Mahavikas Aghadi | ठाण्यातील शिवसेना- राष्ट्रवादीच्या पोस्टरमुळे वाद, महाविकास आघाडीत बिघाडी, ठाण्यात काँग्रेसची बॅनरबाजी

एकीकडे राज्य सरकार मध्ये तीन पक्षांचा सहभाग आहे हे जरी खरं असलं तरी ठाण्यामध्ये एका बॅनरवर केवळ दोनच पक्षातील नेत्यांचे फोटो लावल्याने नवा वाद निर्माण झाला आहे. ठाणे काँग्रेसने, आम्ही पाठिंबा दिला नसता तर ठाकरे सरकार सत्तेवर आले असते का? अशा आशयाचा पोस्टर लावून खुलेपणाने नाराजी व्यक्त केली आहे. एकनाथ शिंदे आणि जितेंद्र आव्हाड या ठाण्यातील दोन मंत्र्यांना देखील काँग्रेस सत्तेत आहे याचा विसर पडला आहे का? असा सवाल ठाणे काँग्रेस अध्यक्षांनी करत त्यांच्यावर जहरी टीका देखील केली आहे.