IND vs BAN: भारताला मोठा धक्का! दुखापतग्रस्त मोहम्मद शामी बांगलादेशविरुद्धच्या एकदिवसीय मालिकेतून बाहेर

India Tour Of Bangladesh: भारत आणि बांगलादेश (India vs Bangladesh) यांच्यात रविवारपासून (4 डिसेंबरपासून) तीन सामन्यांची एकदिवसीय मालिका खेळली जाणार आहे.

Mohammed Shami

India Tour Of Bangladesh: भारत आणि बांगलादेश (India vs Bangladesh) यांच्यात रविवारपासून (4 डिसेंबरपासून) तीन सामन्यांची एकदिवसीय मालिका खेळली जाणार आहे. या मालिकेपूर्वी भारताला मोठा धक्का बसलाय. भारताचा अनुभवी वेगवान गोलंदाज मोहम्मद शामी (Mohammed Shami) दुखापतीमुळं एकदिवसीय मालिकेतून बाहेर झालाय. मोहम्मद शामी एकदिवसीय आणि कसोटी या दोन्ही मालिकेत भारतीय संघाचा भाग होता. जसप्रती बुमराहच्या अनुपस्थित गोलंदाजीची जबाबदारी त्याच्या खांद्यावर सोपवण्यात आली होती. त्याचं एकदिवसीय मालिकेतून बाहेर पडणं भारताच्या चिंतेत भर घालू शकतं. 

बीसीसीआयनं आपल्या निवदेनात असं म्हटलंय की, "मोहम्मद शामीला बांगलादेशविरुद्धच्या एकदिवसीय मालिकेपूर्वीच्या सराव सत्रादरम्यान शमीच्या खांद्याला दुखापत झाली. तो सध्या एनसीए, बेंगळुरू येथे बीसीसीआय वैद्यकीय पथकाच्या देखरेखीखाली आहे आणि तीन सामन्यांच्या मालिकेत भाग घेऊ शकणार नाही."

बीसीसीआयचं ट्वीट-

🚨 NEWS 🚨: Umran Malik to replace Mohd. Shami in India’s ODI squad for Bangladesh series. #TeamIndia | #BANvIND

Details 🔽https://t.co/PsDfHmkiJs

— BCCI (@BCCI) December 3, 2022

 

बांगलादेश एकदिवसीय संघ:
तमिम (कर्णधार), लिओन, इनामूल, शाकिब, मुशफिकुर, अफिफा, यासिर अली, मेहिदी, मुस्तफिझूर, तस्किन, हसन महमूद, इबादत, नसुम, महमुदुल्ला, शांतो आणि नुरुल हसन.

भारताचा एकदिवसीय संघ: 
रोहित शर्मा (कर्णधार), केएल राहुल (उपकर्णधार), शिखर धवन, विराट कोहली, रजत पाटीदार, श्रेयस अय्यर, राहुल त्रिपाठी, ऋषभ पंत (विकेटकिपर), इशान किशन (विकेटकिपर), शाहबाज अहमद, अक्षर पटेल , वॉशिंग्टन सुंदर , शार्दुल ठाकूर , मोहम्मद. सिराज, दीपक चहर, कुलदीप सेन, उमरान मलिक.

भारत आणि बांग्लादेश एकदिवसीय सामन्याचं वेळापत्रक: 

सामना	तारीख	ठिकाण
पहिला एकदिवसीय सामना	4 डिसेंबर	शेर ए बांग्ला, ढाका
दुसरा एकदिवसीय सामना	7 डिसेंबर	शेर ए बांग्ला, ढाका
तिसरा एकदिवसीय सामना	10 डिसेंबर	शेर ए बांग्ला, ढाका

हे देखील वाचा-