Palghar | पालघरमध्ये मोकाट कुत्र्यांचा 93 जणांना चावा, मनोर आणि मस्तान नाका परिसरात कुत्र्यांची दहशत

पालघर मधील मनोर ग्रामपंचायत हद्दीत सध्या भटक्या कुत्र्यांनी हैदोस घातला असून 1 डिसेंबर ते 10 डिसेंबर या अवघ्या दहा दिवसात तब्बल 35 जणांवर या कुत्र्यांनी जीवघेणा हल्ला केला आहे . धक्कादायक बाब म्हणजे मागील महिन्यात नोव्हेंबरमध्ये देखील महिनाभरात तब्बल 58 जणांवर या भटक्या कुत्र्यांनी हल्ला केल्याचं समोर आलंय .या हल्ल्यांमध्ये अनेक जण गंभीर जखमी झाले असून यामध्ये काही चिमुकल्यांचाही समावेश आहे .  विशेष बाब म्हणजे ही आकडेवारी फक्त ग्रामीण रुग्णालयातील असून खाजगी रुग्णालयांमध्ये जाणाऱ्या जखमींची संख्या ही अधिक असण्याची भीती व्यक्त करण्यात येतेय .