पुणे : चितळेंचा दूधसाठा संपला, पुण्यात दूधाचा मोठा तुटवडा जाणवण्याची शक्यता

दूध आंदोलनाचा मुंबईत अजूनही फारसा परिणाम जाणवत नसला तरी पुण्यात मात्र दुधाचा तुटवडा भासणार आहे. कारण, आज चितळे आणि कात्रज या पुण्यातल्या मोठ्या दूध डेअऱ्यांनी दूध संकलन बंद ठेवलं. त्यामुळे पुण्यात दुधाची समस्या भेडसावण्याची शक्यता आहे. पुण्याकडे येणाऱ्या दुधाच्या गाड्या आडवल्या जात आहेत...तर तिकडे जालन्यात स्वाभिमानीच्या कार्यकर्त्यांनी दूध कोंडी करत रस्त्यावर दूध फेकून दिलंय. जालना औरंगाबाद रोडवरच्या नागेवाडी इथं 4 हजार लीटर दूध फेकून देण्यात आलंय. आणि  कोल्हापूर जिल्ह्यातल्या शिरोळ तालुक्यात दूध दर आंदोलन काल रात्री आणखी तीव्र झालं..  जयसिंगपूर रेल्वे स्टेशन परिसरात गोकूळ दुधाचा टँकर आंदोलकांनी पेटवला... रात्री अकरा वाजण्याच्या सुमारास ही घटना घडली...