात आलाय.

वेस्ट इंडिजकडून 20 कसोटी, 6 एकदिवसीय आणि 2 टी-20 सामने खेळलेल्या कॅम्पबेलवर यापूर्वी एप्रिलमध्ये कॅम्पबेलनं किंग्स्टन येथील त्याच्या घरी रक्ताचा नमुना देण्यास नकार दिला होता. त्यानं जमैका अँटी-डोपिंग कमिशनचा नियम 2.3 मोडला आहे, असा आरोप करण्यात आला होता. जमैका अँटी-डोपिंग कमिशनच्या नियम 2.3 चे उल्लंघन केल्याबद्दल कॅम्पबेलवर 4 वर्षांची बंदी घालण्यात आली आहे. कॅम्पबेलवरील ही बंदी 10 मे पासून विचारात घेतली जाईल.

कॅम्पबेल अवस्मरणीय खेळी
कॅम्पबेलनं वेस्ट इंडिजसाठी 20 कसोटी, 6 एकदिवसीय आणि 2 टी-20 सामने खेळले आहेत. कॅम्पबेलची एक विस्फोटक खेळी आजही क्रिकेट चाहत्यांच्या लक्षात आहे. त्यानं 2019 मध्ये डब्लिनमध्ये आयर्लंडविरुद्ध 179 धावांची स्फोटक खेळी खेळली होती. कॅम्पबेलनं आपल्या खेळीत 15 चौकार आणि 6 षटकार मारले. त्याने शाई होपसोबत 365 धावांची विक्रमी भागीदारी केली होती. दोघांनी मिळून एकदिवसीय क्रिकेटच्या इतिहासातील सर्वात मोठी भागीदारी करण्याचा विश्वविक्रम रचला होता.

कॅम्पबेलची आंतरराष्ट्रीय कारकीर्द