रायगड : रायगडाच्या पायथ्याशी रायगडाची प्रतिकृती उभारु - संभाजीराजे

रायगडावर आज 345 वा शिवराज्याभिषेक सोहळा साजरा होत आहे. दरवर्षी 6 जून रोजी शिवराज्याभिषेक सोहळा मोठ्या उत्साहात साजरा केला जातो.

सोहळ्यासाठी हजारो शिवप्रेमी रायगड किल्ल्यावर दाखल झाले आहेत. किल्ले रायगडाला सर्व बाजूंनी धुक्याची चादर पसरली असून निसर्ग सौंदर्यानं रायगड फुलला आहे. याच धुक्याच्या शालीत किल्ले रायगडावर सध्या शिवराज्याभिषेक सोहळा सुरु आहे.

अखिल भारतीय राज्याभिषेक महोत्सव समिती, दुर्गराज रायगड यांच्या संयुक्‍त विद्यमाने हा सोहळा साजरा करण्यात येतो. या महोत्सवास किल्ले रायगड प्राधिकरणाचे अध्यक्ष खासदार छत्रपती संभाजीराजे यांच्यासह त्यांचे सुपुत्र युवराज शहाजीराजे उपस्थित राहतात.